Үкімет 2035 жылға дейін 51 көпқабатты тұрғын үйдің сейсмотұрақтылығын арттырады, ерте ескерту жүйесін көбейтеді, жаңа оқу орталықтарын ашады.
Бұл туралы мегаполистің жұмылдыру дайындығы, аумақтық және азаматтық қорғаныс басқармасының басшысы Ерік Жұмабай түсіндірді.

Тұрғын үйлер мен әлеуметтік объектілер жөнделеді

Қалада сейсмотұрақтылықты арттыру жөніндегі жоспарды іске асыру басталды.
2035 жылға дейін:

  • сейсмотұрақтылығы талапқа сай емес 51 үйдің беріктігі артады;
  • коммуналдық меншіктегі 82 объектілер (мектеп, балабақша және басқа әлеуметтік мекеме) тексерістен өтіп, қажет болған жағдайда жөнделеді.

Қала билігі жеке меншік ғимараттардың сейсмикалық қауіпсіздігін арттыру үшін иелерімен жұмысты жалғастырады.

Үйлердің нақты мекенжайы белгісіз. Бұл ақпаратты әкімдіктен сұрадық.

Ескерту станцияларының саны артады

Қазір Алматыда жер сілкінісі туралы ескертетін 30 станция жұмыс істейді. Тағы 40 станция қалалық жүйеге қосылып жатыр.

Олар дабыл сиреналарымен және Mass Alert сервисімен біріккен. Төтенше жағдай болған жағдайда тұрғындардың ұялы телефонына бірнеше секунд бұрын хабарлама барады.

Қабылдау пункті салынады

Алматының барлық ауданында халықты қабылдауға арналған 384 пункт дайын.
Былтыр билік 20 мың адам сыятын 100 модульдік ғимарат орнатты. Биыл тағы 50 салынады. Бір мезетте 30 мың адамды қабылдауға мүмкіндік туады.

Қабылдау пунктіі шатыр, генератор, асхана және тіршілікті қамтамасыз етуге қажет құралдармен жабдықталады.

Екі жаңа орталық ашылады

Алматыда екі жаңа жоба іске қосылады.

  • Біріншісі — Қазақстан—Қытай жер сілкінісін зерттеу орталығы. Мұнда мамандар сейсмикалық қауіпті зерттейді.
  • Екіншісі — оқу орталығы. Онда тұрғындар арнайы құрылғы көмегімен жер сілкінісі, өрт және басқа төтенше жағдай кезінде қалай дұрыс әрекет ету керегін үйренеді.

Пайдалы материалдар:
Алматыда ПИК қызметінің тарифі екі есе өсті
Қазақстанда табысты растамай ипотека алуға бола ма
Кондиционер орнатқаныңыз үшін айыппұл арқалайсыз ба