Сипаттамасы:
Modern City тұрғын үй кешені – бизнес класты заманауи жаңа құрылыс. Ғимарат Шымкенттің керемет ауданында – көлікпен оңай жетуге болатын, әлеуметтік-тұрмыстық инфрақұрылымы жақсы дамыған жерде орналасқан.
ТК артықшылықтары
💥 Жоспары мұқият жасалған пәтерлер;
💥 Барлық маңызды ифрақұрылым нысандары жақын орналасқан;
💥 Үй төңірегіндегі аумақ абаттанған;
💥 Шымкенттегі үлкен саябаққа жақын орналасқан.
Орналасуы
Modern City тұрғын үй кешені Бәйдібек би даңғылына жақын маңдағы құрылыс қарқынды жүріп жатқан тамаша ауданда бой көтеріп келеді. Кешеннің айналасына биіктігі орташа, көп пәтерлі ғимараттар шоғырланған.
Аудан инфрақұрылымы
- «Модерн Сити» кешеніне жақын жерде:
- 40 га жерді алып жатқан үлкен әрі әсем саябақ;
- мектеп;
- емхана;
- азық-түлік және ең қажет тауарлар сататын дүкен.
Жақын жерден қажет инфрақұрылымдық нысандардың бәрін: түрлі санаттағы білім беру мекемелері, медициналық мекемелер (жеке және қалалық), кез келген профильді дүкендер, сауда және ойын-сауық орталықтары, банк және пошта бөлімшелері, жанармай бекеттері, шаштараздар мен спа-салондар, спорт залдарын табасыз.
Көлікпен жету мүмкіндігі
«Модерн Сити» (Шымкент) тұрғын үй кешені орналасқан аудан көлік қозғалысына өте қолайлы. Ең жақын аялдама таяқ тастам жерде. Бәйдібек би даңғылына шығатын ыңғайлы жол жеке көлігі бар тұрғындарға ұнайтыны анық, даңғыл арқылы қаланың кез келген бөлігіне баруға болады. Даңғыл мен А-2 автострадасы қиылысатын жер алыс емес.
Жаңа құрылыстың ерекшеліктері
Modern City – секция саны әртүрлі тоғыз қабатты сегіз ғимараттан тұрады. Ғимараттар өңірдің сейсмикалық және климаттық ерекшелігін ескере отырып, монолит технологиясы бойынша салынып жатыр. Заманауи стильде ашық түсте әрленген қасбеті фиброцемент панельдермен қапталған, тиімді қауіпсіз жылу сақтайтын материалдар қолданылады.
Ғимараттар жолаушы таситын жеделсатылармен жабдықталған. Әр секцияда кең холл бар. Бірінші қабатында коммерциялық жылжымайтын мүлік орналасқан.
Ауланы абаттандыру
Шымкенттегі Modern City ТК жобасы бойынша есік алдында балалар және спорт алаңы болады. Балабақша аяқ аттам жерде тұр. Кең жаяу жүргінші жолағы, жарық шамдар, жасыл желек бар: газон төсеп, гүл егіп, аллея, шағын тоғай жасап жатыр. Кешен аумағында автомобиль жүретін жол жоқ – ТК "автокөліксіз аула" қағидасын ұстанады.
Тәулік бойы бақылайтын бейнекамералар, жабық аула тұрғындардың қауіпсіздігін барынша нығайтады. Тұрғындарға арналған жерасты паркингі, ал қонақтар үшін жерүсті паркингі салынған. Ғимараттарда жолаушы таситын жеделсатылар жұмыс істейді.
Жылжымайтын тұрғынжай туралы
Modern City (Шымкент) тұрғын үй кешені ауданы 66-86 м2 болатын 2 не 3 бөлмелі 280 пәтерден тұрады. Төбесінің биіктігі – 3 м. Барлық пәтердегі асүй жеке, толыққанды орынжай түрінде салынған. Баспана қара сылақпен беріледі. Сатып алар алдында бөлмелердің орны мен көлемін өзгертуге мүмкіндік жоқ – пәтер жоспары тұрақты.
Үй автономды жылыту жүйесімен беріледі, барлық қажет инженерлік-техникалық желі тартылған. Әр пәтердің терезесі панорамалы (еденге түсіп тұрады), витраж типті.
Құрылыс салушы туралы
Ғимарат құрылысын OKS Development (Оңтүстік Құрылыс Сервис) компаниясы жүргізіп жатыр. Құрылыс салушы Шымкент пен Қазақстанның басқа да елді мекендерінде тұрғын үй салумен айналысады. Компания нарыққа 2001 жылы шыққан.
