Қазақстандағы барлық банктің құрылыс компаниясынан сатып алынатын жаңа тұрғын үйге арналған ипотека шарттарын сұрап білдік. Мөлшерлеме, несие мерзімі және жылжымайтын мүлікке қойылатын талаптар қандай екенін анықтаймыз.

Ипотеканы қайда рәсімдеуге болады

Krisha. kz мәліметінше биыл Қазақстанда алты банк жаңа тұрғын үйден пәтер алам деушілерге несие береді:

Altyn Bank,
Halyk Bank,
Банк ЦентрКредит,
Freedom Bank Kazakhstan,
ForteBank,
Отбасы банк.

Нұрбанк тек екінші нарықтағы тұрғын үйді қаржыландырады.
Jusan Bank пен Bereke Bank ипотекалық бағдарламалар ұсынбайды.
Еуразиялық банк ипотеканы тек «7-20-25» мемлекеттік бағдарламасы бойынша береді және қайта қаржыландырумен айналысады.

Қандай бағдарламалар бар

Көптеген банк ипотекалық несиенің бірнеше түрін ұсынады:
— Жеке бағдарламалар (банк әзірлеген).
— Серіктестік бағдарламалар (құрылыс компанияларымен бірлескен).
— «7-20-25» мемлекеттік бағдарламасы.

«7-20-25» бағдарламасының шарттары барлық жерде бірдей:

Бастапқы жарна — 20 %-дан басталады.
Несие мерзімі — 25 жылға дейін.
Мөлшерлеме — жылына 7 %.
Қарыздың ең жоғары сомасы:
Астана, Алматы, Ақтау, Атырау, Шымкент — 25 млн тг.
Басқа өңірлерде — 15 млн тг.

«7-20-25» ипотекасын қалай рәсімдеуге болады?

Өтінімді бағдарламаға қатысушы банктер арқылы бересіз.
Бағдарлама қазір қалай жұмыс істеп жатқанын және қандай мәселелер туындауы мүмкін екенін түсіндірдік.

Жаңа тұрғын үйге арналған ипотека шарттары

Пайыздық мөлшерлеме мен басқа шарттар әртүрлі:
Мөлшерлеме — 0.1-21.5 %, бірақ көбіне орташа 18.5 % мөлшерлемемен несие беріледі.
Ең төменгі бастапқы жарна 0 %-дан басталады, қосымша кепіл болса 20 %-ға дейін жетеді.
Мерзімі — 1-20 жыл.

Маңызды! Қорытынды мөлшерлеме жеке есептеледі. Ол қарыз алушының табысына, бастапқы жарнаға, несие мерзіміне және таңдалған бағдарламаға байланысты.

Жылжымайтын мүлікке қойылатын талаптар

Жеке ипотекалық бағдарлама арқылы көбінесе пайдалануға берілген тұрғын үйдегі пәтерді алуға болады.
Серіктестік бағдарламалар — құрылысы жүріп жатқан тұрғын үй кешенінен пәтер алу мүмкіндігі бар.

Банктердегі ипотека шарттары

Altyn Bank

Бағдарламалар:

«Стандарт ипотека» — 14 %, несие сомасынан 1.99 % комиссиямен немесе комиссиясыз 20 %-дан басталады.
«Цифрлық ипотека» — 14 %, онлайн несие беру және пәтерді рәсімдеу.
«Серіктестік ипотека» — 0.1-18.5 % (BAZIS-A, BI Group, Sensata Group, Orda Invest, Saba Group KZ, Hayat Construction, «Каз Строй Монолит» және т. б. құрылыс компанияларымен серіктестік). Мөлшерлеме бастапқы жарнаға байланысты.
«7-20-25» мемлекеттік бағдарламасы.

Ең жоғары сома: 175 млн тг.
Талаптар: қосымша кепілмен дайын немесе салынып жатқан тұрғын үй кешені.
Кепіл: пәтер немесе үйді кепілге қою қажет. Объект қала шегінде болуға тиіс.

Halyk Bank

Бағдарламалар:

«Цифрлық ипотека» — 17.5 % (1 % комиссиямен) немесе 18.5 %-дан басталады (комиссиясыз).
Серіктестік бағдарламалар — 0.1-15.5 % (BI Group, BAZIS-A компанияларымен серіктестік). Бастапқы жарна жоғары болған сайын мөлшерлеме төмендейді.
«7-20-25» мемлекеттік бағдарламасы.

Ең жоғары сома: қарыз алушының табысына байланысты.
Талаптар: ҚТК кепілдігі бар дайын немесе салынып жатқан тұрғын үй кешеніндегі пәтер.
Halyk Bank-тың серіктестік бағдарламалары:

BI Group ипотекасы

Мөлшерлеме: 0.1–15.5 %.
Бастапқы жарна: 20 %-дан басталады.
Мерзімі: 20 жылға дейін.
Комиссия: жоқ.
Объектілер: әртүрлі қаладағы 80-ге жуық тұрғын үй кешені (толық тізім банк сайтында).

BAZIS-A ипотекасы

Комиссиямен (1 %): мөлшерлеме 17.5 %.
Комиссиясыз: мөлшерлеме 18.5 %.
Бастапқы жарна: 20 %-дан басталады.
Мерзімі: 20 жылға дейін.
Объектілер: Алматыдағы екі тұрғын үй кешені (мақаланы жариялау сәтіндегі ақпарат).

Банк ЦентрКредит

Бағдарламалар:

«Ипотека» және «Ипотека Плюс» — 17.5 % (комиссия 2 %).
Ипотека ҮҚШ (үлестік қатысу шарты) — 17.5 %.
Серіктестік ипотека — 5-18.5 % (730-дан астам құрылыс салушымен жұмыс істейді).
«7-20-25» мемлекеттік бағдарламасы.

