Қазақстанда ипотека рәсімдеу үшін ресми табыс қажет. Банктер соңғы алты айдағы жалақыңыз бен зейнетақы қорына аударымды тексереді.

Бірақ ескеретін жайт бар. Біз банктерге хабарласып, қазір ресми табысты растамай-ақ қай банктерден ипотека алуға болатынын анықтадық.

Ипотека үшін ресми табыс — міндетті зейнетақы жарнасы түсетін тұрақты табыс. Банктер қарыз алушының төлем қабілетін бағалау үшін БЖЗҚ-да соңғы алты айдағы зейнетақы қорына аударымды тексереді.

Табыс туралы анықтамасыз қай банктерден ипотека алуға болады

  • Altyn Bank: табысты растау қажет емес, бастапқы жарна — 50%, мөлшерлеме 18%-дан басталады.
     
  • Bereke Bank: табысты басқа банктердің шотындағы үзінді көшірме мен ақша айналымы арқылы жанама түрде растауға болады. Бастапқы жарна — 20%, мөлшерлеме 21.7%-дан басталады.
     
  • ЦентрКредит Банкі: «Депозит-кепілдік» салымын рәсімдеген жағдайда табыс туралы анықтама керек емес. Депозитте тұрғын үй құнының кемінде 50%-ы болуға тиіс.

Жанама табысқа мыналар жатады: банк шотынан үзінді көшірме, шоттардағы ақша айналымы, жалға беруден түсетін табыс.

Қай банктерде табысты міндетті түрде растау қажет

Мына банктер ресми табыс пен зейнетақы қорына аударымды міндетті түрде сұрайды:

  • Halyk Bank,
  • Freedom Bank Kazakhstan,
  • Нұрбанк.

Отбасы банк табысты стандарт рәсім бойынша тексереді. Алайда кейбір салымшы скорингтен өтпей-ақ несие ала алады. Ол үшін банкте кемінде үш жыл ақша жинап, бағалау көрсеткіші 16-ға жетуі қажет.

Ипотекаға қатысты өзгерістер қандай

1 шілдеден бастап ипотекалық несие бойынша жаңа шектеу болмайды. Бұл туралы Krisha.kz-ке Қазақстан Ұлттық Банкі мен Қаржы нарығын реттеу және дамыту агенттігі хабарлады.

Қазір борыштық жүктеме коэффициенті (БЖК) бар. Осы талапқа сәйкес қарыз алушының барлық несие бойынша ай сайынғы төлемі оның табысының 50%-ынан аспауға тиіс.

2027 жылғы 1 қаңтардан бастап не өзгереді:

  1. Табысқа шаққандағы қарыз коэффициенті (ТҚК) пайда болуы мүмкін. 
    Бұл көрсеткіш ай сайынғы төлемді ғана емес, қарыз алушының жалпы берешегінің оның табысына қатынасын да ескереді. 
    Толығырық — Қазақстан билігі несиеге лимит қояды
     
  2. Ипотека бойынша ЖТСМ шегі өзгереді. 
    Ол бастапқы жарна көлеміне байланысты өзгереді. Жарна 30% болса, ЖТСМ 20%, 20% болса, ЖТСМ 25% болады .
    Бұл қалай болатынын мына сілтеме арқылы көре аласыз

Пайдалы материалдар:
1 %-дық ипотека: астарында не жатыр
Тұрғын үй кезегі: кім пәтер алады және неге кезек ретімен жүрмейді