Krisha.kz еліміздегі барлық банктің жаңа құрылыстарға арналған ипотека шарттарын зерттеді.
Банктер ұсынатын мөлшерлеме, мерзім және міндетті талаптарға толық шолу.

Қандай ипотека бағдарламалары жұмыс істейді

Жаңа баспананы бірнеше бағдарлама арқылы сатып алуға болады:

  • екінші деңгейлі банктердің стандарт ипотекасы;
  • кепілге қаражат қою арқылы берілетін ипотека;
  • белгілі бір құрылыс компаниясы ұсынатын пәтерге арналған серіктестік ипотека;
  • Отбасы банк депозиті арқылы рәсімделетін ипотека;
  • мемлекеттік «7-20-25» бағдарламасы.

Қандай банктер жаңа құрылысқа несие береді

  • Altyn Bank,
  • Halyk Bank,
  • Bank RBK
  • ForteBank,
  • Банк ЦентрКредит,
  • Freedom Bank Kazakhstan,
  • Отбасы банк.

Нұрбанк тек екінші нарықтағы тұрғын үйге несие береді.
Alatau City Bank (бұрынғы Jusan), РБК және Bereke Bank-та ипотекалық бағдарлама жоқ.
Еуразиялық банк тек мемлекеттік «7-20-25» бағдарламасы бойынша өтінім қабылдайды және қайта қаржыландырумен айналысады.

Жаңа құрылысқа арналған ипотекалардың шарттары

Банк/ипотека

Баст. жарна

ЖТСМ 

Ең жоғары мерзім

Ең жоғары сома

Altyn Bank

Стандарт/цифрлық

20%

22–24.3 %

20 жыл

175 млн тг

Altyn Bank  Серіктестік

20%

0.1–9.5%

20 жыл

175 млн тг

Halyk Bank

Цифрлық

20%

21–25% комиссиямен; 23–25%  — комиссиясыз

20 жыл

Шектеу жоқ*

Halyk Bank

BI Group серікт.

20%

0.1–16.6%

20 жыл

Шектеу жоқ

Halyk Bank

BAZIS-A серікт.

20%

21–25% комиссиямен; 23–25%  — комиссиясыз

20 жыл

Шектеу жоқ

Bank RBK

Серіктестік

20%

0.1–20%

15 жыл

75 млн тг

ForteBank 

Кепілмен

30%

7.4–13%

15 жыл

100 млн тг

Банк ЦентрКредит 

Кепілмен

20%

8.2–15%

15 жыл

50 млн тг  — Алматы, Астана;

45 млн тг  — Шымкент, Қарағанды, Ақтау;

басқа өңірлерде 30 млн тг 

Банк ЦентрКредит

ҮҚШ

20%

20.5–25%

15 жыл

80 млн тг

Freedom Bank

Каскадты

20%

8.8–22.2%

10 жыл

35 млн тг

Отбасы банк

Тұрғын үй несиесі

50% 

3.6–6.9%

11 жыл

100 млн тг

Отбасы банк

Аралық несие

50%

6.2–9.6%

3 жыл

100 млн тг

Отбасы банк

«Өз үйім»

50%

6.2–9%, кейін 3.6–6.9% төмендейді

—

100 млн тг

Отбасы банк

«30/70»

30%

7.3–9%

—

100 млн тг

*Қарыз алушының төлем қабілетіне байланысты.

Қай тұрғын үй кешенінен пәтер сатып алуға болады

Банк/ипотека

Тұрғын үй кешені

Altyn Bank Стандарт/цифрлық

Дайын

Altyn Bank  Серіктестік

Дайын және BAZIS-A, BI Group, Sensata-ның құрылысы жүріп жатқан кешенінен

Halyk Bank

Цифрлық

Дайын 

Halyk Bank

BI Group серікт.

Құрылысы жүріп жатқан және BI Group-тың дайын кешенінен

Halyk Bank

BAZIS-A серікт.

