Хабарландыру беру ережелері

1. Жалпы ережелер

1.1. Хабарландыруды сәйкес айдарға орналастырыңыз

1.1.1. Хабарландыру мәтіні айдарға сәйкес болуға тиіс. Мысалы, пәтер сату жөніндегі хабарландыруда риелторлық қызмет туралы жазуға болмайды. Ондай хабарландыру бірден өшіріледі. Біз әр жылжымайтын мүлік түрі үшін өзіне сай айдар табылуын қамтамасыз етуге тырыстық.

1.1.2. Қонақ үйдегі бөлмелер туралы хабарландыруды “Пәтер жалдау”, ал хостел қызметіне қатысты хабарландыруды “Бөлме жалдау” айдарына орналастыруға болады.

1.2. Шынайы ақпарат беріңіз

1.2.1. Хабарландыру беру үлгісіндегі жолдарға мақсатына сай (бағасы, ауданы, орналасқан жері және т. б.) шынайы мәлімет жазыңыз. Әйтпесе мәліметтің бір бөлігі жарияланбауы мүмкін.

1.2.2. Хабарландырудың мәтін түріндегі сипаттамасында жылжымайтын мүлік нысаны туралы шынайы мәлімет болуға тиіс. Жарнамалық немесе көрсетілетін қызметтер жазылған мәтін сипаттаманың негізі болмауы керек. Хабарландыру мәтінінде дұрыс мәлімет болуға тиіс.

1.2.3. Тұрғын үй кешеніне үлестік қатысу үшін ақша тартуға рұқсат берілген. ҚТК кепілдігі немесе Әкімдіктің рұқсаты.

1.2.4. Хабарландыру бергеннен кейін аймақты редакциялауға тыйым салынады.

1.2.5. Рұқсат құжаттары жоқ Тұрғын үй кешендері туралы хабарландыру беруге тыйым салынған.

1.3. Тыйым салынған тауарлар мен қызмет түрлерін ұсынбаңыз

1.3.1. Хабарландыру бергенде Қазақстан Республикасының заңына, моральдық-этникалық нормалар мен ақыл-сананы негізге алыңыз.

1.3.2. Реплика, макеттерді қоса алғанда, қару сату және қарумен байланысты қызмет көрсету, есірткі немесе токсикомандық заттар, прекурсор не олардың баламасын, алкоголь, медикамент, адамның дене мүшелері, секс-индустрия өнімдері, орден, марапат, құжат сату/сатып алу туралы хабарландыру бермеңіз. Әйтпесе сізді Қазақстан Республикасының құқық қорғау органдары әкімшілік немесе қылмыстық жауапқа тартуы мүмкін.

1.3.3. Krisha.kz әкімшілігі бәсекелес алаңдармен/классифайдтармен байланысты кез келген ақпаратты (логотип, фотосурет, мәтіндегі бренд атауы, байланыс мәліметтері) жарияламау құқығын өзіне қалдырады.

1.4. Фотосуреттер хабарландыру мәтініне сай болуға тиіс

1.4.1. Хабарландыру мазмұнына, сәйкесінше сатылатын тауардың сипаттамасына қатысы жоқ бөтен фотосурет жүктемеңіз.

1.4.2. Жарнама мәніне ие ақпараты бар сурет қолданбаңыз. Мысалы: сутаңба (watermark), krisha.kz сайтының логотипі, сайт мекенжайы, телефон, мерекелік безендіру, жақтау, смайл қосу, фотоколлаж, әлеуметтік желідегі байланыс мәліметтері, скриншот (экран суреті), нативті жарнама материалдары (бөгде сервистердің логотипі мен атауы) және т.б. – ондай фотосуреттер жойылады.

1.5.  «ДҰРЫС» дегенді дұрыс жазыңыз

1.5.1. Сөйлемде бас әріппен жазылған сөздердің көп болуына жол берілмейді.

1.5.2. Хабарландыру мәтіні тек орыс және/немесе қазақ тілінде жазылады. Аудармасы болса, ағылшын тілінде жазуға болады. Транслитерацияға (қазақ тілінің кириллицадан латын қарпіне көшуіне байланысты бекітілген әліпби бойынша жазуды қоспағанда, сөздерді латын әріптерімен жазу) тыйым салынады.

1.5.3. Хабарландыру сипаттамасының орнына әріп емес таңбаларды (өңтаңба, эмодзи) пайдаланбаңыз. Әйтпесе ақпаратты Интернет-ресурс модераторы өшіруі мүмкін.

1.6. Хабарландыруды қайталап бермеңіз

1.6.1. Бір өңірдегі бір ұсыныс жайлы сөз болып отырғаны байқалған ұқсас хабарландыруларды жариялауға жол берілмейді және оларды Интернет-ресурс модераторы өшіруі мүмкін.

1.6.2. Бір жылжымайтын мүлік туралы хабарландыруды бір агенттіктің үш маманы жариялай алады. Бұл лимиттен асқан жағдайда бір агенттік атынан (әртүрлі мамандар берген) қайталап жарияланған хабарландырулар өшіріліп, Агенттікке айып баллдары беріледі.

1.7. Бір нысан — бір хабарландыру

1.7.1. Бір хабарландыруда бірнеше нысан сатпаңыз/жалға бермеңіз, өйткені адамдар нақты бір нысан іздейді. Бұл ереженің "Жалға аламын" айдарына қатысы жоқ.

