Зейнетақы жинағының жеткілікті шегін көтеру туралы шешім мамырда қабылдануы мүмкін.

Бұл туралы үкіметтегі брифингте Еңбек және халықты әлеуметтік қорғау министрі Асқарбек Ертаев мәлімдеді:
— Біз бұл өзгерісті жақында қабылдаймыз деп жоспарлап отырмыз. Келесі айда қабылдауымыз ықтимал.

Зейнетақы жинағының жеткілікті шегі — бұл халықтың болашақ зейнетақысы үшін шотында қалуға тиіс және алынбайтын ең төменгі сома.

Шек нақты қалай көтерілетіні әзірге белгісіз. Бұл мәселені әлі мемлекеттік органдар талқылап жатыр.

— Біз қаулы жобасын екі рет жолдадық. Алғашқысында шекті болжамды инфляция деңгейіне қарай арттыруды ұсындық. Бұған мемлекеттік органдар басқа есептеу әдістемесін, яғни категория бойынша арттыруды (зейнетақы аннуитеті үлгісімен. — Ред. ескертпесі) ұсынды. Қазір ұсынысты күтіп отырмыз. Содан кейін бір формуланы таңдап, жобаға енгізіп, соңғы келісім алуға жібереміз, — деді спикер.

Үкімет бұл арқылы зейнетақы жинағын сақтап, болашақта зейнетақы төлемін ұлғайтуды көздеп отыр.

Жеткілікті шек биыл 1 қаңтардан бастап әр жас үшін орта есеппен 10 % өсті. Бұған дейін үш жыл бойы, 2023-тен 2025 жылға дейін бұл сома өзгермеген еді.

Пайдалы материалдар:
Зейнетақы жинағының жеткілікті шегі өседі: есеп қалай өзгереді
Зейнетақы жинағының жеткілікті шегі өседі: қордағы ақшаны алу қиындайды
Жалға берілетін тұрғын үй бағдарламасының ережесі қатаңдады
Қазақстанда жаңа су есептегіш пайда болды
2026 жылы тегін жер телімі: 10 сұрақ пен жауап