Жалға алу құнының 50 %-ын өтейтін мемлекеттік бағдарламаның ережесі өзгерді.

Мақсат — қосалқы жалгерлік пен жалған схемаларды жою, яғни субсидияны тек шынымен жалға берілетін үйде тұратын адамдарға беру.

Жалға алу төлеміне субсидия беру деген не

Бұл бағдарлама 2022 жылдан бері жұмыс істейді. Мемлекет жалға алу ақысының 50 %-ын төлейді. Субсидияны тек мына категориядағы азаматтар ала алады:

  1. көпбалалы отбасылар;
  2. жетім балалар;
  3. I және II топтағы мүгедектер;
  4. мүгедек балалары бар отбасылар.

Жыл сайын шамамен 10 000 отбасы көмек алады. Бағдарламаның операторы — Отбасы банк. Үшжақты келісімшарт жасалады: банк, жалға алушы және тұрғын үй иесі.
Субсидияға өтінішті кез келген уақытта otbasybank.kz сайты арқылы беруге болады

Не өзгерді

1. Барлығы цифрлық форматқа көшті.

Енді өтініш беруден бастап тексеруге дейінгі барлық процесс цифрлық жүйе арқылы жасалады:

  • өтініш онлайн беріледі;
  • деректер мемлекеттік базалар арқылы автоматты түрде тексеріледі;
  • барлық әрекет жүйеде сақталады.

2. Тұрғын үй тексерісі тұрақты болады.

Әкімдіктер тоқсанына бір рет тексеріс жүргізе алады:

  • субсидия алушы шынымен сол мекенжайда тұра ма;
  • бөгде адамдар жоқ па;
  • пәтер қайта жалға берілмеді ме.

3. Ереже бұзғандарға арналған қатаң мерзімдер.

Пәтерде бөгде адамдар тұрса, жағдайды түзетуге 3 күн беріледі. Субсидия алушы өзі сол жерде тұруға тиіс.

Жалға алушы талаптарды орындамаса немесе қайта ереже бұзса:

  • субсидия тоқтайды;
  • оны қайта алуға болмайды.

4. Туыстардан жалға алуға тыйым салынады. 

Бұрынғыдай туыстан және жұбайдан (ажырасқан болса да) тұрғын үй жалға алуға болмайды.

Енді талапты бұзған жағдайда жаза қолданылады, субсидия тоқтайды, қалпына келтіре алмайсыз.

Өзгерістердің көп бөлігі биыл 12 шілдеден бастап күшіне енеді, ал әкімдік тексерісті 28 сәуірде бастайды.

Пайдалы материалдар:
Зейнетақы жинағының жеткілікті шегі өседі: қордағы ақшаны алу қиындайды
2026 жылы тегін жер телімі: 10 сұрақ пен жауап