1.8. Күмәнді қызметтер туралы хабарландыру бермеңіз

1.8.1. Қаржы пирамидалары, желілік маркетинг, құмар ойындар, келісімді матчтар туралы ақпарат сату, көріпкелдік, интимдік тауарлар мен қызметтер, құжат сату және басқа күмәнді ұсыныстарды жариялауға тыйым салынған.

1.9. Хабарландыру күшінде болуға тиіс

1.9.1. Сатылған немесе жалға берілген жылжымайтын мүлік туралы хабарландыруды өшіріңіз немесе архивке ауыстырыңыз. Бұл ереже тәулігіне және сағатына жалға берілетін нысандарды қамтымайды.

1.9.2. Күші жойылған хабарландыруды Интернет-ресурс модераторы өшіреді. Күші жойылған хабарландыру авторына ескертпестен өшіріледі.

1.9.3. Хабарландыруда телефон нөмірін көрсеткенде оның қосулы және байланыс аясында екеніне көз жеткізіңіз. Бір тәуліктен аса нөмірге хабарласу мүмкін болмаса, хабарландыру өшіріледі.

1.9.4. Жылжымайтын мүлік хабарландыру берілген сәттен бастап 14 күннен кешікпей сатылуға немесе жалға берілуге тиіс. Кейінгі мерзім өзекті емес деп саналады және хабарландыруды Интернет-ресурс модераторы өшіреді.

1.9.5. Қоңырау шалғанда нысан туралы мәлімет беріңіз.

1.10. Нысанның мәтіндік сипаттамасын дұрыс пайдаланыңыз

1.10.1. Хабарландырудың мәтіндік сипаттамасы нысан жайлы ақпарат беру қызметін атқарады.

1.10.2. Жарнама мәтіндері және кез келген байланыс мәліметін (телефон нөмірі, сайт, электронды пошта, Skype, WhatsApp, Viber  және басқа хабар аламасатын қызметтердің мекенжайы) беруге тыйым салынады. Сонымен қатар хабарландыру тақырыбына немесе мәтініне қандай да бір мессенджерге (WhatsApp, Telegram, Viber, Skype) қоңырау шалу немесе хабарлама жазу жөнінде өтініш жазуға тыйым салынады.

1.10.3. Нысанның мәтіндік сипаттамасындағы телефон нөмірі, сайт, электронды пошта мекенжайы және тағы басқа байланыс мәліметтерін модератор өшіруі мүмкін. Байланыс мәліметін көрсету үшін хабарландыру беру үлгісіндегі арнайы жолдарды қолданыңыз.

1.11. Интернет-ресурста бәрі тең 

1.11.1. Хабарландыру бергенде Интернет-ресурс пайдаланушыларына ұлты, жынысы, жасы, діні және қандай да бір әлеуметтік топ өкілі болуына байланысты артықшылық сезінуге немесе менсінбеушілік танытуға тыйым салынады. Осы ережені бұзған кез келген пайдаланушыны модератор бұғаттайды, ал хабарландыру жойылады.

1.12. Іріктеу лимиті мен ережесіне қатысты шағым қабылданбайды

1.12.1. Қолдау қызметі телефон нөміріне қатысты лимиттер және хабарландыру мен профильдерді іріктеу әдістері туралы сұрақтарға жауап бермейді.

1.13. Жарнама материалдарын жариялауға келісім

1.13.1. Хабарландыру бере отырып пайдаланушы өз хабарландыруы орналасқан бетте жарнама материалдары болатынымен келіседі.

1.14.<Ережелердің жаңаруын қадағалаңыз

1.14.1. Интернет-ресурс әкімшілігі кез келген сәтте Хабарландыру беру ережесін пайдаланушыларға алдын ала ескертусіз өзгертуі немесе толықтыруы мүмкін. Өзгерістер Интернет-ресурста жарияланған сәттен бастап күшіне енеді.

1.15. Интернет-ресурсқа авторланбаған софт арқылы хабарландыру беруге тыйым салынады.

1.15.1. Интернет-ресурсқа авторланбаған қосымшалар мен Интернет-ресурс әкімшілігі тексермеген бөгде ресурстар көмегімен автоматты жүктеу арқылы хабарландыру беруге тыйым салынады. Техникалық аспаптар көмегімен жүктеу тек Интернет-ресурс әкімшілігі үшін қолжетімді.

1.16. Телефон арқылы сөйлесуді жазуға келісім

1.16.1. Пайдаланушы Колеса/Интернет-ресурс әкімшілігі қажет болса оған қоңырау шалып, мынадай жағдайда сөйлесу сәтін жазуға құқылы:
- өзге пайдаланушыдан Еережелерді және/немесе Пайдаланушы келісімін бұзғаны туралы шағым түссе;
- Колеса/Интернет-ресурс әкімшілігі пайдаланушы Ережелерді.

1.16.2. Мұндай қоңырау мен оның жазбасы Ережелер және/немесе Пайдаланушы келісімін бұзу әрекетін болдырмау мақсатында, сонымен қатар телефон арқылы сөйлесу барысында пайдаланушы хабарлаған ақпаратты (мысалы, пайдаланушы сөйлесу жазбасын сұрағанда) растау мақсатында тек компания ішінде қолдану үшін жазылады.

1.17. Тегін хабарландырудың шекті саны

1.17.1. Интернет-ресурс иесі бір Пайдаланушы бір кабинетте орналастыра алатын Интернет-ресурстағы хабарландырулар санын шектеуге құқылы. Лимиттер Пайдаланушы типіне, категориясы мен өңірге байланысты әртүрлі болады. Лимиттен асқан жағдайда сәйкес категория мен өңірде хабарландыру беру ақылы түрде жүзеге асады. 

