Жер үйге арналған ипотека – 2025: барлық банктің шарттары
Қазақстанда қандай банк жер үй алатындарға несие беретінін білдік. Үйге қойылатын талаптар, мөлшерлемелер мен несие мерзімдері.
Қай банктерде ипотека рәсімдеуге болады
Жеті банк несие береді:
- Halyk.
- Банк ЦентрКредит.
- ForteBank.
- Нұрбанк.
- Қазақстандағы Қытай банкі.
- KZIBank.
- Отбасы банк.
Жер үйге мына банктер несие бермейді:
- Еуразиялық банк.
- Altyn Bank.
- Freedom Bank Kazakhstan.
Еуразиялық банк қазір тек «7-20-25» мемлекеттік бағдарламасы бойынша ипотека рәсімдейді және бұрын алынған ипотекалық несиелерді қайта қаржыландырумен айналысады.
Altyn Bank-те жер үй сатып алуға арналған ипотекалық бағдарлама жоқ. Тек мүлікті кепілге қойып несие рәсімдеуге болады.
Freedom Bank Kazakhstan тек бірінші және екінші нарықтағы пәтерге несие береді.
Ипотекаға қандай үй жарамды
Банктердің негізгі талаптары — үйдің салынған жылы, құрылыс материалы және орналасқан жері.
Көптеген банкте мынадай жер үй жарамды:
- салынғанына 50 жылдан аспайтын (1975 жылдан кейін салынған);
- материалы: кірпіш, монолит;
- орналасқан жері: қалада және қала маңында. Қаладан алыс ауылдарды қарастырмайды.
Барлық банк қала сыртындағы жылжымайтын мүлікті кепілге ала бермейді. Аудан, ауыл және елді мекеннің нақты тізімін банк кеңесшісінен алдын ала анықтап алған дұрыс.
Ипотекаға жарамайтын үйлер
- саман;
- каркас-қамыстан жасалған;
- контейнерден жасалған;
- саяжай.
Тізімдегі банктердің ешқайсысы мұндай үйге ипотека бермейді.
Банктер саяжайда, яғни бау-бақша серіктестігінде және сол секілді жерлерде салынған үйге ипотека рәсімдемейді. Толыққанды үй бола тұра жер телімі бау-бақша шаруашылығына арналған болса, банк несие беруден бас тартады.
Ипотекаға жарамды үйлер мынадай жер телімінде орналасуы керек:
- ЖТҚ — жеке тұрғын үй құрылысына арналған жер;
- ЖҚШ — жеке қосалқы шаруашылық жүргізуге арналған жер.
Таунхаусты ипотекаға алуға бола ма
Банктер таунхаус сатып алуға несие бере бермейді.
Жер телімі иесінің меншік құқығында (мемлекеттік актіде көрсетіледі) болуға тиіс. Жер жалға алынған болса (уақытша пайдалану құқығында), банктердің көбі мұндай нысанды кепіл ретінде қабылдамайды. Несие алушы қосымша кепілзат ұсынса (құны бірдей мүлік), банк несие беруі мүмкін.
Екінші талап — жер көлемі.
Таунхаус немесе коттедж қалашығындағы үйді несиеге алу үшін жер телімінің ауданы кем дегенде 2 сот. болуы керек. Одан аз болса ипотека берілмейді.
Жер үйге арналған ипотека: банктердің шарттары
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Halyk
Шарттары:
- Мөлшерлеме — 21 %-дан басталады.
- Мерзімі — 20 жылға дейін.
- Бастапқы жарна — 20 %-дан басталады.
Жер үйге қойылатын талаптар
Материалы:
- кірпіш үй — 1960 жылдан бастап;
- монолит, панель, бетон — 1960 жылдан бастап;
- ағаш, жылыблок — 2000 жылдан ерте болмауы керек.
Орналасқан жері: қала және қала маңы.
Банк ЦентрКредит
Шарттары:
- Мөлшерлеме — 18.5 %-дан басталады.
- Мерзімі — 15 жылға дейін.
- Бастапқы жарна — 20 %-дан басталады.
Ипотека мөлшерлемесі бастапқы жарна мен несие мерзіміне байланысты есептеледі. Клиент бастапқы жарна ретінде 20 % төлеп, 10 жылға рәсімдесе, онда жылдық мөлшерлеме 19.5 % болады. Ипотека мерзімі 10 жылдан асса, мөлшерлеме 20 %-ды құрайды.
Бастапқы жарна 50 % және одан жоғары болған жағдайда, несие мерзімі 10 жылдан аспаса мөлшерлеме 18.5 %-ға төмендейді.
Жер үйге қойылатын талаптар
Материалы:
- кірпіш;
- монолит;
- блок;
- ағаш және шпал үй де жарамды.
