Отбасы банк 2–5 %-дық жеңілдікті ипотека бойынша өтінім қабылдау және тұрғын үй үлестіру басталғанын хабарлады.
Берілетінін пәтерлер қайда екенін және кім ала алатынын түіндіреміз.

2 және 5 %-дық ипотеканы кім ала алады

Бұл — бастапқы жарнасы пәтер құнының кемінде 10 %-ын құрайтын және 20 жылға берілетін, 2 және 5 % мөлшерлемесі бар мемлекеттік жеңілдікті бағдарлама.

Қатысушылар екі негізгі талапқа сай болуы керек:

  1. Тұрғын үй кезегінде тұру.
  2. Әлеуметтік осал топқа жату.

2 %-дық ипотека тек мына әлеуметтік осал топтарға жататындарға беріледі:

  • ҰОС ардагерлері, оған теңестірілгендер, ұрыс қимылдарының ардагерлері.
  • Мүгедектер.
  • Жетімдер.
  • Көпбалалы отбасылар.
  • Мүмкіндігі шектеулі балалары бар отбасылар.
  • Жесір, тұл еркек.

5 %-дық ипотеканы толық емес отбасылар, созылмалы аурулары бар адамдар, қандастар, төтенше жағдайдан кейін баспанасынан айырылғандар және т.б. әлеуметтік осал топтағылар рәсімдей алады.

Өтінімді Отбасы банкте беру керек:

  • сайт арқылы (онлайн),
  • қосымша арқылы,
  • бөлімшеде.

Маңызды: ипотека рәсімдеу үшін қатысушының депозитінде пәтер құнының кемінде 10 %-ы болуы қажет.
Жеңілдікті ипотека қалай жұмыс істейтінін мына жерден оқи аласыз: Биыл мемлекет беретін пәтерді қалай алуға болады

Берілетін пәтерлер қайда

Тұрғын үйлер пайдалануға берілген, барлық пәтер дайын күйде.

Қостанай

Береке ықшамауданы, 31
Пәтер саны: 60.
Бағасы: 253 606 тг/ш. м.

Қатысушының кредит төлеу қабілетін бағалау: 1–10 сәуір.
Тұрғын үй таңдау: 1–14 сәуір.
Тұрғын үй үлестіру: 15 сәуір.

Петропавл

Жұмабаев көшесі, 282
Пәтер саны: 126.
Бағасы: 180 000 тг/ш. м.

Қатысушының кредит төлеу қабілетін бағалау: 30 наурыз — 7 сәуір.
Тұрғын үй таңдау: 9 сәуірге дейін.
Тұрғын үй үлестіру: 10 сәуір.

Крепостная көшесі, 141 және Бескөл ауылы, Дорожная көшесі, 8в
Пәтер саны: 72 және 50.
Бағасы: 230 000 тг/ш. м.

Қатысушының кредит төлеу қабілетін бағалау: 30 наурыз — 6 сәуір.
Тұрғын үй таңдау: 8 сәуір.
Тұрғын үй үлестіру: 9 сәуір.

Тараз

Шапағат ықшамауданы, 9
Пәтер саны: 28.
Бағасы: 226 110 тг/ш. м.

Қатысушының кредит төлеу қабілетін бағалау: 30 наурыз — 9 сәуір.
Тұрғын үй таңдау: 13 сәуір.
Тұрғын үй үлестіру: 14 сәуір.

Шапағат ықшамауданы, 25-үй
Бағасы: 226 110 тг/ш. м.
Пәтер саны: 45.

Қатысушының кредит төлеу қабілетін бағалау: 2–15 сәуір.
Тұрғын үй таңдау: 2–17 сәуір.
Тұрғын үй үлестіру: 20 сәуір.

Ұлы дала ықшамауданы, 52-үй
Бағасы: 160 000 тг/ш. м.
Пәтер саны: 80.

Қатысушының кредит төлеу қабілетін бағалау: 2–15 сәуір.
Тұрғын үй таңдау: 2–17 сәуір.
Тұрғын үй үлестіру: 20 сәуір.

Аягөз

Қабанбай батыр көшесі, 5/4-үй
Бағасы: 220 000 тг/ш. м.
Пәтер саны: 59.

Қатысушының кредит төлеу қабілетін бағалау: 1–13 сәуір.
Тұрғын үй таңдау: 1–15 сәуір.
Тұрғын үй үлестіру: 16 сәуір.

Жаркент

Серғазы Беспаев көшесі, 78/1, 78/2-үй
Бағасы: 261 850 тг/ш. м.
Пәтер саны: 120.

Қатысушының кредит төлеу қабілетін бағалау: 1–7 сәуір.
Тұрғын үй таңдау: 1–10 сәуір.
Тұрғын үй үлестіру: 13 сәуір.

Алматы мен Астанада осы мемлекеттік бағдарламалар бойынша тұрғын үй әзірге жоқ. Объектілерді қалалық әкімдіктер дайындайды.

Билік пәтерлерді қалай үлестіреді

Әкімдік пәтерлерді бірінші кезекте алты әлеуметтік осал топқа кіретіндерге үлестіреді: ардагерлер, мүгедектер, жетімдер, көпбалалы отбасылар, жесірлер. Әр үйдегі жалпы пәтер санының 70 %-ы осы топтағыларға беріледі, соның ішінде 20%-ын жетімдер алады.

Қалған 30% — басқа әлеуметтік осал топтағыларға.

Маңызды: 2026 жылғы 2 наурыздан бастап Отбасы банк пәтерді тек түгендеу өткізгеннен кейін үлестіреді. Кезекте тұрған адам түгендеуден өтпесе, пәтер ала алмайды: Тұрғын үй кезегі: тізімді қалай тексеруге болады

Пайдалы материалдар:
Қазақстандағы ипотека: табыс қанша болуы керек
Жаңа тұрғын үйге арналған ипотека — 2026: барлық банктің шарттары
Жаңа жалға алу ережесі және сот арқылы шығарып жіберу: нарыққа не болады
Қазақстанда «7-20-25» жеңілдікті ипотекасының келесі кезеңі іске қосылды