Биыл 2 наурыздан бастап Отбасы банк кезекте тұрғандарға тұрғын үй үлестіре бастайды. Барлығы 13 мыңнан астам пәтер.
Түгендеуден өткен кезектегі азамат қана пәтер ала алады.

2026 жылғы 2 наурыздан бастап Отбасы банк тұрғын үйді тек түгендеуден өткізгеннен кейін үлестіреді. Банк хабарлағандай, бұл осы күннен бастап бұл алғашқы әрі міндетті қадам болады деп хабарлады.

Кезектегі адам түгендеуден өтпесе, ол кезектен шықпайды, бірақ пәтер үлестіру процесіне қатыса алмайды.

Түгендеу деген не?

Түгендеу — бұл кезектегі азаматтың деректерін тексеру және нақтылау.

Банкке төмендегі өзекті ақпарат қажет:

  • отбасы құрамы,
  • категория,
  • тұрғын үйінің бар-жоғы және т.б.

Банк барлық мәліметті мемлекеттік базадан алады.
Кезектегілерге анықтама жинаудың қажеті жоқ, тек orken.otbasybank.kz порталында жеке деректі өңдеуге келісім беру жеткілікті.

Міндетті тексеріс не үшін керек?

Бұрын мемлекет пәтерді түгендеуден бұрын беретін, бұл процесті жеделдетеді. Алайда кейін кейбір азаматтың баспана сатып алғаны, отбасы құрамы өзгергені немесе берілген пәтер жаңа деректерге сай келмейтіні белгілі болды.

Мұндай жағдайда рәсімді қайта бастауға тура келетін. Бұл мерзімді ұзартып, пәтер үлестіруді тежейтін.

Енді процесс анағұрлым ашық болады: пәтер кезекке ерте тұрған және шын мәнінде баспанаға мұқтаж азаматтарға беріледі.

Түгендеуден қалай өтуге болады

  • orken.otbasybank.kz сайтына электрондық цифрлық қолтаңба (ЭЦҚ) арқылы кіріңіз.
  • Жеке кабинетке кіріңіз.
  • Жеке деректерді өңдеуге келісім беріп, қол қойыңыз.
  • «Түгендеу» бөліміне өтіңіз.
  • «Түгендеуді бастау» батырмасын басыңыз.
  • Статусын қадағалаңыз.
  • Отбасы мүшелерінің келісімі кезеңінде әр адам сайтқа жеке кіріп, өз келісімін бөлек беруі қажет.

Қанша пәтер беріледі

Банк облыстық әкімдіктерден 13 393 пәтер алды.

Оларды былай бөлмекші:

  • 8846 пәтер — «Жалға берілетін тұрғын үй»;
  • 4547 пәтер — «Несиеге берілетін тұрғын үй».

Несиеге берілетін тұрғын үй кезектегі азаматтың категориясына қарай 2 немесе 5 % мөлшерлемемен жеңілдікті ипотека арқылы беріледі.

Тұрғын үй кезегінде тұрсаңыз, міндетті түрде түгендеуден өтіп, статусыңызды тексеріңіз.

Мұны қалай жасау болады: Тұрғын үй кезегі: тізімді қалай тексеруге болады