1.17.2. Хабарландыруға оны насихаттаумен байланысты жеке қызметтер қосылғанда хабарландыру тиісті өңірде пайдаланушы төлеген ақшаға байланыссыз көрсетілуі мүмкін.

1.18. Интернет-ресурс иесі Интернет-ресурсқа ақылы қызмет енгізуге құқылы. Олардың құнын, мерзімі мен шарттарын Интернет-ресурс иесі аймақ, маусым және басқа факторларға байланысты өз бетінше белгілейді.

1.19. Тәулікке\сағатқа жалдаудың айрықша ережелері

1.19.1. Баға бүтін бір нысанға қатысты көрсетіледі, яғни бір тәулік үшін сұралатын ақша жазылу керек. Бір түнгі құнын хабарландыру мәтініне жазуға болады.

1.19.2. Дәл қазіргі уақыттағы бағасын көрсету қажет. Түрлі маусым, апта күндеріндегі құнын сипаттамасына жазуға болады.

1.19.3. Жалға берілетін алғашқы сағаттағы баға көрсетіледі. Одан кейінгі сағаттар үшін сұралатын соманы хабарландыруға жазуға болады.

1.19.4. Тұлғаны растаған соң, өз қалауыңызша жылжымайтын мүлікке тіркелген құқықтар/ауыртпалықтар туралы құжаттарды қоса аласыз, олар хабарландырумен қоса беріледі. Хабарландырудағы параметрлер сіз берген құжаттардағы деректерге сәйкес келуі керек.

2. Сурет жариялау ережелері

2.1. Фотосуреттерде мынадай мәлімет болмау керек:

• сутаңба (watermark), krisha.kz да, басқалардың да логотипі;
• байланыс мәліметтері (телефон нөмірі, сілтеме, e-mail, Skype, WhatsApp, Viber және жылдам хат алысатын басқа сервистер мен әлеуметтік желілердің байланыс мәліметтері);
• баға, несие, бөліп төлеу, жарнама науқандары туралы ақпарат;
• "мерекелік" безендіру және жақтаулар;
• смайл, фото коллажы;
• сайт атаулары мен мекенжайы;
• мемлекеттік символика;
• нативті жарнама мәтіндері және материалдар (бөтен ресурстардың логотипі мен атауы);
• эротикалық және/немесе порнографиялық мазмұндағы фрагменттер;
• алкоголь және темекі өнімдері;
• QR-кодтар;
• скриншоттар (экран суреті);
• жылжымайтын мүлік сипаттамасы;

2.1.1. Интернет-ресурстардан көшіруге немесе Интернет-ресурстың өзге пайдаланушысы мен үшінші тұлғаларға тиесілі суреттерді көшіруге тыйым салынады.

2.1.2. Хабарландыру бергенде бөтен адамның жеке өмірге құқығын, басқа Интернет-ресурс пайдаланушысы немесе үшінші тұлғаның суретін оның құқығын бұза отырып, сонымен қатар жариялануы қандай да бір жолмен Қазақстан Республикасының заңдарына қайшы суреттерді қолдануға тыйым салынады.

2.1.3. Суретте өз фотосуретін жариялауға ауызша және/немесе жазбаша келісім берсе немесе ондай сурет меншік иесі енгізген немесе соның рұқсатымен азаматтық айналымға енген тауар жарнамасының бір бөлігі болса ғана рұқсат етіледі.

2.1.4. Хабарландыру беру ережесінің сақталуын қамтамасыз ету және сервис ережесіне сай келмейтін суреттерді шұғыл өшіру үшін жарияланбас бұрын барлық суретті модератор тексереді. Алайда Интернет-ресурс модераторы тексергеннен кейін суреттің жариялануы оның мазмұны үшін иесін жауапкершіліктен босатпайды.

2.1.5. Жарияланатын нысан жоспары шындыққа сай болуға және нысанның шынайы ауданын, бөлме санын және т. б. көрсетуге тиіс. Жылжымайтын мүліктің техникалық құжатында көрсетілген мәліметтерді пайдалануға кеңес беріледі.

2.1.6. Қабат жоспарында белгіленген нысандарды қоспағанда, бір жоспарда бірнеше нысан пайдалануға жол берілмейді.

2.1.7. Осы ережеге қайшы келетін фотосуреттер анықталуына байланысты өшіріледі және қайта қалпына келтірілмейді.

2.1.8. Сервис жарияланатын хабарландыру фотосуретінің (файлдардың) мазмұны үшін жауапкершілікке ие болмайды.

2.1.9. Хабарландырудағы фотосуретке құқық оның иесі немесе үшінші тұлғаға (құқық иелеріне) тиесілі.

2.1.10. Фотосуретте балалардың бейнеленуіне тыйым салынады. Мұндай фотосуреттерді модератор бірден өшіреді.

2.2. Суреттің форматы мен көлемі

• Жүктелетін суреттің көлемі 400×300 пиксельден аз болмауға тиіс.

• Сурет JPEG немесе PNG форматында болуы керек.

2.3. Графикалық бағдарлама көмегімен жасалған немесе өңделген суреттер

• Бір файлға бірнеше фотосурет біріктірілген (коллаж) суреттерді қолдануға тыйым салынады.

