Ақтауда «Сатып алу құқығымен жалға берілетін тұрғын үй» бағдарламасы бойынша өтінім қабылдау басталды. Оператор — Қазақстан тұрғын үй компаниясы (ҚТК).

Өтінім қабылдау күні: 12 мамыр 09:00-ден 25 мамыр 17:00-ге дейін (қоса алғанда). Мекенжай: Ақтау қ., 4-ықшамаудан, 72-ғимарат, Азаматтарды қабылдау орталығы.

Бағдарлама туралы

ҚТК-ның сатып алу құқығымен жалға беру бағдарламасы Қазақстанда 2014 жылдан бері жұмыс істейді. Тұрғын үй саны көп емес. 2025 жылы 420 пәтер берілген.

Биыл 11 қаладан 686 пәтер беріледі. Олардың ішінде Сарань, Екібастұз, Түркістан, Қонаев, Тараз, Ақтөбе және т.б. қалалар бар.

Бағдарлама шарттары

  • Тұрғын үй түрі: сатып алу құқығымен жалға берілетін баспана.
  • Бастапқы жарна керек емес.
  • Ақтаудағы жалға алу құны: 1 ш.м үшін 2490 теңге (басқа қалаларда әртүрлі).
  • Жалға алу мерзімі: 20 жылға дейін.
  • Мерзім аяқталғанда пәтер жалға алушының меншігіне өтеді.
  • Қалған құнын төлеп, мерзімінен бұрын сатып алу мүмкіндігі бар
  • Сыйақы мөлшерлемесі: жылына 3.1%.

Кім қатыса алады

Ақтауда тұрғын үй кезегінде тұрған барлық категориядағы Қазақстан азаматы мен қандас қатыса алады.

Пәтерлер қайда

Ақтау қ., 29а шағынауданы, 170, 171, 172, 173 үйлер (Adal Town ТҮК).

Жалпы саны 86 пәтер:

  • бір бөлмелі — 46;
  • екі бөлмелі — 17;
  • үш бөлмелі — 23.

Жалға алу құны

  • Бір бөлмелі: 37.3–49.4 ш. м, 92 886–123 018 теңге.
  • Екі бөлмелі: 60.6–61.7 ш. м, 150 909–153 648 теңге.
  • Үш бөлмелі: 84.4–85.2 ш. м, 210 176–212 168 теңге.

Қатысушы жалға алу ақысын төлейді, 20 жылдан кейін пәтер толық жеке меншігіне өтеді.

Қалай өтінім беруге болады

Өтінім 4-ықшамаудан, 72-үйдегі Азаматтарды қабылдау орталығында қабылданады.

Өтінім беру нұсқаулығын мына жерден көру болады.

Анықтама телефоны: +7 (7172) 79-75-75 (ішкі 2791, 2789, 2783, 2786).
Жедел желі: 8 (800) 080-44-48.

Пайдалы материалдар:
Қазақстандағы тұрғын үй кезегі: сұрақтарға жауап
1 шілдеден бастап ипотеканың ең жоғары мөлшерлемесі 20%-ға дейін төмендейді