Қазақстанда тұрғындар қарапайым газ есептегішті ақылды есептегішке жаппай ауыстырып жатыр. Бұл қызмет тегін, барлық шығынды газбен жабдықтаушы ұйымдар өз мойнына алады. Бұл туралы Үкімет отырысында Энергетика министрі Ерлан Ақкенженов мәлімдеді.

Министр 49 мыңнан астам ақылды есептегіш орнатылды деді. Aqyl Energy жобасы аясында компаниялар 1.352 млн есептегішті ауыстыруды жоспарлап отыр.

Жаңа есептегіш көрсеткішті автоматты түрде жібере алады. Қазір көптеген өңірде көрсеткішті бақылаушылар қолмен тіркейді немесе тұрғындар мессенджер арқылы есептегіштің фотосын жібереді.
Газбен жабдықтау жүйесіне қосылған жеке тұрғын үй иелері газ есептегішті міндетті түрде орнатуы керек.

Қазақстанда мынадай мүмкіндіктер беретін цифрлық сервис әзірленіп жатыр:

  • газ көрсеткішін онлайн жіберу;
  • техникалық шарт бойынша газға қосылуға өтінімді қашықтан рәсімдеу.

2026 жылдың аяғына дейін билік жасанды интеллект технологияларын пайдаланып, елдің барлық 20 өңірінде газ саласын толық цифрландыруды жоспарлап отыр.

Алдағы уақытта ақылды есептегішке тек газ емес, су мен электр энергиясын есепке алу жүйелері де кезең-кезеңмен көшеді. Толығырақ: Қазақстанда жаңа су есептегіш пайда болды

Пайдалы материалдар:
Екінші пәтерге ипотека рәсімдеуге бола ма