• Сызба, иллюстрация немесе 3D-суреті бар файлдарды қолдануға тыйым салынады, олар хабарландыру салынып жатқан нысандағы мүлік туралы болса немесе суретте нысанның жоспары болса ғана рұқсат етіледі.

• Суретті өңдеу барысында графикалық редакторды шамадан тыс қолданғанда, оны жариялау мүмкіндігі модератордың шешіміне байланысты болады.

• Бөгде сутаңбалар немесе оларды өшіру ізі (ретушь, қию) көрінетін графикалық бағдарламалар арқылы өңделген суреттерді қолдануға тыйым салынады.

• Тұнық емес, созыңқы немесе бұлыңғыр сурет пайдаланғанда оның жариялануы модератордың шешіміне байланысты.

2.4. Сурет мазмұны нысанға сай болуға тиіс

2.4.1. Фотосурет хабарландыру мазмұнына сәйкес келуі керек.

2.4.2. Пәтер немесе үй сату және жалға беру жөніндегі хабарландырудағы кем дегенде бір суретте жылжымайтын мүліктің көлемі мен оның жағдайынан хабар беретін тұрғын бөлігінің суреті болуы қажет. Егер ондай сурет болмаса аула, тұрақ, санитарлық торап, кіреберіс және нысанның айналасындағы басқа орындар мен үйдің адам тұрмайтын бөлігі, нысанның жоспары немесе оның көлемінен еш хабар бермейтін интерьер элементі сияқты дүниелердің фотосуретін пайдалануға жол берілмейді.

2.4.3. Бұл ереже қолданысқа берілмеген нысандарға ғана қатысты емес.

2.4.4. Мекенжайы әртүрлі және/немесе басқа параметрлерінде айырмашылық бар, бірақ бір нысанның ұқсас суреттерін қолдану арқылы берілген хабарландыруларды модерация берілген мәліметтің шындыққа жанаспайтынына байланысты өшіруі мүмкін.

3. Компаниялар мен мамандардың жұмыс істеу ережесі

3.1. Профильдерді қайталап беруге тыйым салынады

3.1.1. Егер профиліңіз болса, қосымша тағы жасамаңыз. Мұндай әрекетке модератор жол бермейді, ал қосымша профильдер жойылады. Сонымен қатар бөтеннің профиліндегі ақпаратты көшіруге тыйым салынады.

3.2. Өзіңіз жайлы шындықты жазыңыз

3.2.1. Профильге шынайы дерек жазыңыз. Адамдар адал мамандарға сенеді.

3.3. Профиль толтыру туралы

3.3.1. Құпиясөз: қиын құпиясөз ойлап табыңыз, «123456» секілді қарапайым құпиясөздер оңай ашылады және кабинетке кіру мүмкіндігінен айырылып қалуыңыз мүмкін.

3.3.2. Есімдер: шынайы аты-жөніңізді пайдаланыңыз (Мысалы, Қуаныш Ержанов немесе Евгений Васильев). Форумдағы ник, ретсіз символдар және т. б. жазуға жол берілмейді. Тексерістен өтпеген, бірақ Тексерілген Агенттікте тіркелген мамандардың профилінде де ник, символдар мен сандар жинағы және ойдан құралған кейіпкерлердің атын қолдануға болмайды.

3.3.3. Компания атауы: құрылтай құжаттарында көрсетілген деректерге сай толық және нақты атауын оның ұйымдық-құқықтық құрылымын көрсете отырып жазу керек: (мысалы: «Самая лучшая компания-№1» ЖШС). Атауында krisha.kz, kolesa.kz Интернет-ресурстарының атауын, сонымен қатар оны пайдалану нәтижесінде танымал болған туынды атауларды көрсетуге тыйым салынады.

3.3.4. Сипаттамасы: сілтеме немесе телефон нөмірлерін жазбаңыз.

3.3.5. Фото: өз фотосуретіңіз бен компанияның логотипінен басқа сурет жүктемеңіз. Басқа суреттер өшіріледі.

3.3.6. Тілі: профильді қазақ немесе орыс тілінде толтырыңыз. Профильді өзге тілде толтыруға жол берілмейді.

3.4. Өзіңізді жылжымайтын мүліктің иесі ретінде көрсетпеңіз

3.4.1. Мамандар мен компанияларға жылжымайтын мүлік иесінің келісімінсіз немесе өзін оның иесі ретінде таныстыру арқылы хабарландыру беруге болмайды, мұндай факт анықталған жағдайда мүлік иесі ретінде хабарландыру беру мүмкіндігі жойылып, байланыс деректері бұғатталады.

3.5. Жылжымайтын мүлік орнына қызмет ұсынбаңыз

3.5.1. “Сату” және “Жалға беру/алу” бөлімінде байланыс ақпаратын немесе басқа қызмет көрсету мақсатында хабарландыру беруге тыйым салынады.

3.5.2. Пайдаланушыларға хабарландырудағы нысанның орнына басқасын ұсынуға, сонымен қатар басқа байланыс деректерін беруге тыйым салынады, өйткені адамдар нақты бір нәрсені іздейді.

3.6. Аукцион өткізуге тыйым салынады

3.6.1. Хабарландыру бергенде немесе Krisha.kz Интернет-ресурсында/қосымшасында комментарий жазғанда аукцион үлгісінде немесе аукционның қандай да бір элементін пайдалану арқылы саудаласуға тыйым салынады.

