Ипотека рәсімдеу үшін еңбекақы қанша болуы қажет, қандай табыс есепке алынады және неге банк жалақы мөлшері жоғары болса да несие бермейді.

Ипотека үшін табыс қанша болуы қажет

Банктердің негізгі талаптары мынадай:
— Ресми табыс болуға тиіс, яғни зейнетақы қорына ақша аударылуы керек.
— Жұмыс өтілі алты айдан кем болмауы қажет.
— Отбасының немесе кепілгердікін қосқандағы жалпы табысы ескеріледі.

Банктер нақты бір табыс мөлшерін талап етпейді. Бірақ қарыз алушының жалақысы банктен алуға болатын несие сомасына әсер етеді. Табыс жоғары болған сайын ипотека сомасы да артады.

Бүкіл жалақыны ипотека төлеу үшін жұмсауға болмайды. Ай сайынғы төлем табыстың жартысынан (некеде болған жағдайда ортақ табыстың жартысынан) аспауға тиіс.

 

Екінші деңгейдегі банктердің ипотекасы

Отбасы банк ипотекасы

Пәтер құны

25 млн тг

25 млн тг

Бастапқы жарна

20 % немесе 5 млн тг

50 % немесе 12.5 млн тг

Қарыз сомасы

20 млн тг

12.5 млн тг

Мөлшерлеме

18 %

7.5-8.5 %

Мерзімі

20 жыл

20 жыл

Төлем

385 900 тг

177 000 тг-ден бастап*

Мин. жалақы

770 000 тг

354 000 тг

* Мөлшерлеме мен төлем мөлшері өзгеріп отырады.

Жалақы неге жеткіліксіз болады

Өтінім бергенде мыналар ескеріледі:

  • Отбасы мүшелері (кәмелетке толмаған балалар бар-жоғы, алимент төлемдері).
  • Қосымша қаржылық жүктемелер. Мысалы, отбасында тек өтінім беруші жұмыс істеп, жұбайы мен балалары оның асырауында болса, банк отбасының жалпы шығынын ескеріп, ай сайынғы төлем жалақының 30 %-ынан аспайтындай сомаға ғана ипотека беруі мүмкін.
  • Басқа несиелер. Ипотекамен бірге ай сайынғы барлық төлем табыстың жартысынан асып кетсе, банк не несие беруден бас тартады, не аз сомаға ипотека рәсімдеуді ұсынады.

Ипотека алуға өтініш бермес бұрын барлық несиені жабуға тырысыңыз. Бұл қаржылық жүктемені азайтады, несие тарихын жақсартады және банктің өтінімді мақұлдау мүмкіндігін арттырады.

Жалақы мөлшері аз болса не істеу керек

Ресми жалақы қалаған соманы алу үшін жеткіліксіз болса, банкке қосымша табыс туралы мәлімет беруге болады. Бұл фриланс арқылы тапқан ақша, жылжымайтын мүлікті жалға беруден түскен пайда, бизнестен түскен кіріс және т. б. болуы мүмкін. Банк растайтын құжат сұрайды, бәрі дұрыс болса, қосымша табысты ресми табыс ретінде есепке алуы ықтимал.

Ресми табыс төмен болған жағдайда ипотека алу мүмкіндігін арттыратын тағы бірнеше тәсіл:

Тәсіл

Нәтиже

Ипотека мерзімін немесе бастапқы жарнаны ұлғайтыңыз

Ай сайынғы төлем төмендейді, шектен аспауға көмектеседі

Арзан баспана таңдаңыз

Қарыз сомасы мен төлем азаяды

Қосымша кепілзат ұсыныңыз немесе табысы жоғары кепілгер шақырыңыз

Банк мөлшерлемені төмендетуі мүмкін, бұл ай сайынғы төлемге әсер етеді

Бастапқы жарна мен мерзімді ұлғайтыңыз

Қарыз сомасы мен ай сайынғы төлем төмендейді

Қазір әр үшінші тұрғын үй сатып алу-сату келісімі ипотека арқылы жасалады.
Соңғы бір жылда айына орта есеппен 10 мың ипотека рәсімделген.
1 наурыздағы жағдай бойынша елімізде 606 мың адам ипотека төлеп жатыр.

2025 жылғы ипотекалық несие шарттары

Алты банк бірінші нарықтағы, тоғыз банк екінші нарықтағы тұрғын үйге ипотека береді.

Стандарт шарттар

  • Екінші деңгейлі банктегі орташа мөлшерлеме — жылына 18 %.
  • Мерзімі — 6 айдан 20 жылға дейін.
  • Бастапқы жарна 15 %-дан басталады.

Серіктестік бағдарламалар
Көптеген банк тиімді шарттармен серіктестік ипотека бағдарламаларын ұсынады: мөлшерлеме 0.1 %-дан басталады. Бірақ бұл ипотеканы тек жаңа құрылыстан (банк ұсынған серіктес құрылыс компанияларының белгілі бір тұрғын үй кешендерінен беріледі) пәтер алу үшін рәсімдеуге болады.

Отбасы банк
Ипотекалық несиелердің жартысынан көбін мемлекеттік Отбасы банк береді.
Несие беру жүйесі ерекше: алдымен қажет соманың 50 %-ын депозитте жинау керек, кейін 3.5 %-дан басталатын мөлшерлемемен ипотека рәсімдейсіз.

Толық ақпаратты мына жерден оқи аласыз:

Жаңа құрылыстарға ипотека — 2025: барлық банктің шарттары
Екінші нарықтағы баспанаға арналған ипотека: барлық банктің шарттары

Krisha.kz материалын пайдаланғанда бірінші абзацта міндетті түрде сілтеме болуы керек!