2026 жылы сатып алу-сату келісімшартын жасау қанша тұратынын, кім жеңілдік ала алатынын және қандай жағдайда нотариус қызметінен үнемдеуге болатынын қарастырайық.

2026 жылы сатып алу-сату келісімшарты қанша тұрады

Нотариуста рәсімдеу құны мәмілеге қатысушыларға байланысты:

  • Сатушы мен сатып алушы — жеке тұлғалар және туыс болмаса: 12 АЕК — 51 900 теңге
  • Тараптар жақын туыс (ата-ана, бала, ерлі-зайыпты, немере, туған ағайынды) болса: 7 АЕК — 30 275 теңге
  • Тараптардың бірі заңды тұлға болса: 17 АЕК — 73 525 теңге

Жұбайының нотариалды келісімі: 1.5 АЕК — 6487 теңге

Ипотекамен алатындар үшін тариф үш есе арзан

Бұл 2026 жылдың ақпанында Әділет министрлігінің бұйрығына түзету енгеннен кейін күшіне енді.

2026 жылғы ипотека бойынша мәмілеге арналған тарифтер:

  • сатып алу-сату келісімшарты — 4 АЕК (17 300 теңге);
  • ипотекалық тұрғын үй қарызы — 4 АЕК (17 300 теңге);
  • кепілдік немесе кепілгерлік — 1.5 АЕК (6487 теңге)
  • жылжымайтын мүлік кепілі — 4 АЕК (17 300 теңге)

Нотариус ипотекалық мәміле үшін осы сомадан артық ала алмайды.

Ауылдық жерде арзанырақ

Ауылдық жердегі жылжымайтын мүлікті сатып алу-сату кезінде тариф төмен:

  • Жақын туыс арасында — 1.5 АЕК немесе 6487 теңге
  • Туыс емес тұлғалар арасында — 2.7 АЕК немесе 11 678 теңге
  • Бір тарап заңды тұлға болса — 3 АЕК немесе 12 975 теңге

Бұл ереже пәтерді ауылдан сатып алсаңыз, тіпті қала нотариусында рәсімдесеңіз де қолданылады.

Қызмет құны мүлік бағасына байланысты

2026 жылдан бастап тариф мүлік құнына тәуелді.
Жер телімі, қойма, паркинг сияқты арзан мәмілеге қатысты.

Жылжымайтын мүлік бағасы 30 АЕК-тен (129 750 теңге) аспаса, төмен мөлшерлеме қолданылады:

  • жақын туыс үшін — 3 АЕК (12 975 теңге)
  • қалғандарына — 8 АЕК (34 600 теңге)

Меншік құқығы — тек тіркеуден кейін

Келісімшарт нотариуста рәсімделгенімен, сатып алушы бірден меншік иесі болмайды.
Меншік құқығы тек мемлекеттік тіркеуден кейін беріледі.
Құжаттарды тіркеуге нотариус жібереді.
Сатып алушы мемлекеттік баж төлейді — 1304 теңге (пәтер немесе жер үй үшін)

Мемлекеттік баж мөлшері объект түріне байланысты: Жылжымайтын мүлік құқығын тіркеу қанша тұрады

Тіркеу мерзімі:

  • стандарт — 3 жұмыс күні;
  • жедел — шамамен 2 сағат (құны 5000 теңге).

ЕGov-тағы жеке кабинетте меншік құқығы тіркелгені туралы хабарлама шыққаннан кейін, мәміле толық аяқталған болып есептеледі.

Қызық болуы мүмкін:
Пәтер сату немесе сатып алу үшін қандай құжаттар керек

Krisha.kz материалын пайдаланғанда бірінші абзацта міндетті түрде сілтеме болуы керек!