4. Айыппұл жүйесі туралы

4.1. Егер компания немесе маманның аккаунты 3 айып балын алса, оның статусы “Айыппұл салынды” деп өзгереді де, қызыл түспен белгіленеді. Мұндай аккаунттардағы барлық хабарландыру іздеу нәтижесі шығатын тізімде соңғы болып тұрады.

4.2. Жылжымайтын мүлік нарығында қызмет көрсетумен айналысатын компания ондағы қызметкерлер, агенттер немесе уәкілетті Компания өкілдері Интернет-ресурс ережесін жүйелі бұзғаны үшін айып балын алуы мүмкін.

4.3. Компания немесе маманға ереже бұзғаны үшін айып балы берілген жағдайда Интернет-ресурс әкімшілігі айып балын салу себебін түсіндірмеу құқығын өзіне қалдырады.

4.4. “Хабарландыру беру ережелерінің” (Жалпы ережелер) бұзылуы анықталса, айып балы мамандар тіркелген компанияға салынады.

4.5. Айып балы мыналар үшін беріледі:

• хабарландыру не профиль көшірмесін жасау – 1 балл;
• хабарландыру формасындағы арнайы жолдарға не мәтінге жылжымайтын мүліктің техникалық паспортындағы сипаттамасына сай келмейтін, жалған мәлімет жазу – 1 балл;
• "бұрынғы жатақхана" параметрін дұрыс көрсетпеу – 1 балл;
• "салынған жылы" параметрін дұрыс көрсетпеу – 1 балл;
• пайдаланушыларға хабарландырудағы нысанның орнына басқасын көрсету – 1 балл;
• пайдаланушыларға басқа байланыс мәліметін беру және/немесе нысан туралы ештеңе білмеу – 1 балл;
• пайдаланушыларға хабарландыруда көрсетілген баға орнына басқасын айту – 1 балл;
• мүлік иесі сатып жатқан хабарландыруды оның рұқсатынсыз көшіріп алу – 1 балл;
• хабарландыру бергенде бөтен фотосурет (интернеттен алған) немесе жылжымайтын мүліктің сипаттамасына сай келмейтін фотосурет қолдану – 1 балл;
• түрлі мекенжайда орналасқан және/немесе параметрі ұқсамайтын бірнеше пәтер туралы хабарландырулар бергенде бірдей фотосуреттер пайдалану – 1 балл;
• хабарландыру бергенде сутаңба (watermark), krisha.kz да, басқа бөтен ресурстардың да логотипі және/немесе оларды жою іздері бар (ретушь, қырқу) фотосуреттер пайдалану – 1 балл;
• бір агенттіктің үштен көп маманының бір жылжымайтын мүлік туралы хабарландыру беруі – 1 балл;
• кез келген басқа жолмен Жалпы ережелерді бұзу – 1 балл;
• қоңырау шалғанда ақпарат бермеу – 1 балл.

 8.2.3. Пакет құны осы Пакет үшін қарастырылған жеңілдікті алып тастағанда оған кіретін ақылы қызметтерден (осы аймақ үшін баға жіктеліміне сәйкес) құралады.

 8.3.1. Келесі жағдайлардың (алдымен жүзеге асатынын ескере отырып) кез келгені жүзеге асқан сәттен бастап Қызмет көрсетілді деп саналады:

• ақылы қызметтерді хабарландырудың статусына, қызметтің іске асу кезеңінде оның Интернет-ресурста болуы, жарияланымнан алынып тасталуы және т. б. қарамастан, толық көлемде қолдану;
• хабарландыруды (егер хабарландыруға Пакет қосылған болса) тіпті Пакет құрамында Пайдаланушы әлі қолданбаған ақылы қызметтер болса да, архивке ауыстыру.

8.3.2. Қызметтен ол берілмей тұрып бас тартылған, кез келген басқа негізде Қызмет тоқтатылған жағдайда, Компания қолданылмаған соманы ол бар болған жағдайда, Қызмет құны қандай жолмен төленгеніне қарамастан, Пайдаланушының жеке кабинетіндегі шотқа аударуға құқылы.

8.4. Интернет-ресурста Пайдаланушыға Қызмет ұсыну дерегі мен оның көлемі Компанияның есептік жүйесінің статистикалық деректері негізінде анықталады.  

8.5.1. Компания Қызметтің дұрыс көрсетілуі үшін барлық орынды әрекеттерді жасайды, алайда, егер Пайдаланушы келесі себептермен Қызметтерді қолдана алмаса, оған келетін шығын үшін жауап бермейді және олардың орнын толтырмайды:

• көмегімен Қызметтерге қол жеткізу мүмкін болатын жалпы пайдалану арналарының технологиялық ақауы, Пайдаланушының кез келген себеппен интернетке кіру мүмкіндігін жоғалтуы, жұмыстағы немесе дерек берудегі қателер, өткізіп алу, үзілістер, байланыс желісінің ақауы және өзге де техникалық ақаулар;
• хакерлік, DDoS-шабуылдарды қоса алғанда, Интернет-ресурстың жұмысына үшінші тұлғалардың рұқсатсыз араласуы, вирустық бағдарламалардың әрекеті мен Интернет-ресурс жұмысының өзге де бұзылуы;
• рұқсатсыз пайдалану белгілерінің болуын қоса алғанда, пайдаланушының жеке кабинетке кіру мүмкіндігінен айырылуы;
• төтеп бере алмайтын күш жағдайлары түсінігіне кіретін кез келген жағдайда.

