Алматы облысында 5% мөлшерлемемен берілетін жеңілдікті «Алатау» ипотекасы іске қосылды. Несиеге кім үміткер бола алады және бағдарламаға қалай қатысуға болатынын түсіндіреміз.

Қонаев қаласындағы «Шахнур» бизнес-орталығында өтінім беруге болады. Өтінім қабылдау қашан аяқталатыны белгісіз.

Ипотека шарттары

  • Мөлшерлеме — жылдық 5%.
  • Бастапқы жарна — 10%-дан бастап.
  • Несие сомасы — 30 млн теңгеге дейін.

Кім қатыса алады

Бағдарлама мына салалардағы қызметкерге арналған:

  • білім беру;
  • денсаулық сақтау;
  • мәдениет;
  • спорт;
  • әлеуметтік сала;
  • энергетика және коммуналдық шаруашылық;
  • мемлекеттік қызметкер;
  • БАҚ қызметкері (биыл қосылды).

Талаптар

  1. Қазақстан Республикасының азаматы болуы және жасы 18-60 аралығында болуы керек.
  2. Кемінде екі жыл ресми жұмысы және зейнетақы қорына аударымы болуы қажет.
  3. Кейінгі 24 айда жеке тұрғын үйі болмауға тиіс.

Бағдарламаға қалай қатысуға болады

«Шахнур» бизнес-орталығындағы өтінім қабылдау кестесі:
дүйсенбі—жұма 9:00-ден 18:00-ге дейін,
сенбі — 13:00-ге дейін.

Алдымен құжаттарды әкімдік тексереді, кейін облыстық комиссия қарайды. Одан соң қатысушылар ұпай бойынша іріктеледі.

Қандай жағдайда ұпай беріледі

  • Ресми некеде болу — 2 ұпай.
  • Кәмелетке толмаған балалардың болуы — 2 балл, әр келесі балаға тағы 1 балл.
  • Екі жыл еңбек өтілі — 2 балл, әр келесі жылға 1 балл.
  • Мемлекеттік қызметте немесе бюджеттік салада жұмыс істеу — 5 балл.
  • Паралимпиадашыларды қоса алғанда, әлем чемпионы немесе Азия ойындарының чемпионы атағы — 7 балл.

Жеңімпаздарға Отбасы банкке жолдама алады. Банк өтініш берушінің табысы мен кредиттік тарихын тексереді. Табысы жеткіліксіз болса, екі гарантқа дейін тартуға болады.
Бағдарламаға ерлі-зайыптылар қатысса, өтінімді олардың біреуі ғана береді.

Қандай тұрғын үй сатып алуға болады

Тек жаңа құрылыстан және Қонаев қаласынан пәтер сатып алуға болады. Биыл 120-дан астам отбасын несиелендіруге 3.2 млрд теңге бөлінді.

Пайдалы материалдар:
Тамызда екі ипотека іске қосылады: кім несие ала алады
Бір бөлмеліден екі бөлмеліге, екі бөлмеліден үш бөлмеліге: қанша ақша қосу керек