Зейнетақы қорындағы ақшаны Отбасы банктегі ипотеканы жабу үшін қайта пайдалануға болады.
Бұл қызмет бір айдан астам уақыт істемей тұрды. 2026 жылғы 31 қаңтардан бастап Отбасы банктегі ипотеканы зейнетақы қорындағы қаражатпен ішінара және толық мерзімінен бұрын өтеу уақытша тоқтаған еді. Осы уақыт ішінде enpf-otbasy.kz платформасы өтінімдер қабылдамады.

Бүгін, 2 наурызда, бұл функция қайта іске қосылды.

Зейнетақы қорындағы ақшамен мерзімінен бұрын өтеу неге тоқтады

Зейнетақы қорындағы қаражатпен ипотеканы өтеудің жаңа ережесі пайда болды. Оны Өнеркәсіп және құрылыс министрінің міндетін атқарушы бекітті.

Бұрын зейнетақы қорындағы артық қаражаты пайдаланып, ішінара мерзімінен бұрын өтеу кезінде ипотеканың ай сайынғы төлемін (негізгі қарыз бен пайызды) толық жабуға болатын.
Біржолғы зейнетақы төлемі ай сайынғы төлемнен асып кетсе, қалған сома негізгі қарызды азайтуға бағытталатын.
Енді зейнетақы жинағын тек негізгі қарызды өтеуге пайдалануға болады. Пайыз бен басқа да міндетті төлемді өз қаражатыңыздан төлейсіз.

Банк платформаны және мобильді қосымшаны жаңа талаптарға бейімдеу үшін бір айдан астам уақыт жұмсады.

Енді ипотеканы зейнетақы қорындағы ақшамен қалай өтеуге болады

Төлем кестесінен ай сайынғы төлем сомасын қараңыз, онда негізгі қарыз бен пайыздар жазылады.

Алдымен пайыз бен басқа міндетті төлемді өзіңіз төлеуіңіз керек.
Кейін зейнетақы қорындағы қаражат негізгі қарызды өтеуге бағытталады.

Ол үшін Отбасы банктегі ағымдағы және арнайы шоттарда жеке қаражатыңыз болуы қажет.

Толығырақ: Зейнетақы жинағымен ипотека төлеу — Отбасы банк жаңа ережені түсіндірді

Мысалы:
Ипотека бойынша ай сайынғы төлем — 74 825 теңге, оның ішінде:

  • пайыз — 6175 тг;
  • негізгі қарыз — 65 699 тг.

Қолжетімді зейнетақы сомасы 100 000 теңге делік.
Алдымен өз қаражатыңыздан 6 175 теңге (пайыз) төлейсіз.
Кейін зейнетақы қорындағы ақшаны негізгі қарызды (65 699 теңге) өтеуге болады.
Қалған 34 301 теңге негізгі қарызды азайтуға бағытталады.

Маңызды: ай сайынғы төлемді өтеу үшін зейнетақы қорындағы ақшаны шешкенде алынатын жинақ сомасы төлем мөлшерінен кемінде 1 тиынға артық болуға тиіс.

Қызық болуы мүмкін:
Кезекте тұрғандарға арналған пәтер: Отбасы банк талаптарды қатаңдатады