Алматыда екі ТҮК: Estet және Metropole

Bank RBK Серіктестік

Дайын және құрылысы жүріп жатқан кешеннен (кепілі бар)

ForteBank 

Кепілмен

Дайын және құрылысы жүріп жатқан кешеннен (кепілі бар)

Банк ЦентрКредит 

Кепілмен

Дайын 

Банк ЦентрКредит

ҮҚШ

ҮҚШ арқылы салынып жатқан

Freedom Bank

Каскадты

Дайын, серіктестің кешенінен 

Отбасы банк

Тұрғын үй несиесі

Дайын және серіктестің құрылысы жүріп жатқан кешеннен

Отбасы банк Аралық несие

Дайын және серіктестің құрылысы жүріп жатқан кешеннен

Отбасы банк

«Өз үйім»

Дайын және серіктестің құрылысы жүріп жатқан кешеннен

Отбасы банк

«30/70»

Дайын және серіктестің құрылысы жүріп жатқан кешеннен

Altyn Bank

Стандарт және цифрлық ипотекалар

  • Мөлшерлеме — 20-22 % (ЖТСМ — 22–24.3%).

Мөлшерлеме мен басқа шарттар бірдей, айырмашылық тек цифрлық ипотеканы банк қосымшасы арқылы онлайн рәсімдеуге болады, бөлімшеге барудың қажеті жоқ.
Пәтерді тек пайдалануға берілген тұрғын үй кешендерінен сатып алуға болады.

Серіктестік ипотека

  • Мөлшерлеме — 0.1-18 % (ЖТСМ — 0.1–9.54%).

Ипотека тек серіктес компаниялардың белгілі тұрғын үй кешендеріндегі пәтерлерге беріледі. Банк мына құрылыс компанияларымен серіктес: BAZIS-A, BI Group, Sensata Group.

Мөлшерлеме бастапқы жарна мен несие мерзіміне байланысты. Ең төмен мөлшерлеме бастапқы жарна 50 %-дан бастап, мерзімі бір жылға дейін болғанда қолданылады.

Halyk Bank

Цифрлық ипотека

  • Мөлшерлеме — 19-21 % (ЖТСМ — 21–25%), несие сомасынан 1 % комиссиямен; 21-23 % (ЖТСМ — 23.1–25%) комиссиясыз.

Несие тек пайдалануға берілген тұрғын үй кешеніндегі пәтерге беріледі.

Серіктестік ипотека

BI Group ипотекасы

  • Мөлшерлеме — 0.1-15.5 % (ЖТСМ — 0.1–16.6%).

Пәтерді BI Group компаниясының құрылысы жүріп жатқан Астана, Алматы, Атырау және Шымкент қалаларындағы тұрғын үй кешендерінен (барлығы шамамен 90 ТҮК) таңдауға болады.

BAZIS-A ипотекасы

  • Мөлшерлеме — 19-21 % (ЖТСМ — 21–25%) 1 % комиссиямен.
  • 21-23 % (ЖТСМ — 23.1–25%) комиссиясыз.

Ипотека тек Алматы қаласында қолжетімді, екі тұрғын үй кешенінен таңдауға болады: Estet және Metropole.

Bank RBK

Серіктестік ипотека

  • Мөлшерлеме — 0.1-18.3 % (ЖТСМ — 0.1–20%).

Пайдалануға берілген немесе кепілдігі бар құрылысы жүріп жатқан тұрғын үй кешендеріндегі пәтерлер жарамды.

ForteBank

Кепілге қаражат қою арқылы берілетін ипотека

  • Мөлшерлеме — 7 %-дан басталады (ЖТСМ — 7.48–13.05%), бастапқы жарна мөлшеріне байланысты.

Банк пайдалануға берілген немесе кепілдігі бар құрылысы жүріп жатқан тұрғын үй кешендеріндегі пәтерлерге ипотека береді.

Кепілге қаражат қою арқылы берілетін ипотеканың ерекшеліктері:

  • Кепілге қойылған қаражат (пәтер құнының кемінде 30 %-ы) ипотека мерзімі аяқталғанша арнайы шотта сақталады;
  • Несие пәтердің толық құнына беріледі, пайыз да сол сома бойынша есептеледі;
  • Кепілдегі ақшаны несиені толық жапқаннан кейін қайтарып алуға немесе қарыз сомасы мен кепіл теңескенде мерзімінен бұрын жабуға болады;
  • Зейнетақы қорын кепіл ретінде пайдалануға болмайды, тек ипотеканы өтеуге болады.

Банк ЦентрКредит

JAÑA ипотека (кепілмен)

  • Мөлшерлеме — 8-14 % (ЖТСМ — 8.2–15%), мөлшерлеме кепіл сомасына тікелей байланысты.

