2026 жылы қандай жеңілдікті ипотекалар жұмыс істейтінін және өтінім қабылдау қашан басталатынын Отбасы банктің Алматыдағы филиалының бизнесін дамыту басқармасы басшысының орынбасары Шах-Мұхамед Жақан хабарлады.
2026 жылы Отбасы банктің қандай ипотекалары жұмыс істейді

«Наурыз»

Өтінім қабылдау наурызда басталады.

Бағдарлама шарттары:

  • Мөлшерлеме: 7 % (ЖТСМ — 7.1%) — әлеуметтік топтар үшін, 9 % (ЖТСМ — 9.4 %) — қалғандары үшін.
  • Бастапқы жарна: әрленген болса 10 %, қара сылақпен болса 20 % (несиенің 20 %-ын жөндеу жұмысына жұмсауға болады).
  • Ең жоғары сома: 36 млн тг — Алматы мен Астанада, 30 млн тг — басқа өңірлерде.
  • Мерзімі: 19 жылға дейін.

Негізгі талаптар:

  • соңғы 5 жылда меншігінде тұрғын үй болмауы керек;
  • соңғы 6 айда ресми табыс және зейнетақыға аударым жасалған болуға тиіс;
  • Отбасы банкте кемінде 2 млн теңге жиналған депозит болуы қажет.

Өтінім қабылдауға дейін әлі уақыт бар: болашақ қатысушылар дайындалып үлгеруі үшін толық нұсқаулық.

«Ұмай»

Бұл — әйелдерге арналған ипотека. Тек әйелдер қатыса алады, отбасылық жағдайы мен тұрғын үйі бар-жоғы маңызды емес. Соңғы 6 айдағы ресми табыс болуы міндетті.
— Қазір «Ұмай» бағдарламасы бойынша Отбасы банк пен Азия даму банкі арасында келіссөз жүріп жатыр. Бағдарлама жақында іске қосылады, — деп түсіндірді Шах-Мұхамед Жақан.

Бағдарлама шарттары бұрынғыдай қала ма, әлде өзгере ме, белгісіз. Бұрын шарттар мынадай еді:

  • Мөлшерлеме: 15 %, кейін 5–3.5 %-ға дейін төмендейді.
  • Ең жоғары несие сомасы: 50 млн тг.
  • Бастапқы жарна: ірі қалаларда — тұрғын үй құнының 20 %-ы, өңірлерде — 15 %-ы.
  • Мерзімі: 6 ай мен 25 жыл аралығында.

«Алматы жастары»

Бұл — жұмыс істейтін жастарға арналған жеңілдікті ипотека. Қатысушының жасы 35-тен аспауы керек.
Бағдарлама наурызда іске қосылуы керек еді, бірақ әзірге нақты күні белгісіз. Отбасы банк басталатын уақытын кейін хабарлайды.

Бағдарлама шарттары:

  • Мөлшерлеме: 5%.
  • Бастапқы жарна: 10%.
  • Ең жоғары несие сомасы: 20 млн теңге.
  • Бағдарлама басқа өңірлерде де жұмыс істейді.

«Наурыз Әскери»

Бұл — жаңа бағдарлама. Оған тек тұрғын үй төлемін алушылар қатыса алады, яғни Қорғаныс министрлігі, ҰҚК, ІІМ, ТЖМ, Мемлекеттік күзет қызметі, әскери прокуратура және басқа да ведомстволардың қызметкерлері мен әскери қызметкерлер.

Бағдарлама шарттары:

  • Мөлшерлеме: 9 %, 8 жылдан кейін 5 %-ға дейін төмендейді.
  • Бастапқы жарна: 0-50%.
  • Ең жоғары несие сомасы:

— БЖ 20 %-ға дейін: 36 млн тг — Алматы, Астана, 30 млн тг — басқа өңірлер;
— БЖ 20-50 %: 80 млн тг.

Қызық болуы мүмкін:

Пәтер кезегі және пәтердегі үлес: кім кезектен шықпайды

Krisha.kz материалын пайдаланғанда бірінші абзацта міндетті түрде сілтеме болуы керек!