Еңбек және халықты әлеуметтік қорғау министрлігі жаңа зейнетақы жүйесі талқылап жатыр. Олар ұсынып отырған нұсқалардың бірі Сингапур моделіне негізделген.

Бұл модель бойынша зейнетақы жарнасы үш түрлі шотқа бөлінеді. Министрлік сол шоттардың біріндегі қаражатты жеңілдік арқылы тұрғын үй сатып алуға пайдалануды ұсынып отыр. Жинақтың бір бөлігін білім алуға, емделуге немесе инвестицияға бағыттауға мүмкіндік берілуі ықтимал.

Кейбір сарапшылар бұл жобаны әлі жақсарту қажет дейді. Өйткені онда әлеуметтік осал топтағы кейбір азаматтың мүддесі толық ескерілмеген.

Жұмыс тобы реформаның басқа жолдарын қарастырып жатыр. Мәселен, жұмыс берушінің зейнетақы жарнасын үлестіру тәртібін өзгерту және жаңа әлеуметтік зейнетақы төлемін енгізу.

Әзірге бұлардың бәрі тек жоба күйінде. Барлық ұсынысты сарапшылар талқылап жатыр. Соңғы шешім әлі қабылданған жоқ.

5 маусымнан бастап Қазақстанда зейнетақы жинағының жеткіліктік шегін есептеу әдістемесі өзгерді. Жеткіліктік шегі екі есе өсті. Зейнетақы жинағында артық қаражаты бар азаматтардың саны 500 мыңнан 30 мыңға қысқарды, алуға болатын қаражат көлемі 1 триллионнан 209 миллиард теңгеге азайды.

БЖЗҚ 2021 жылдан бері халық зейнетақы шотынан қанша қаражат алғанын хабарлады — Зейнетақы жинағын тұрғын үй алу үшін пайдалану: жеңілдік болмайды

Қызық болуы мүмкін:
Алматы қалай өзгереді — жаңа орталықтар, заманауи трамвай және жаңарған қасбет
Қазақстанда ақылды газ есептегішті тегін орнатуға болады
Қазақстанда ипотеканың жоғары мөлшерлемесі өзгерді
Екінші пәтерге ипотека рәсімдеуге бола ма