8.5.2. Компания Пайдаланушыға Компанияның кінәсінен емес, Пайдаланушының Интернет-ресурс ережелерін бұзуын қоса алғанда, келген шығындар үшін оның алдында жауап бермейді.

8.5.3.  Компания Интернет-ресурстағы қызметтердің Пайдаланушының ойындағыдай болатынына және Интернет-ресурстағы Қызметті алғанымен байланысты оның берген хабарландыруына Интернет-ресурсқа кірушілерден пікір алатынына кепілдік бермейді. 

8.6. Қызмет құнын төлеу Интернет-ресурста немесе iOS және Android-қа арналған мобильді қосымшаларда қолжетімді тәсілдермен жүзеге асады.

8.7. Мамандар мен компаниялар беретін хабарландырулар үшін лимиттен асқан жағдайда алдын ала төлем жасау (әрі қарай “Ақысы алдын ала төленген артық лимит) қызметі қолжетімді.

8.7.1. Ақысы алдын ала төленген артық лимиттер берілген хабарландыруға тіркеледі де, ол модерациядан сәтті өткенде іске қосылады. Ақысы алдын ала төленген артық лимиттер жаңа құрылыстарға қатысты хабарландыру үшін қолданылмайды.

8.7.2. Сәтті іске қосылған соң ақысы алдын ала төленген артық лимиттер 1 апта күшінде болады. Қолданылмаған ақысы алдын ала төленген артық лимиттер күйіп кетеді.

8.7.3. Ақысы алдын ала төленген артық лимиттер хабарландыру модерацияға жіберілгенде қолданылған болып саналады.

8.7.4. Ақысы алдын ала төленген артық лимиттер қайтарымсыз болып табылады.

8.7.5. Мамандар өздері тіркелген компанияның ақысы алдын ала төленген артық лимиттерін пайдалана алады, ал компания ақысы алдын ала төленген артық лимиттерді кім қолданғанын төлем тарихынан көре алады.

8.7.6. Ақысы алдын ала төленген артық лимиттер қызметінің тізімі

9.1.  Қаражатты қайтару саясаты

9.1.1. Қызмет үшін төлем жасаған пайдаланушы көрсетілген қызмет үшін жасалған төлемді қайтару не қызмет үшін жасалған төлемнің күшін жою туралы өтінішпен Әкімшілікке жүгіне алады.

9.1.2. Қаражатты қайтару не қайтарудан бас тарту жөніндегі шешімді Әкімшілік біржақты тәртіпте қабылдайды.

9.1.3. Ақылы қызмет үшін жасалған төлем қаражатын қайтару тек келесі жағдайларда жүзеге асады:

9.1.4. Ақылы қызмет үшін жасалған төлем қаражаты келесі жағдайларда қайтарылмайды:

9.2. Қаражат қалай қайтарылады?

9.2.1. Қаражатты қайтаруға өтінім беру үшін кері байланыс үлгісін пайдаланыңыз.

9.2.2. Өтінім ақылы қызмет қосылған сәттен бастап бір тәуліктен (24 сағат) кешіктірмей жіберілген жағдайда қабылданады.

9.2.3. Әр өтінім дербес және жекелеген тәртіпте қаралады, сондықтан қаражатты қайтарудың мақұлданатынына кепілдік берілмейді. Ақшалай қаражатты қайтару тәртібін әр нақты жағдайда Әкімшілік өз бетімен анықтайды.

9.2.4. Ақшалай қаражатты қайтару тәртібін әр нақты жағдайда Әкімшілік өз бетімен анықтайды. 

 

II. Агенттің “Крыша Агенттері” Сервисінде жұмыс істеу ережесі.

Агент - Компаниямен келісімшарт шеңберінде ықтимал Сатып алушылар іздеу бойынша риелтор/делдал қызметін атқаратын заңды тұлға.

Клиент - аталған жылжымайтын мүлікті сатуға ниетті жылжымайтын мүлікке иелік ету құқығына ие тұлға.

Жылжымайтын мүлік нысаны - сатылатын жылжымайтын мүлік.

Сатып алушы - жылжымайтын мүлікті жеке меншігіне алуға ниетті тұлға.

CRM - Компания ұсынған сатып алушылармен қарым-қатынасты басқару жүйесі

Компания менеджері - Агентпен байланысқа жауапты Компания қызметкері.

Хабарландыруды насихаттау - Жылжымайтын мүлікті Сервисте сатуға арналған қосымша құрал.

Жылжымайтын мүлік туралы ақпарат - Жылжымайтын мүлік нысанының мекенжайы мен параметрлері

“Крыша Агенттері” сервисіне:

• Қазақстан Республикасы аумағында тіркелген заңды тұлға, сонымен қатар жеке кәсіпкерлер;
• Сервисте 6 айдан аса жұмыс істейтін;
• Соңғы 3 айда 3-тен көп расталған шағым алмаған. Сонымен қатар мұндай шағымдар мүлік иесінің рұқсатынсыз жариялау, жалған хабарландыру, фотосурет интернеттен алынған, қайталанған катеогрияларына кірмеуі қажет;
• Соңғы 6 айда “Айып балы салынды” статусын алмаған;
• Қара тізімде жоқ мамандар қосыла алады.

• “Колеса” АҚ-ымен қызмет көрсету туралы Келісімшартқа қол қою.
• оқып, “Крыша Агенттері” Сервисімен жұмыс істеу туралы нұсқаулық алу.

