Наурыз мейрамына байланысты 21–25 наурыз аралығында жеңілдікті «Наурыз» ипотекасы бойынша өтінім қабылдау тоқтайды.

«Наурыз» ипотекасы — алғашқы тұрғын үй сатып алуға арналған жеңілдікті мемлекеттік бағдарлама. 2026 жылы 10–31 наурыз аралығында өтінім жіберуге болады.
Өтінімді тек жұмыс күндері, 9:00-ден 21:00-ге дейін Baspana Market порталында беруге болады.
Нәтижесінде құжат тапсыруға бар болғаны 14 жұмыс күні ғана беріледі.

«Наурыз» ипотекасының шарттары

  • Мөлшерлеме:

7 % — әлеуметтік осал топтағы азаматтарға;
9 % — қалған қатысушыларға.

  • Бастапқы жарна:

10 % — дайын пәтерлер үшін;
20 % — қара сылақпен әрленген пәтер немесе екінші нарықтағы тұрғын үй үшін.

  • Ең жоғары сома:

Алматы мен Астанада — 36 млн теңгеге дейін;
басқа өңірлерде — 30 млн теңгеге дейін.

  • Несие мерзімі:

19 жылға дейін.

«Наурыз» арқылы не сатып алуға болады

Астана, Алматы, Шымкент және облыс орталықтарында — тек бірінші нарықтағы тұрғын үй, соның ішінде ҚТК кепілдігі бар салынып жатқан тұрғын үй кешендері.

Өңірлерде және моноқалаларда — бірінші және екінші нарықтағы тұрғын үй, соның ішінде жер үй.

Облыс орталықтары — Ақтау, Ақтөбе, Атырау, Қарағанды, Көкшетау, Қостанай, Қызылорда, Қонаев, Павлодар, Петропавл, Семей, Жезқазған, Талдықорған, Тараз, Түркістан, Орал, Өскемен.

«Наурыз» бағдарламасына қалай өтінім беруге болады және қанша төлеу керек — мына жерден оқыңыз

Пайдалы материалдар:
«Наурыз» ипотекасы: қалай дайындалу керек
Биыл құрылыс компаниясынан пәтерді қалай қауіпсіз сатып алуға болады
«Ұмай» және «Жасыл ипотека» қашан іске қосылады
Қазақстанда тұрғын үй бағасы төмендемейді — Отбасы банк басшысы