17 сәуірден бастап Қазақстанда ипотеканы ішінара немесе толық мерзімінен бұрын өтеу үшін зейнетақы қорындағы қаражатты пайдалану ережесі өзгереді. Өзгеріс екінші деңгейлі банктерге қатысты.

Ереже былай өзгереді:

  • Бұрын: «ипотека бойынша қарызды өтеу»
  • Қазір: «ипотеканың негізгі қарызын өтеу»

Бұл ережені Отбасы банк (Отбасы банктегі ипотеканы зейнетақы қорындағы ақшамен қалай өтеуге болады — нұсқаулық) қаңтардан бері қолданып келеді.
Енді ол екінші деңгейлі банктерге де қатысты.

Нақты не өзгереді

Бұрын зейнетақы қорындағы жинақпен ипотеканың ай сайынғы төлемін толық жабуға болатын:

  • негізгі қарыз,
  • банк пайызы,
  • комиссия және қосымша төлем,
  • мерзімі өткен берешек.

Енді зейнетақы жинағы негізгі қарызды азайтуға ғана жұмсалады.

Пайыз бен басқа төлемдерді ипотека алушы өз қаражатынан төлеуге тиіс.

Мысалы, ипотека төлемі — 450 000 теңге:

  • 250 000 — банк пайызы;
  • 200 000 — негізгі қарыз.

Зейнетақы қорындағы қаражат тек 200 000 теңгені жабады. Қалған 250 000 теңгені қарыз алушы өзі төлейді.

Қалай төлем жасалады

Кейбір банк (мысалы, Фридом Банк Қазақстан) зейнетақы қорындағы қаражатпен өтеудің жаңа схемасын жариялады:

  • Қарыз алушы алдымен банк шотына пайызды (келісімшартқа сәйкес), сондай-ақ айыппұлды (бар болса) аударуы керек. Жоспарлы төлем үшін бір айлық төлем жеткілікті. Ішінара мерзімінен бұрын өтеу үшін кемінде екі айлық төлем жасау қажет.
  • Одан кейін зейнетақы жинағынан алынатын қажет соманы сұрайсыз.
  • Операция күні банкке барып, сағат 17:00-ге дейін өтінім беру керек. Банк пайызды өтеуге жеткілікті қаражат бар-жоғын және түскен зейнетақы сомасын тексереді.
  • Қаражат жеткіліксіз болса, банк операциядан бас тартады. Жеткілікті болса, төлем рәсімделеді.
  • Мерзімі өткен қарыз болса, алдымен оны өз қаражатыңызбен жабасыз.

Басқа банктердегі процесс туралы кейін хабарлаймыз.

Тағы не маңызды

Ипотеканы мерзімінен бұрын өтеу үшін зейнетақы қорындағы қаражатты пайдаланғанда жаңа несие берешегі туралы анықтама қажет болады. Оны қарыз алушы өз банкінен алып, зейнетақыны алғанда БЖЗҚ-Отбасы сайтында тіркейді. Анықтамада негізгі қарыздың қалдығы жазылуға тиіс.

Тағы қандай өзгерістер күтіп тұр:
— жеткілікті шек өседі: қордағы ақшаны алу қиындайды
— ипотекалық несие талаптары өзгереді.

Пайдалы материалдар:
2026 жылы бастапқы жарнасыз ипотека алуға бола ма
Жаңа жалға алу ережесі және сот арқылы шығарып жіберу: нарыққа не болады