Екінші нарықтағы үйге арналған ипотека – 2026. Барлық банктің шарттары

Krisha.kz барлық банктің екінші нарықтағы баспанаға несие беру шарттарын анықтады: мөлшерлеме, бастапқы жарна, қандай пәтер ипотекаға жарамды, қайсысын қарастырмаған дұрыс.

Ұсыныстарды салыстыру жеңіл болу үшін банктердің барлық шартын жинақтап, стандарт ипотека, кепіл және тұрғын үй жинақ жүйесі бойынша есепті бір файлға жинадық.
PDF файлды сілтеме арқылы жүктей аласыз — сақтауға, жақындарыңызға жіберуге және шешім қабылдамас бұрын талқылауға ыңғайлы.

Қарыз алушыға қойылатын талаптар

• Жасы — 21 жастан бастап. Ипотека алушының ең жоғары жасы зейнетке шығатын жаспен шектеледі.
• Соңғы 6 айдағы ресми табыс (зейнетақы төлемі үздіксіз болуға тиіс).
• Табысы жеткілікті болуы керек: жалақы ипотека төлемі мен басқа да несиелердің ай сайынғы төлемінен кемінде екі есе көп болуы қажет. Жетпеген жағдайда қосалқы қарыз алушы қосуға болады.
• Бастапқы жарна — пәтер құнының кемінде 20 %-ы. Бұдан бөлек сақтандыруға, несие және мәміле рәсімдеуге қаражат қажет.
• Басқа несиелер бойынша берешек болмауға тиіс. Қарыз мерзімі 90 күннен асса, ипотека берілмейді.

Қандай пәтер ипотекаға жарамайды

Көптеген банк мынадай үйдегі пәтерге несие бермейді:

• каркас-қамыстан жасалған үй,
• саман үй,
• ағаш үй.

Кейбір банкте қабат санына қатаң талап бар, 5 қабаттан жоғары болуға тиіс.

Сондай-ақ салынған жылына қатысты шектеу бар: көбіне 1966–1976 жылдардан бұрын салынған үйлер жарамсыз.

Ипотекаға мына объектілер берілмейді:

• мансарда және жертөле қабатындағы пәтер,
• тұрғын емес үй-жай,
• саяжай.

Кейбір банк жатақханадағы бөлмені сатып алуға несие бермейді.

Екінші нарықтағы баспана үшін ипотека беретін банктер

Қазір екінші нарықтағы пәтер сатып алуға алты банк несие береді:

1. Altyn.
2. Halyk.
3. ЦентрКредит Банкі.
4. Нұрбанк.
5. ForteBank.
6. Отбасы банк.

Кредит беру шарттары

Банк	Бағдарлама	Мөлшерлеме	БЖ / кепіл
Altyn	Стандарт / цифрлық	22.3%	20%
Halyk	Цифрлық (комиссиямен)	20.5%	20%
Halyk	Цифрлық (комиссиясыз)	22%	20%
ЦентрКредит	Стандарт	20.5%	20%
ЦентрКредит	JAÑA ипотека (кепіл)	5%	20%
Нұрбанк	Стандарт	20%	20%
Forte	Кепіл	5%	30%
Отбасы	Аралық несие	6%	50%
Отбасы банк	Тұрғын үй несиесі	3.5%	50%

Банктер ипотеканың үш түрін ұсынады:

• стандарт;
• кепіл ретінде ақша беру;
• ТҚЖ (тұрғын үй құрылыс жинақ жүйесі) бойынша, депозиттегі жинақ арқылы.

Қай банкте екінші нарықтағы баспанаға ипотека жоқ

• Еуразиялық банк тек ипотекалық несиені қайта қаржыландырады және «7-20-25» мемлекеттік бағдарламасы бойынша несие береді.
• Фридом Банк Қазақстан қазір екінші нарықтағы баспанаға арналған ипотеканы тек Freedom Holding қызметкерлеріне береді.
• RBK банкте ипотекалық несие уақытша тоқтап тұр.
• Jusan банкте ипотекалық бағдарламалар жоқ.
• Bereke банкте ипотекалық несие қазір жоқ.
• Қазақстандағы Қытай Банкі (Bank of China Kazakhstan) 2026 жылдың аяғына дейін ипотека беруді тоқтатқанын хабарлады.

Тұрғын үйге қойылатын талаптар

Банк	Кредитке не беріледі	Салынған жылы мен материал*
Altyn	Қала және қала маңындағы (30 км) пәтер, жатақхана	Монолит, панель, кірпіш — 1976 жылдан кейін салынған; кемінде 5 қабат
Halyk	Қала және қала маңындағы пәтер, жатақхана	Кірпіш, монолит — 1960 жылдан кейін; панель — 1965 жылдан кейін салынған
ЦентрКредит (стандарт)	Қала және қала маңындағы пәтер	Кірпіш, панель, монолит — 2000 жылдан кейін салынған; кемінде 5 қабат
ЦентрКредит (JAÑA)	Қала және қала маңындағы пәтер, жатақхана	Кірпіш, панель, монолит — 1990 жылдан кейін салынған
Нұрбанк	Қала және қала маңындағы (50 км) пәтер	Кірпіш, панель, монолит — 1975 жылдан кейін салынған
Forte	Қала және қала маңындағы пәтер	Кірпіш, панель, монолит — 1987 жылдан кейін салынған
Отбасы	Қала және қала маңындағы пәтер, жатақхана	Кірпіш, монолит, блоктар — 1966 жылдан кейін салынған; панель — 1976 жылдан кейін салынған

