Қазақстанда өзін-өзі жұмыспен қамтығандар үшін әлеуметтік төлемді онлайн төлеу сервисі іске қосылды. Бұрын бұл мәселеде қиындықтар болған: 25 ақпанға дейін төлеу керек еді, түсінікті төлем тәсілі болмады. Қазір сервис Kaspi-де бар.

Өзін-өзі жұмыспен қамтығандарға арналған режимді көбінесе жалға берушілер таңдайды. Бұл — жеке кәсіпкер болмай-ақ, жалға беруден түскен табыстан әлеуметтік төлем төлеп, заңды түрде жұмыс істеудің қарапайым тәсілі.

Әлеуметтік жарнаны қалай төлеу керек және нені ескеру маңызды екенін түсіндіреміз.

Әлеуметтік төлемді Kaspi-де қалай төлеуге болады

  • Kaspi қосымшасын ашыңыз.
  • «Төлемдер» → «Барлығы» → «Айыппұл, салық» бөліміне кіріңіз.


     
  • «Өзін-өзі жұмыспен қамтығандар үшін аударым» → «Өзін-өзі жұмыспен қамтығандардың аударымдары мен жарналары» тармағын таңдаңыз.


     
  • Мыналарды жазыңыз: 
    — ЖСН,
    — төлем кезеңі,
    — табыс сомасы.
  • «Әлеуметтік төлемді төлеу» батырмасын басыңыз. Жүйе төлем сомасын автоматты түрде есептейді.

Қанша төлеу керек

Өзін-өзі жұмыспен қамтығандар жеке табыс салығын (ЖТС) төлемейді және есеп тапсырмайды.

Олар тек табыстың 4%-ы мөлшерінде әлеуметтік төлем төлейді.

4 %-дың ішіне мыналар кіреді:

  • 1% — міндетті зейнетақы жарнасы;
  • 1% — жұмыс берушінің зейнетақы жарнасы;
  • 1% — әлеуметтік аударымдар;
  • 1% — медициналық сақтандыруға арналған аударым.

Мысалы, сіз пәтерді айына 250 000 теңгеге жалға берсеңіз, әлеуметтік төлем 10 000 теңге болады.

Қашан төлеу керек

Әр айдың 1-25 аралығында және әрқашан өткен ай үшін төлеу қажет.

Мысалы: ақпанда — қаңтар үшін, наурызда — ақпан үшін, сәуірде — наурыз үшін және солай жалғасады.

Табыс болмаса, төлеудің қажеті жоқ.

Кімге жеңілдік бар

Кейбір тұрғын жарналардың бір бөлігін төлемейді.

Зейнеткерлер барлық төлемнен толық босатылады.

I және II топтағы (мерзімсіз) мүгедектер зейнетақы жарнасын және медициналық сақтандыру үшін төлемейді.

I–III топтағы мүгедектер, көпбалалы аналар (6 және одан көп бала), декреттегі әйелдер, сондай-ақ күндізгі бөлімде оқитын студенттер медициналық сақтандыру жарнасын төлемейді.

1975 жылға дейін туғандар жұмыс берушінің зейнетақы жарнасын төлеуден босатылады.

Сізде жеңілдік болса, Kaspi оны автоматты түрде ескереді.

Жалға беру келісімшартын ұмытпаңыз

Тұрғын үйді жалға бермес бұрын міндетті түрде жалға беру келісімшартын жасаңыз. Құжат жалға беруші мен жалға алушыны қорғайды: онда сома, мерзім және жауапкершілік жазылады.

Келісімшарт бір жылдан аз мерзімге жасалса, оны тіркеудің қажеті жоқ. Үлгісін Krisha.kz-тен жүктеп алып, қажет болса өзіңізге қарай бейімдей аласыз.

Пайдалы материалдар:
Өзін-өзі жұмыспен қамтушы және жалға беру: жеке кәсіпкер болмай пәтерді қалай жалға беруге болады
Пәтердің техникалық паспорты: күші жойыла ма, қала ма?
Пәтерде үлес, саяжай болса немесе тіркелген жеріңізді өзгерттіңіз: қандай жағдайда кезекте қаласыз