Компаниямен жасалған Келісімшарт шеңберінде Агент келесі ережелерді сақтауға міндеттеледі:

• Келісімшартқа қол қойғанға дейінгілерін қоспағанда, үшінші тұлғалармен ұқсас келісімшарттар жасаспауға;
• Келісімшарт және жылжымайтын мүлікке қатысты кез келген ақпаратты (мәміле шарттары, жылжымайтын мүлік параметрлері), сонымен қатар Компаниядан алынған басқа да мәліметті үшінші тұлғаларға жария етпеуге және таратпауға;
• Клиенттің байланыс және жеке мәліметтерін үшінші тұлғаларға таратпауға;
• CRM-ге қатысты ақпарат пен оны қолдануға қажет құралдарды үшінші тұлғаларға жылжымайтын мүлік агенттігі ішінде таратпауға;
• Сервиске Компания берген жылжымайтын мүлік нысандары жөнінде хабарландыру бермеуге;
• Сатып алушы іздеу үшін Компания бергеннен басқа іздеу құралдарын қолданбауға;
• Келісімшарт және/немесе ереже шарттарын орындау үшін үшінші тұлғаларды тартпауға;
• Келісімшартқа қатысы жоқ басқа жылжымайтын мүлік нысандары үшін Компания берген Компания өнімдерінің атауын немесе басқа құралдарды қолданбауға;
• Клиентпен қызмет көрсету туралы келісімшарт жасасқанда Жылжымайтын мүлік нысанына иелік ету құқығына ие барлық тұлғалардың жазбаша келісімін алуға;
• Компанияға жылжымайтын мүлік нысаны мен Клиентпен келісілген шарттар туралы барлық ақпаратты хабарлауға;
• Клиентпен және Сатып алушымен сатып алу-сату келісімшартына қол қойып, оны Компанияға электронды байланыс арналары (WhatsApp, Telegram, электронды пошта) арқылы Компания менеджеріне оған қол қойылған сәттен бастап 1 (бір) күнтізбелік күн ішінде жіберуге;
• Клиентпен және Сатып алушы жылжымайтын мүлікті сатып алу-сату келісімшартына қол қойған сәттен бастап 1 (бір) күнтізбелік күн ішінде Келісімшартқа қосымша құжатқа қол қойып, оны курьерлік пошта арқылы Компанияға жолдауға және көшірмесін электронды байланыс арналары (WhatsApp, Telegram, электронды пошта) арқылы Компания менеджеріне жіберуге;
• Жылжымайын мүлік жайлы ақпарат жинап, фотосуреттерін дайындау және Сервисте хабарландыру беруге қажет жиналған материалдарды Компанияға жіберуге;
  Фотосуретке қатысты талаптар мен кеңестер:

• Фотосуреттер сервистегі Сурет жүктеу ережелеріне сай болуға тиіс;
• Фотосуреттер Жылжымайтын мүлік нысанының параметрлеріне сәйкес болуы керек;
• Суретке түсіргенде бөлмелер жарық болуы қажет;
• Сатып алушы фотосурет арқылы бөлменің көлемін бағалай алу үшін бөлменің фотосуретінде үш қабырға көрініп тұруы керек;
• Фотосуреттерде жеке дүниелер, ыдыс-аяқ, аяқ киім және басқа да тұрмыстық заттар болмауға тиіс;
• Сатылатын жылжымайтын мүлікті фотосуретке дұрыс түсіруге қатысты кеңестерді сілтеме арқылы оқыңыз;

• Компанияның қызмет көрсету уақытында жасалған және қолданылған барлық материалдарды беруге. Келісімшарт және/немесе Ереже шарттары бұзылғанда алынған материалдың барлығы Компания меншігінде қалады;
• Сервисте хабарландыру беру және Клиент таңдаумен байланысты шығындарды қоспағанда, Жылжымайтын мүлік нысанын сатумен байланысты шығынның барлығын өз есебінен өтеуге;
• Өз жұмысын адал әрі уақытылы атқаруға, сонымен қатар жұмыс барысын CRM-ге тіркеуге;
• Жылжымайтын мүлікке қатысты түскен қоңырауларды сапалы және дер кезінде қабылдауға. Сатып алушының қоңырауын жіберіп алса, Агент оған 1 (сағат) ішінде қайта хабарласуы қажет;
• Клиентпен және ықтимал Сатып алушылармен тиісті кездесу өткізуге.
  Сатып алушымен және Клиентпен сөйлесу әдебі:

• Сөйлесу әрқашан сәлемдесуден және өзін таныстырудан басталуы керек;
• Пәтер иесімен немесе сатып алушымен жұмыс істегенде брқалыпты сөйлеу мәнерін сақтау қажет. Іскерлік сөйлесуде қызбалыққа салынуға болмайды;
• Шаршағаныңызды, көңіл-күіңіздің жоқтығын, ашулы екеніңізді білдіртпеген жөн;
• Әңгімелесу кезінде басқа іспен айналысуға болмайды. Тамақ жеуге, су ішуге, басқа адамдарға, шуға ойды бөлуге болмайды. Агенттің бар назары өзі сөйлесіп отырған адамда болуға тиіс;
• Кездесу соңында қысқа резюме беріңіз: кездесуден кейін қандай әрекет жасауды жоспарлайсыз;
• Сырт бейнеңіз ұқыпты болу керек;