Ең жоғары сома: 100 млн тг.
Талаптар: дайын немесе салынып жатқан аккредиттелген тұрғын үйдегі пәтер.

«Ипотека» мен «Ипотека Плюстің» айырмашылығы

Бағдарламалар бір-біріне ұқсайды, тек «Стандарт ипотека» бойынша комиссия 2 %.
Шарттары:
Мөлшерлеме: 17.5 %.
Бастапқы жарна: 20 %.
Мерзімі: 15 жылға дейін.
Ең жоғары сома: 25–100 млн тг (аймаққа байланысты).

Банк бастапқы жарна орнына қосымша кепіл ретінде құны бірдей жылжымайтын мүлік қабылдайды.

Баспанаға қойылатын талаптар: тек пайдалануға берілген тұрғын үй кешеніндегі пәтерлер.

Freedom Bank Kazakhstan

Бағдарламалар:

«Цифрлық ипотека» — 17 %.
Каскадты ипотека — 8.5 % (мөлшерлеме уақыт өте өзгереді).
«7-20-25» мемлекеттік бағдарламасы.

Ең жоғары сома: 70 млн тг.
Талаптар: тек серіктес құрылыс салушылардың тұрғын үй кешендері (шамамен 70 тұрғын үй кешені) жарамды. Тізімі банк сайтында жарияланады.

Каскадты ипотека деген не
Ерекшелігі — несие бойынша мөлшерлеме бүкіл мерзім ішінде өзгеріп отырады. Бастапқыда ең төменгі мөлшерлемемен беріледі, кейін көтеріледі. Бұл ипотеканы қысқа мерзімге рәсімдеу тиімді, өйткені несие мерзімі қысқарған сайын мөлшерлеме мен артық төлем азаяды.

ForteBank

Бағдарламалар:

Жеке ипотека — 17.5 %.
«7-20-25» мемлекеттік бағдарламасы.

Ең жоғары сома: 200 млн тг.
Талаптар: тек пайдалануға берілген тұрғын үй кешеніндегі пәтер.

Отбасы банк

Отбасы — тұрғын үй құрылыс жинақ жүйесімен жұмыс істейтін мемлекеттік банк және барлық мемлекеттік жеңілдікті бағдарламаның операторы. Ол өзінің жеке ипотекалық бағдарламаларын да ұсынады. Бұлардың басым бөлігі жаңа тұрғын үйлерге бағытталған.
Отбасы банк ипотекалары:

«50/50» — бастапқы жарна 50 %.
«30/70» — бастапқы жарна 30 %.
«Өз үйім» — бастапқы жарна 20 %. Талаптар: дайын немесе үлестік қатысу шартымен салынып жатқан тұрғын үй кешеніндегі пәтер.

Отбасы банктегі ипотеканың айырмашылығы
Екінші деңгейлі банктерден айырмашылығы — Отбасы банк жеңілдікті мөлшерлеме ұсынады, бірақ несие алу үшін депозит ашып, ақша жинайсыз. Бағдарламаға байланысты пәтер құнының 50 %, 30 % немесе 20 %-ы болуы керек.
Ипотека рәсімдеу үшін депозит ашу қажет. Сыйақы — 2 %. Оған қоса жыл сайын мемлекет сыйақы береді.

Аралық несие
Депозитте тұрғын үй құнының 50 %-ы жиналса және ақша банкте кемінде 3 ай жатса беріледі.
Үш жылдан кейін аралық несие тұрғын үй несиесіне ауысады.
Депозиттің ашылғанына 3 жыл болса, 3.5-5 %-ға дейінгі мөлшерлемемен бірден тұрғын үй несиесін рәсімдеуге болады.
Мөлшерлеме — пәтердің толық құнына 6-10 %.
Ең жоғары мерзім — 3 жыл.

Тұрғын үй несиесі

Шарттары:
— Мөлшерлеме — қалған қарызға 3.5-5 %.
— Ең жоғары мерзім — 25 жыл (қарыз алушының бағалау көрсеткішіне байланысты).

Баспанаға қойылатын талаптар: пайдалануға берілген немесе ҚТК кепілдігімен салынып жатқан тұрғын үй кешеніндегі пәтер.
Алдын ала қарыз да бар, бірақ оны тек Отбасы банктің бағдарламаларына және «Өз үйім» бағдарламасына қатысушылар ала алады.

«Өз үйім» бағдарламасы

Шарттары:
— Бастапқы жарна — 20 %.
— Мөлшерлеме — 6-дан 3.5 %-ға дейін төмендейді.
— Ең жоғары сома — 100 млн тг.

Баспанаға қойылатын талаптар: дайын немесе үлестік қатысу шарты бар тұрғын үй кешеніндегі пәтер. Құрылыс салушыда ҚТК кепілдігі болуы керек. Пәтерді банк сайтынан таңдауға болады.

«30/70» бағдарламасы

Шарттары:
— Бастапқы жарна — 30 %.
— Мөлшерлеме — 7-ден 4 %-ға дейін төмендейді.

Баспанаға қойылатын талаптар: Отбасы банкпен арнайы келісім жасаған құрылыс салушының тұрғын үй кешенінен пәтер сатып алуға болады.

Екінші нарықтағы пәтерге арналған ипотекаларға шолу жасадық:

Екінші нарықтағы баспанаға арналған ипотека: барлық банктің шарттары

Krisha.kz материалын пайдаланғанда бірінші абзацта міндетті түрде сілтеме болуы керек!

Операцияны орындау барысында қате пайда болды. Кейінірек байқап көріңіз.