Салынған жылы:
- 1974 жылдан ерте болмауы керек.
Орналасқан жері: қала және қала маңы.
ForteBank
Шарттары:
- Мөлшерлеме — 17.5 %-дан басталады.
- Мерзімі — 20 жылға дейін.
- Бастапқы жарна — 30 %-дан басталады.
Жер үйге қойылатын талаптар
Кірпіш үй 1958 жылдан кейін салынған болуы керек.
Орналасқан жері: қала және қала маңы.
Нұрбанк
Шарттары:
- Мөлшерлеме — 19.5 %-дан басталады.
- Мерзімі — 20 жылға дейін.
- Бастапқы жарна — 30 %-дан басталады.
Жер үйге қойылатын талаптар
Материалы:
- кірпіш;
- монолит, бетон.
Салынған жылы:
- 1975 жылдан ерте болмауы керек.
Орналасқан жері: қала.
Қазақстандағы Қытай банкі
Шарттары:
- Мөлшерлеме — 23 %-дан басталады.
- Мерзімі — 7 жылға дейін.
- Бастапқы жарна — 50 %-дан басталады.
Жер үйге қойылатын талаптар
Материалы:
- кірпіш,
- монолит,
- бетон,
- блок.
Салынған жылы:
- 1985 жылдан ерте болмауы керек.
Орналасқан жері: қала және қала маңы (20 км радиустағы (Алматы) аудан, Астана мен Ақтөбеде 10 км-ден аспауы керек.).
KZIBank
Шарттары:
- Мөлшерлеме — 21 %-дан басталады.
- Мерзімі — 5 жылға дейін.
- Бастапқы жарна — 20 %-дан басталады.
Жер үйге қойылатын талаптар
Материалы:
- кірпіш,
- монолит,
- газоблок.
Салынған жылы:
- 1975 жылдан ерте болмауы керек.
Орналасқан жері: қала, қала маңы және облыс.
Отбасы банк
Отбасы банк — тұрғын үй құрылыс жинақ жүйесі бойынша жұмыс істейтін мемлекеттік банк.
Ипотека рәсімдеу үшін алдымен депозит ашып, оған тұрғын үй құнының 50 %-ын жинау қажет. Банк депозит бойынша 2 % сыйақы береді және мемлекет жылына бір рет сыйақы қосады.
Толық соманы салуға болады, оның ішінде зейнетақы жинағының артық сомасын да аударуға мүмкіндік бар, бірақ қаражат шотта кемінде 6 ай жатуы керек.
Қарыздың екі түрі бар:
Аралық
— Мөлшерлеме — 6-10 %.
— Ең ұзақ мерзім — 3 жыл.
Ол үшін депозитте тұрғын үй құнының 50 %-ы жиналуы керек. Ақша шотта кемінде 3 ай жатуға тиіс.
Үш жылдан кейін аралық несие тұрғын үй несиесіне ауысады.
Егер депозит ашылғанына кемінде 3 жыл болса, тұрғын үй несиесін төмен мөлшерлемемен (3.5-5 %) рәсімдеуге болады.
Тұрғын үй несиесі
— Мөлшерлеме — 3.5-5 %.
— Ең ұзақ мерзім — 25 жыл (салымшының бағалау көрсеткішіне байланысты).
Отбасы банк несиесінің тағы бір ерекшелігі: аралық несие кезінде пайыз бүкіл сомаға, оның ішінде қарыз алушы депозитінде жинаған қаражатқа да қосылады. Соған қарамастан, Отбасы банктегі мөлшерлеме екінші деңгейлі банктерге қарағанда төмен, сондықтан артық төлем аз болады. Тұрғын үй несиесіне ауысқаннан кейін банк тек қарыз сомасына сыйақы қосады.
Екінші деңгейлі банк пен Отбасы банктің ипотекасы бойынша артық төлемді есептедік:
Кәдімгі ипотека немесе Отбасы банк: қайта қаржыландыру тиімді ме
Жер үйге қойылатын талаптар
Материалы:
- бетон, монолит, газбетон, көбікбетон, темірбетон, керамзитбетон үй — 1965 жылдан бастап;
- кіріпіш, жылыблок, тас блок үй — 1965 жылдан бастап;
- ағаш (қырлы бөрене, қима, бөрене), ағашбетон — 1995 жылдан бастап.
- қабырғасы балшықтан жасалған үй — 2000 жылдан бастап.
Орналасқан жері: қала, қала маңы және облыс.
Krisha.kz-те пәтерге арналған ипотека туралы шолуды оқыңыз:
Жаңа құрылыстарға ипотека — 2025: барлық банктің шарттары
Екінші нарықтағы баспанаға арналған ипотека: барлық банктің шарттары
Krisha.kz материалын пайдаланғанда бірінші абзацта міндетті түрде сілтеме болуы керек!