Қазақстанда базалық мөлшерлеме төмендеді. Ұлттық банк оны 18-ден 17%-ға дейін түсірді. 

2025 жылдың қазанынан бері (тоғыз ай бойы) мөлшерлеме 18% еді. Жалпы алғанда ол 2024 жылдың шілдесінен бастап өсіп келген. Қаржыгерлер бұл жолы төмендейтінін күтті.

Не өзгереді?

Базалық мөлшерлеме несие мен депозит пайыздарына әсер етеді. Ол неғұрлым төмен болса, банктерге ақша тарту соғұрлым арзан болады. Соның нәтижесінде уақыт өте келе несиелердің пайызы төмендеуі мүмкін.

Бірақ бұл бірден болмайды. Әдетте банктер алдымен депозит шарттарын қайта қарайды, несие мен ипотеканы кейін өзгертеді.

Ипотека ше?

Ипотека алушылар үшін қазір басқа маңызды өзгеріс бар.

1 шілдеден бастап ипотеканың ең жоғары тиімді мөлшерлемесі (ЖТСМ) 25-тен 20%-ға дейін төмендейді. Банктер одан қымбат несие бере алмайды.

Сонымен қатар билік мөлшерлемені бастапқы жарнаға байланысты өзгертуді талқылап жатыр:

  • жарна 30%-дан жоғары болса — 20%-ға дейін;
  • 30%-дан төмен болса — 25%-ға дейін.

Бірақ нақты шешім қабылданбады.

ЖТСМ — комиссия, сақтандыру және басқа міндетті төлемдерді қоса есептегендегі несиенің толық құны.

Мақала жарияланған сәтте ипотека бойынша ЖТСМ-ді 20%-ға дейін төмендету 2027 жылдың 1 қаңтарына шегерілгені белгілі болды.
Сонымен қатар LTV коэффициентіне (несиенің тұрғын үй құнына қатынасы) байланысты өзгермелі мөлшерлеме енгізіледі:
30% бастапқы жарна болса ЖТСМ 20% болады. Бастапқы жарна 20% болса ЖТСМ 25% болады.

Депозитке не болады?

Бұл жерде жағдай тез өзгеруі мүмкін.

Қазір банктер 15.2—20.5%-дық депозит ұсынады. Ұлттық банк базалық мөлшерлемені әрі қарай төмендетсе, жаңа депозиттердің табыстылығы біртіндеп азаюы мүмкін.

Сондықтан депозит ашуды жоспарлап жүргендер мөлшерлемені бақылап отырғаны жөн.

Пайдалы материалдар:
Отбасы банк ипотека мөлшерлемесін көтереді
2026 жылы жалға бергенде қанша және қашан салық төлеу керек