Өткен демалыста Отбасы банктің салымшылары депозиттері бойынша мемлекеттік сыйақы алды. Ол жылына бір рет (1 наурызға дейін) түседі.
Былтыр мемлекеттік сыйақының ең жоғары мөлшері 157 280 теңге болды.
Бұл соманы депозитін кемінде 200 АЕК-ке (786 400 теңге) толтырған салымшылар алды.

Биыл мемлекеттік сыйақы қалай өзгереді

2026 жылы сыйақы мөлшері өзгереді. Сома 16 000 теңгеге өседі.
Мемлекеттік сыйақы мөлшері тікелей айлық есептік көрсеткішке (АЕК) байланысты.
2026 жылы 1 АЕК — 4 325 теңге. Сондықтан биыл ең жоғары сыйлықақы 173 000 теңгеге жетеді.
Салымшыларға 2027 жылдың 1 наурызына дейін түседі.

Ең жоғары сыйақыны қалай алуға болады

Ең жоғары мемлекеттік сыйақыны алу үшін депозитті бір жыл ішінде кемінде 200 АЕК-ке толтыру қажет.
2026 жылы 1 АЕК 865 000 теңгеге тең. Қаражатты 1 қаңтар мен 31 желтоқсан аралығында салу керек.

Бір салымшының бірнеше депозиті болса, мемлекеттік сыйақы біреуіне ғана түседі.

Сондықтан салымды отбасы мүшелерінің атына (мысалы, ата-аналар мен балаларға) ашқан тиімді. Бұл жағдайда әрқайсысы сыйақы алады.

Толығырақ: Отбасы банкте тез ақша жинау жолдары

Мемлекеттік сыйақы не береді

Мемлекеттік сыйақы — депозиттегі жинаққа қосылатын қосымша қаражат. Ол бағалау көрсеткішіне (БК) және банктің сыйақы мөлшеріне тікелей әсер етеді.
Дәл осы көрсеткіштер ипотеканы қашан және қандай мөлшерлемемен алуға болатынына әсер етеді.

  • Аралық несие үшін (мөлшерлеме 6–8.5 %) БК кемінде 5 болуы керек.
  • Тұрғын үй несиесі үшін (мөлшерлеме 3.5–5 %) БК кемінде 16 болуы қажет.

Еске саламыз: 2026 жылғы 19 наурыздан бастап тұрғын үй құрылыс жинақ жүйесі (алдымен депозитке жинап, кейін төмен мөлшерлемемен несие алу) бойынша ипотеканы Қазақстанның кез келген коммерциялық банкінде рәсімдеуге болады.

Бірақ мемлекеттік сыйақы тек Отбасы банктің салымшыларына ғана түседі, өйткені бұл — мемлекеттік банк.

Krisha.kz материалын пайдаланғанда бірінші абзацта міндетті түрде сілтеме болуы керек!