enpf-otbasy.kz платформасы 30 қаңтардан 31 қаңтарға қараған түннен бастап 2026 жылдың 2 наурызына дейін зейнетақы жинағы есебінен ипотеканы ішінара және толық өтеу бойынша өтінім қабылдауды тоқтатады.

Ипотека бойынша төлеміңіз осы кезеңге түссе, оны өз қалтаңыздан толық төлейсіз.

Ипотеканы зейнетақымен өтеудің жаңа ережесі пайда болғандықтан өтінім қабылдау тоқтады.

Енді зейнетақымен тек негізгі қарызды жабуға болады, ал пайыз бен басқа төлемді қарыз алушы өзі төлеуге тиіс.

Толық ақпарат: Зейнетақы жинағымен ипотека төлеу — Отбасы банк жаңа ережені түсіндірді

Платформа мен мобильді қосымшаны осы өзгерістерге бейімдеу үшін Отбасы банк ипотеканы мерзімінен бұрын өтеу бойынша өтінімді уақытша қабылдамайды.

Банк 30 қаңтарға дейін берілген өтінімдерді ескі ереже бойынша қарайды.

Тұрғын үй жағдайын жақсарту үшін зейнетақы жинағын пайдаланудың басқа мақсаттары бұрынғыдай қалады. Өтінім қабылдау тоқтамайды.