Жақында Krisha.kz Қазақстандағы екінші нарықтағы үйге арналған барлық банктегі ипотекаға үлкен шолу жариялады. Оны мына жерден оқуға болады: Екінші нарықтағы үйге арналған ипотека — 2026. Барлық банктің шарттары

Енді бастапқы жарна болса, екінші нарықтан 30 млн теңгеге арзан пәтер алу үшін табыс қанша болу керек екенін анықтадық.

Банктердің қарыз алушының жалақысына қоятын талаптары

  • Зейнетақы жарнасы төленетін ресми жалақы.
  • Соңғы жұмыс орнында кемінде 6 ай тұрақты еңбек өтілі.
  • Ипотека төлемі табыстан кемінде екі есе аз болуы керек. Басқа несиелер болса, барлық ай сайынғы төлем есептеледі.

Мысалы, ипотека бойынша ай сайынғы төлем 480 000 тг болса, жалақы кемінде 960 000 тг болуы керек. Ипотекадан бөлек ай сайынғы төлемі 120 000 тг болатын несие болса, жалпы табыс кемінде 1 200 000 тг болуға тиіс.

Маңызды: ерлі-зайыптылар ресми некеде болса, банк отбасының жалпы табысын есепке алады. Өтінімді жұбайлардың бірі берсе де, екіншісінің үлкен несиесі болса, банк мақұлдамауы мүмкін. Өйткені банк адамның төлем қабілетін есептеу кезінде отбасының барлық қаржылық міндеттемесін есепке алады. Керісінше, екінші жұбайдың жоғары табысы ипотеканы тиімді шартпен алуға немесе несие сомасын көбейтуге көмектеседі.

Ипотека үшін қанша төлеу керек

Қазір екінші нарықтағы пәтерге мына банктер ипотека рәсімдейді:

  • Altyn Bank,
  • Halyk Bank,
  • ЦентрКредит Банкі,
  • Нұрбанк,
  • ForteBank,
  • RBK,
  • Отбасы банк.

Екінші деңгейлі банктерде ең төменгі бастапқы жарнамен арзан пәтер алу үшін қанша табыс керек екенін есептедік.

Шарттар:

  • Пәтер құны — 30 млн тг.
  • Бастапқы жарна — 20–30%.
  • Мерзім — 10 жыл, ең төмен бастапқы жарна — екінші деңгейлі банкте 20%.

Банк

Мөлшерлеме

БЖ

Төлем

Қажет жалақы

Altyn Bank

22.3%

20%

501 000

От 1 002 000

Halyk Bank

20.5%

20%

472 000

От 944 000

ЦентрКредит (стандарт)

21.7%

20%

479 480

От 959 000

ЦентрКредит (JAÑA)

15.5%

20%

472 000

От 944 000

Нұрбанк

21.5%

20%

488 000

От 976 000

ForteBank

15%

30%

484 000

От 968 000

RBK

22%

30%

434 000

От 868 000

Осы шарттар бойынша екінші деңгейлі банктерден ипотека алу үшін қажет орташа жалақы — 965 500 теңге.

Отбасы банктегі ипотека

Отбасы банк тұрғын үй құрылыс жинақ жүйесі бойынша жұмыс істейді. Ипотека рәсімдеу үшін алдымен депозит ашып, сол депозитте бастапқы жарнаны жинау қажет.
Бастапқы жарна екінші деңгейлі банктерге қарағанда жоғары, яғни үй құнының кемінде 50 %-ы депозитте болуы керек.

Ұзақ жинаған сайын пайыз төмендейді:

  • Аралық несие, мөлшерлеме 7.5%-дан басталады. Бағалау көрсеткіші (БК) 5 болуы қажет (шамамен 6 айдан кейін). БК 16 болғанда мөлшерлеме төмендейді.
  • Тұрғын үй несиеcі, мөлшерлеме 4 %-дан басталады, БК — 16. Оны тек 3 жыл қаражат жинағаннан кейін рәсімдеуге болады.

Бағдарлама

Төлем

Мерзім

Қажет жалақы

Аралық/
Тұрғын үй

222 000
217 000

3 жыл 

6 жыл

444 000

Тұрғын үй

167 000

9 жыл

334 000

Жалақы жеткіліксіз болса не істеу керек

Песми жалақы қажет соманы алуға жеткіліксіз болса, банкке қосымша табыс туралы мәлімет ұсынуға болады.
Мысалы:

  • фриланс қызметінен түскен табыс
  • жылжымайтын мүлікті жалға беруден түскен пайда
  • бизнес және т. б.

Банк қосымша табысты растайтын құжат сұрайды және ол болған жағдайда ресми кірісті есепке алады.
Сонымен қатар қосымша кепіл (жылжымайтын мүлік) ұсынуға немесе табысы жоғары кепілгер (поручитель) қосуға болады, бұл рәсімдеу мүмкіндігін арттырады.
Тағы бір нұсқа — пайызы төмен мемлекеттік бағдарламалар.

Мысалы, 10 наурызда «Наурыз» бағдарламасы бойынша өтінім қабылдау басталды.
Бастапқы жарна 10 %-дан басталады, 30 млн теңге тұратын пәтер үшін максимал ай сайынғы төлем — 333 000 тг, кейін азайып отырады.

Бағдарламаның шарттары мен барлық есебін мына жерден көруге болады: Қазақстанда «Наурыз» ипотекасы іске қосылады
30 млн теңге тұратын пәтерді жеңілдікті ипотека арқылы алу үшін жалақы кем дегенде 330 000 тг және одан жоғары болуы керек.

Қызық болуы мүмкін:

Қазақстандағы жастарға арналған ипотека — 2026
«Ұмай» және «Жасыл ипотека» қашан іске қосылады
Жеңілдікті ипотека: өтінім қабылдау қашан басталады