Кезекте тұрғандар үшін жақсы жаңалық. Отбасы банк маңызды шешім қабылдады. Енді кезекте тұрған адамның басқа мүлікте үлесі болса, жеңілдікті ипотека рәсімдей алады немесе жалдамалы тұрғын үй ала алады.
Пәтерде үлесіңіз болса, кезектен шықпайсыз.

Отбасы банк жаңа ереже биыл ақпаннан бастап қолданысқа енеді деп хабарлады.

Бұрын қалай еді?

Кезектегілерге қойылатын басты талап — соңғы 5 жылда жеке мүлкі болмау және бұрын бұл талап үлесі барларға да қатысты еді.
Көбінесе адамдарда пәтерде немесе үйде шағын үлесі болады. Мысалы, ата-анасының атында, бірақ өздеріне тиесілі тұрғын үй жоқ.

Не өзгерді?

Отбасы банкке көп өтінім түсті және ол мемлекет қолдау көрсетсе пәтерде немесе үйде үлесі бар тұрғындарды кезектен шығармай тұруға шешім қабылдады.
«Енді адамның тұрғын үйде үлесі болса және ол кезекте тұрса, мемлекеттен көмек ала алады. Бұл — банктің бастамасы, өйткені заңды түрде бұл мәселе әлі дайын емес», — деп Отбасы банктің хабарламасында жазылған.

Үлесі барлар неге үміттене алады?

Кезекте тұрғандар мыналарға үміт ете алады:

  • Отбасы банктің жеңілдікті ипотекасы (кезектегінің категориясына қарай 2%-дан басталатын мөлшерлеме);
  • кейін сатып алу немесе алмау құқығы бар жалға берілетін тұрғын үй (айына шамамен 15 000 тг болатын жалға алу ақысы + коммуналдық төлем).

Әзірге жаңа өтінім берушінің тұрғын үйдегі үлесі кезекке тұруға кедергі бола ма, белгісіз.
Krisha.kz Отбасы банктен түсіндірме алған соң қосымша ақпарат береді.