• Сұраныс бойынша Компанияның колл-орталығына әр жылжымайтын мүлік нысаны туралы статус беруге;
• Компания ұсынған Жылжымайтын мүлік нысандары үшін Сатып алушылардан комиссия сыйақысынан басқа қосымша алымдар алмау.
• Клиент пен сатып алушы сатып алу-сату келісімшартын жасасқан сәттен бастап 1 (бір) күнтізбелік күн ішінде Компанияға электронды байланыс арналары (WhatsApp, Telegram, электронды пошта) арқылы мәміле жасалғаны туралы жазбаша түрде хабарлауға;
• Компания көрсеткен қызметті Қызмет көрсетілгені туралы актіге (әрі қарай – Акт) Акт жіберілген күннен бастап 3 (үш) жұмыс күні ішінде қол қою арқылы тиісінше қабылдауға немесе дәл сол мерзімде оған қол қоюдан дәйекті түрде бас тартуға. Дәйекті бас тарту жазбаша түрде берілуге және курьерлік пошта арқылы жолдануға тиіс;
• Орындаушыға қол қойылған Актіні немесе дәйекті бас тартуды оған қол қойылған сәттен бастап 5 (бес) жұмыс күнінен аспайтын мерзімде қайтаруға. Егер Агент белгіленген мерзімде қол қойылған Актіні немесе дәйекті бас тартуды жібермесе, Актіге Тараптар қол қойды, ал Қызмет Агент тарапынан толық көлемде қабылданды деп есептеледі;
• Сатып алушымен сатып алу-сату шартына қол қойылғаны туралы деректі жасыру және/немесе Компанияға сатып алу-сату мәмілесінің жасалу мерзімі жайлы дер кезінде хабарламаған жағдайда Агент Компанияға одан төлем жасау жөнінде талап келген күннен бастап 3 жұмыс күні ішінде 200 000 (екі жүз мың) теңге көлемінде айыппұл төлеуге міндеттеледі; Мәміле жасалғанын жасыру дерегін қолда бар кез келген мәлімет растайды.
• Ереже және/немесе Келісімшарт бұзылған жағдайда, Компания ескерту жіберуге және/немесе келісімшартты бірден біржақты бұзып, болашақта “Крыша Агенттері” сервисімен жұмыс істеу мүмкіндігінен айыруға құқылы. Сонымен қатар Агент Жылжымайтын мүлік нысандары туралы кез келген ақпаратты оны әрі қарай сату үшін пайдалануға құқылы емес.

• Егер Агент Ереже бұзбаса және Келісімшарттың барлық шартын орындаса, Клиенттің шағымымен келіспеуге;
• Агент Жылжымайтын мүлік нысаны бойынша түсетін барлық қоңырауды бақылап, басқара алатын CRM-ге кіру мүмкінідігіне ие болуға;
• Белгіленген уақытта Компания Менеджерінен техникалық қолдау сұрауға:

• Қоңырауды дүйсенбі мен жұма аралығында 9:00-ден 18:00-ге дейін шалсаңыз болады.

II. Төлемдер.

Төлемдер. Банк картасымен онлайн төлем жасау.

Біздің сайт интернет-эквайрингке қосылған және сіз қызмет ақысын Visa немесе Mastercard картасымен төлей аласыз. "Төлеу" батырмасын басқаннан кейін «WOOPPAY (ВУППЭЙ)» АҚ Төлем Ұйымының төлем жасайтын беті ашылады, онда банк картаңыздағы мәліметті жазасыз. Карта ұстаушының қосымша аутентификациясы үшін 3D Secure протоколы қолданылады. Егер Банк бұл технологиямен жұмыс істемесе, қосымша сәйкестендіру үшін соның серверіне өтесіз. Қосымша сәйкестендіру ережесі мен әдістері туралы ақпаратты банк картасын берген Банктен біліңіз.

Қауіпсіздік кепілдігі.

«WOOPPAY (ВУППЭЙ)» АҚ Төлем Ұйымы банк картасындағы деректерді PCI DSS 3.2.1 қауіпсіздік стандарты бойынша қорғайды және өңдейді. Төлем шлюзіне ақпарат беру SSL шифрлау технологиясын қолдану арқылы жүзеге асады. Одан кейінгі ақпарат беру сенімділігі аса жоғары жабық банк желісі арқылы іске асады. WOOPPAY картаңыздағы деректі біз бен басқа үшінші тұлғаларға бермейді. Карта ұстаушының қосымша аутентификациясы үшін 3D Secure протоколы қолданылады. Егер жасалған төлемге қатысты сұрағыңыз болса, қолдау қызметіне жеке хабарлама жазуға немесе 7 (727) 331-11-86 және +7 (775) 031-11-86 (жұмыс күндері 9:00-ден 20:00-ге дейін, демалыс күндері 9:00-ден 17:00-ге дейін) нөмірлеріне қоңырау шалуға болады.

Онлайн төлемдердің қауіпсіздігі.

Сіз берген дербес мәлімет (аты-жөні, мекенжайы, телефоны, e-mail, несие картасының нөмірі) құпия саналады және оны жария етуге болмайды. Несие картаңыздағы деректер тек шифрланған күйде беріледі және біздің web-серверде сақталмайды. Интернет төлемдердің қауіпсіздігіне «WOOPPAY (ВУППЭЙ)» АҚ кепіл болады. Төлем картасымен жасалатын барлық операция VISA International, MasterCard және басқа төлем жүйелерінің талабына сай жүзеге асады. Ақпарат бергенде картамен жасалатын онлайн-төлемдердің арнайы қауіпсіздік технологиялары қолданылады, дерек өңдеу төлем ұйымының жоғары технологиялы қауіпсіз серверінде өтеді.