Отбасы банкте қарызды ішінара немесе толық мерзімінен бұрын өтеу үшін зейнетақы қорын қайта пайдалануға болады.

Өтінім қабылдау 2026 жылғы 31 қаңтардан 2 наурызға дейін тоқтаған еді. Осы уақыт аралығында Отбасы банк сервистерін жаңартты.

Есеп айырысу тәртібі өзгерді: енді зейнетақы қорындағы ақшамен тек негізгі қарызды өтеуге болады, ал пайызды бұл қаражатпен төлеуге болмайды.

Отбасы банктегі ипотеканы зейнетақы есебінен өтеудің нұсқаулығын дайындадық.

Отбасы банктегі ипотеканы өтеу екі кезеңнен тұрады

Бұрын біржолғы зейнетақы төлемін ай сайынғы төлемнің толық сомасын (негізгі қарыз бен пайыз) жабуға пайдалануға болатын.

Енді тәртіп өзгерді:

  • зейнетақы қорындағы қаражат тек негізгі қарызды өтеу үшін қолданылады;
  • пайыз бен өзге төлемдерді өзіңіз төлейсіз.

Осыған байланысты өтеу рәсімі екі кезеңнен тұрады.

Отбасы банктегі ипотеканы зейнетақы қорындағы ақшамен қалай өтеуге болады — нұсқаулық

1-кезең. Зейнетақының артық бөлігін сұрату
Бұл кезең бұрынғыдай жүзеге асады:

  1. enpf-otbasy.kz платформасына ЭЦҚ арқылы кіріңіз.
  2. Мақсатты таңдаңыз — «Ипотекалық қарыз бойынша берешекті ішінара немесе толық өтеу».
  3. Өтінімге қол қойып, БЖЗҚ-ға жіберіңіз.

Банк өтінімді 5 жұмыс күні ішінде қарайды. Қаражат Отбасы банктегі арнайы шотқа түседі.

Қаражат түскеннен кейін оны пайдалану үшін 20 жұмыс күні беріледі.

2-кезең. Шотты өзіңіз толықтырыңыз

Бұл — жаңа міндетті қадам.

  1. Өтемей тұрып шотқа пайыз бен басқа міндетті төлемдерді салу қажет.
  2. Жүйе төлеу қажет нақты соманы көрсетеді.

Банк қосымшасы үшін толық нұсқаулық

  1. Otbasy bank мобильді қосымшасына кіріңіз.
  2. Қажет қарызды таңдаңыз.
  3. «Ішінара мерзімінен бұрын өтеу» батырмасын басыңыз.
  4. Біржолғы зейнетақы төлемі бар арнайы шотты таңдаңыз. Жүйе шотқа түсіге тиіс ең төменгі соманы (пайыздар) көрсетеді.
  5. Шотты толтырғаннан кейін «Жалғастыру» батырмасын басыңыз.
  6. Шарттармен танысып, келісім беріңіз.
  7. Өтінімге SMS-тегі OTP-код арқылы қол қойыңыз.
  8. Операция өңделгеннен кейін жаңа төлем кестесімен танысып, оған қол қойыңыз.
  9. «Аяқтау» батырмасын басыңыз.

Осыдан кейін қарыз ішінара немесе толық өтелген болып есептеледі.

Іс жүзінде қалай жұмыс істейді

1-мысал. Ішінара өтеу

Сіздің зейнетақы қорыңызда артық 200 000 теңге бар.
Қарыз бойынша пайыз — 10 000 теңге.

  • 10 000 теңге қолданыстағы шоттан пайыз төлеу үшін алынады;
  • біржолғы зейнетақы төлемінен 200 000 теңге негізгі қарызды азайтуға бағытталады;
  • операцияның жалпы сомасы — 210 000 теңге.

2-мысал. Толық өтеу

Клиентте біржолғы зейнетақы төлемі үшін 1 000 000 теңге бар.
Негізгі қарыз қалдығы — 800 000 теңге, пайыз — 8 000 теңге.

Бұл жағдайда былай істеу керек:

  • пайызды төлеу үшін қолданыстағы шотқа 8 000 теңге салу қажет;
  • біржолғы зейнетақы төлеміндегі 800 000 теңге негізгі қарызды толық жабуға бағытталады;
  • 200 000 теңге біржолғы зейнетақы төлем шотында қалады.

Қызық болуы мүмкін:
Биыл Отбасы банктегі мемлекеттік сыйақы қалай өзгереді
Кезекте тұрғандарға арналған пәтер: Отбасы банк талаптарды қатаңдатады