10 наурызда 9:00-де Отбасы банк «Наурыз» ипотекасы бойынша өтінім қабылдауды бастады. Өтінімді Baspana Market платформасы арқылы онлайн беруге болады.
Өтінім беру тәртібін түсіндіреміз.

«Наурыз» ипотекасының шарттары

  • Мөлшерлеме:

7% — әлеуметтік осал топтар үшін
9% — қалған қатысушылар үшін

  • Бастапқы жарна:

10% — дайын пәтер
20% — қара сылақпен әрленген немесе екінші нарықтағы пәтер үшін

  • Несие мөлшері:

36 млн теңгеге дейін — Алматы мен Астанада
30 млн теңгеге дейін — өңірлерде

  • Несие мерзімі:

​19 жылға дейін.

Қалай өтінім беруге болады — нұсқаулық

  • Отбасы банк сайтындағы Baspana Market бөліміне кіріп, авторланыңыз.
    Өтінімді ноутбук немесе компьютер арқылы беру қажет.
  • «Менің өтінімдерім» мәзірінен «Наурыз» бағдарламасын таңдап, «Өтінім беру» батырмасын басыңыз.
  • Пәтер сатылатын және тұратын өңірді таңдап, шарттармен келісіп, жалғастырыңыз.
  • Депозитті таңдаңыз, келісіңіз және SMS-кодты енгізіңіз.
  • Жеке деректерді тексеріп, өтінімді растаңыз.
  • Банк сізде тұрғын үй бар-жоғын және жылжымайтын мүлік статусын тексереді.
  • Тексерістен кейін өтінімге ЭЦҚ арқылы қол қойыңыз.

Маңызды: өтінім тек жұмыс күндері 09:00-ден 21:00-ге дейін қабылданады.
Қабылдау мерзімі — 31 наурызға дейін.

Өтінім беру уақыты нәтижеге әсер етпейді. Өтінім қабылдау аяқталғаннан кейін қатысушылар ұпай бойынша іріктеледі.

Ұпай қалай беріледі

Қатысушылар төмендегі шарттар бойынша іріктеуден өтеді:

  • Әлеуметтік осал топтағы адам — 10 ұпай.
  • Балалардың болуы — 10 ұпай (санына қарамастан).
  • Некеге тұрған — 5 ұпай.
  • Жасы 35-тен аспаған — 5 ұпай.
  • Тұрғын үй құрылыс жинақ депозитіндегі жинақ — әр 1000 теңге үшін — 1 ұпай.

Қатысушыларға қойылатын талаптар

  • Соңғы 5 жылда қарыз алушының және оның отбасы мүшелерінің (жұбайы, 18 жасқа толмаған балалары) атында тұрғын үй болмауы керек.
  • Отбасы банкте депозит болуы қажет. Депозиттегі ең төменгі жинақ — 2 млн теңге.

Қанша төлеу керек

«Наурыз» ипотекасы бойынша төлем басында жоғары болып, кейін төмендейді.
Бірінші кезеңде алдын ала несие, кейін қатысушы тұрғын үй несиесіне ауысады.

Мысалы, 19 жылға ипотека рәсімдесе:

  • Алдын ала несие — 8 жыл, мөлшерлеме — 7 % немесе 9 % (қатысушы категориясына байланысты).
  • Тұрғын үй несиесі — 11 жыл, ең төменгі мөлшерлеме — 3.5 %.
     

Несие сомасы

15 млн

20 млн

30 млн

Баст. жарна

3 млн

4 млн

6 млн

Мөлшерлеме (алдын ала несие)

7%

7%

7%

Алдын ала несие (8 жыл)

126 500 тг

168 700 тг

253 000 тг

Тұрғын үй несиесі (11 жыл)

58 500 тг

81 700 тг

128 000 тг

19 жылда артық төлем

7.8 млн

11 млн

17 млн

 

Несие сомасы

15 млн

20 млн

30 млн

Баст. жарна

3 млн

4 млн

6 млн

Мөлш. (алдын ала несие)

9%

9%

9%

Алдын ала несие (8 жыл)

151 500 тг

202 000 тг

303 000 тг

Тұрғын үй несиесі (11 жыл)

58 500 тг

81 700 тг

128 000 тг

19 жылда артық төлем

10.3 млн

14 млн

22 млн

Қызық болуы мүмкін:
«Наурыз» ипотекасы: қалай дайындалу керек
Қазақстанда «Наурыз» ипотекасы іске қосылады