*Каркас-қамыс үйге ешбір банк несие бермейді

2026 жылғы ипотеканың мөлшерлемесі және басқа шарттары

Altyn Bank

Стандарт/Цифрлық ипотека

Шарттары:

• Мөлшерлеме — 22.3 %-дан бастап (ЖТСМ — 24.9 %-дан бастап).
• Мерзімі — 20 жыл.
• Бастапқы жарна — 20 %.
• Ең жоғары сома — 175 млн тг.

Тұрғын үйге қойылатын талаптар:
Салынған жылы: 1976 жылдан кейін.
Материалы: монолит, панель, кірпіш. Сондай-ақ үйдің қабат санына қатаң талап бар — кемінде 5 қабатты болуға тиіс.
Жатақхана: кредит беріледі.
Орналасқан жері: қаладағы және шекарадан 30 км аспайтын қала маңындағы үй жарамды. Бірақ қала сыртындағы пәтерге ипотека рәсімдегенде бастапқы жарна жоғары — 50 %-ға дейін.

Halyk Bank

Цифрлық ипотека

Ипотеканы 1 % комиссиямен (төмен мөлшерлемемен) немесе комиссиясыз (жоғары мөлшерлемемен) рәсімдеуге болады.
Шарттары:

• Мөлшерлеме — комиссиямен 20.5 % (ЖТСМ — 23%); комиссиясыз 22 % (ЖТСМ — 24.4 %).
• Мерзімі — 20 жыл.
• Бастапқы жарна — 20 %.
• Ең жоғары сома қарыз алушының табысына байланысты.

Тұрғын үйге қойылатын талаптар:
Салынған жылы: кірпіш үй — 1960 жыл, панель үй — 1965 жылдан кеш емес.
Материалы: каркас-қамыс және саман үйлерден басқа кез келгені.
Жатақхана: болады.
Орналасқан жері: қала және қала маңы (өңір бойынша шағынаудандар мен кенттердің тізімін менеджерден аласыз).

Halyk Sale

Halyk Sale бағдарламасы жұмыс істейді. Банктің меншігіндегі (кепілдегі) пәтер мен үйді ипотекаға алуға болады.

Тұрғын үйлерді halykzalog.kz сайтынан көруге болады. Несие шарттары нысанға байланысты, нақты ақпаратты тек банк бөлімшесінен білуге болады.

ЦентрКредит Банкі

Екінші нарықтағы тұрғын үйге ипотеканы екі бағдарлама арқылы рәсімдеуге болады: стандарт ипотека және кепіл ретінде ақша беру — JAÑA ипотека.

#Ипотека (стандарт)

Шарттары:

• Мөлшерлеме — 20.55 % (ЖТСМ — 23.6 %).
• Мөлшерлеме мерзімге байланысты: мерзім ұзарған сайын пайыз жоғары болады.
• Бастапқы жарна 20 % болғанда: 15 жылға — 21.8%, 10 жылға — 21.7%.
• Мерзімі — 15 жыл.
• Бастапқы жарна — 20%.
• Ең жоғары сома:

50 млн тг — Астана мен Алматы үшін;
45 млн тг — Шымкент, Қарағанды, Ақтау, Атырау, Ақтөбе, Өскемен үшін;
30 млн тг — қалған өңірлер үшін.
Бастапқы жарна 30 %-дан жоғары болса — 100 млн тг дейін.

Тұрғын үйге қойылатын талаптар:
Салынған жылы: 2000 жылдан кейін.
Материалы: каркас-қамыстан басқа кез келгені үй, кемінде 5 қабатты болуы керек.
Жатақхана: жоқ
Орналасқан жері: қала ішінде және қала маңында.

JAÑA ипотека

Бұл — ақшаны кепіл ретінде беру арқылы берілетін ипотека: бастапқы жарнаның орнына қарыз алушы тұрғын үй құнының 20 %-дан кем емес бөлігін банктегі «Кепіл-депозитке» (жылына 0.1%) салады.
Ипотека пәтердің толық құнына беріледі. Депозит сомасы негізгі қарызбен теңескенде мерзімінен бұрын өтеу мүмкіндігі бар.

Шарттары:

• Кепіл — 20%.
• Мөлшерлеме — 5 % (ЖТСМ — 6 %), кепіл мөлшері мен мерзімге тікелей байланысты.
• 20% БЖ — 15.45%.
• 30% БЖ — 13.45%.

Пәтер құнының 70 %-ы болғанда және ипотека мерзімі 3 жылдан аспағанда ең төмен (5%) мөлшерлемемен беріледі. Бұл жағдайда банк арқылы жалақы алатын клиент болу қажет.

• Мерзімі — 15 жыл.
• Ең жоғары сома — бастапқы жарна 30%-дан жоғары болса — 100 млн тг, 30 %-дан төмен болса:

50 млн тг — Астана мен Алматы үшін;
45 млн тг — Шымкент, Қарағанды, Ақтау, Атырау, Ақтөбе, Өскемен;
30 млн тенге — қалған өңірлер.

• Тұрғын үйге қойылатын талаптар:

Салынған жылы: 1990 жылдан кейін.
Материалы: каркас-қамыстан басқа кез келгені.
Жатақхана: иә.
Орналасқан жері: қала ішінде және қала маңында.

Нұрбанк

Нұрбанк ипотекалық несиені мынадай шарттармен қайта бастады:

• Мөлшерлеме ипотека мерзіміне байланысты:

— несие мерзімі 5 жылдан аспаса, 20 % (ЖТСМ — 22.9 %);
— несие мерзімі 5 жылдан асса, 21.5 % (ЖТСМ — 24.6 %).

• Мерзімі — 10 жыл.
• Бастапқы жарна — 20%.
• Ең жоғары сома — 70 млн тг.

Тұрғын үйге қойылатын талаптар:
Салынған жылы: 1975 жылдан кейін.
Материалы: кірпіш, панель және монолит.
Жатақхана: жоқ.
Орналасқан жері: қала және қала маңы (50 км).

ForteBank

Кепіл ретінде ақша берсең, ForteBank екінші нарықтағы үйге ипотека береді.

Шарттары:

• Мөлшерлеме — 5 % (ЖТСМ — 5.2 %). Мөлшерлеме кепілдің мөлшеріне тікелей байланысты:

30 % жарна — 15 %;
40 % жарна — 13 %;
50 % жарна — 11 %;
60 % жарна — 8 %;
70 % жарна — 5 %.

• Мерзімі — 15 жыл.
• Бастапқы жарна — 30%.
• Ең жоғары сома — 100 млн тг.

Тұрғын үйге қойылатын талаптар:
Салынған жылы: 1987 жылдан кейін.
Материалы: кез келген.
Жатақхана: жоқ.
Орналасқан жері: қала және қала маңы.

Отбасы банк

Отбасы банк тұрғын үй құрылыс жинақ жүйесі бойынша жұмыс істейді: алдымен депозит ашып, тұрғын үй құнының 50 %-ын жинау қажет. Депозит мерзіміне байланысты екі ипотекалық несие алу мүмкіндігі бар:
Аралық

• Мөлшерлеме — 6 % (ЖТСМ — 6.2%).

Несие алу үшін депозитте тұрғын үй құнының 50 %-ы жиналған болуы керек, Бағалау көрсеткіші 5 болуы қажет және ақша банкте кемінде 3 ай сақталған болуға тиіс. Пайыз пәтердің толық құнына есептеледі. Үш жылдан кейін аралық несие тұрғын үй несиесіне ауысады.

Төмен мөлшерлемемен(3.5—5 %) тұрғын үй несиесін бірден рәсімдеуге болады, бірақ депозиттің ашылғанына 3 жыл болуы керек.

Тұрғын үй

• Мөлшерлеме — 3.5 % (ЖТСМ — 3.6 %).

Тұрғын үй несиесін рәсімдеу үшін депозиттің ашылғанына кемінде 3 жыл болуы керек, ал бағалау көрсеткіші 16-ға тең болуы қажет.

Тұрғын үйге қойылатын талаптар:
Салынған жылы: 1966 жылдан кейін — кірпіш, монолит, бетон блок, 1976 жылдан кейін — панель.
Материалы: каркас-қамыстан басқа кез келгені.
Жатақхана: иә.
Орналасқан жері: қала және қала маңы.

Қанша төлеу керек?

Банк операторларынан төлем сомасы мен жалпы артық төлемді келесі шарттар бойынша есептеуді сұрадық:

• Пәтер құны — 30 млн тг.
• Ипотека мерзімі — 10 жыл.
• Бастапқы жарна — ең төмен.
   

Банк	Мөлш.	Баст. жарн.	Төлем (тг)*	Артық төлем (тг)
Altyn	22.3%	20%	501 000	36 млн
Halyk	20.5%	20%	472 000	32.6 млн
ЦентрКредит	21.7%	20%	479 480	33.5 млн
ЦентрКредит (JAÑA ипотека)	15.5%	20%	472 000	32.6 млн
Нұрбанк	21.5%	20%	488 000	35 млн
Forte	15%	30%	484 000	28 млн
Отбасы  Аралық, кейін тұрғын үй	7.5% 4%	50%	222 000   214 000	8 млн
Отбасы  Тұрғын үй	4%	50%	303 000	6.3 млн

*Бұл шамамен алынған есеп, нақты соманы банк жеке есептейді

Krisha.kz материалын пайдаланғанда бірінші абзацта міндетті түрде сілтеме болуы керек!