Тек пайдалануға берілген тұрғын үй кешеніндегі пәтер жарамды.

ҮҚШ бар ипотека

  • Мөлшерлеме — 18.5-22.5% (ЖТСМ — 20.5–25%).

Құрылысы жүріп жатқан тұрғын үй кешендеріндегі үлестік қатысу шарты (ҮҚШ) арқылы пәтер алуға болады.

Freedom Bank Kazakhstan

Банктегі стандарт ипотека тек жалақы жобасына қатысушыларға қолжетімді.
Freedom Bank арқылы жалақы алмайтындар үшін тек каскадты ипотека бар. Несие банктің серіктес құрылыс компанияларының пайдалануға берілген тұрғын үй кешендеріндегі пәтеріне беріледі. Қазір банк Қазақстан бойынша 50-ден астам құрылыс компаниясымен серіктестік орнатқан.

  • Мөлшерлеме — 8.5-21.5% (ЖТСМ — 8.8–22.2%).

Каскадты ипотеканың ерекшеліктері:

  • Несие мөлшерлемесі уақыт өте өзгеріп отырады.
  • Алғашқы кезеңде төмен болады, кейін біртіндеп өседі.
  • Несие мерзімі неғұрлым аз болса, мөлшерлеме соғұрлым төмен және артық төлем аз болады.

Отбасы банк

Отбасы банкте жаңа тұрғын үйге ипотека стандарт 50/50 схемасы бойынша рәсімделеді. Алдымен депозитте тұрғын үй құнының кемінде жартысын жинау қажет, кейін аралық немесе тұрғын үй несиесін рәсімдеу мүмкіндігі бар. Сонымен қатар банктің жеке ипотекалық бағдарламалары бар.

Тұрғын үй несиесі

Депозиттің ашылғанына үш жыл болса, пәтер құнының кемінде 50 %-ы жиналғанда және бағалау көрсеткіші 16-дан төмен болмағанда беріледі.

  • Мөлшерлеме — 3.5-5% (ЖТСМ — 3.6–6.9%).

Аралық несие

Жинақ мерзімі үш жылдан аз және кез келген бағалау көрсеткіші болған жағдайда беріледі. Пайыз депозит пен несиенің толық құнына қосылады. Үш жылдан кейін тұрғын үй несиесіне ауысады, мөлшерлеме төмендейді.

  • Мөлшерлеме — 6-8.5% (ЖТСМ — 6.2–9.6%).

Екі несие түрі бойынша талап бірдей. Пәтер пайдалануға берілген немесе ҚТК (Қазақстан тұрғын үй компаниясы) кепілдігі бар құрылысы жүріп жатқан тұрғын үй кешенінен болуы керек.

«Өз үйім» бағдарламасы

  • Мөлшерлеме — 6-7 % (ЖТСМ — 6.2–9%), кейін 3.5-тен 5 %-ға дейін төмендейді (ЖТСМ — 3.6-6.9%).

«Өз үйім» бағдарламасы бойынша банктің серіктес құрылыс компанияларынан пайдалануға берілген және құрылысы жүріп жатқан тұрғын үй кешендерінен пәтер сатып алуға болады.

Программа «30/70»

  • Мөлшерлеме — 7 % (ЖТСМ — 7.3–9%), кейін төмендейді.

Ипотека банкпен арнайы келісім жасасқан құрылыс салушының пәтеріне беріледі.

«7-20-25» бағдарламасы бойынша ипотека беретін банктер

Банктер «7-20-25» бағдарламасы аясында өтінім қабылдап, кезекке қояды, бірақ несиенің нақты қашан берілетіні белгісіз. 

Қазір өтінім қабылдайтын жеті банк бар:

  1. Банк ЦентрКредит.
  2. Freedom Bank Kazakhstan.
  3. Halyk Bank.
  4. РБК.
  5. Altyn Bank.
  6. ForteBank.
  7. Еуразиялық банк.

Мемлекеттік «7-20-25» бағдарламасының шарттары:

  • Бастапқы жарна — 20 %.
  • Несие мерзімі — 25 жыл.
  • Мөлшерлеме — 7 %.
  • Ең жоғары сома:

— Астана, Алматы, Ақтау, Атырау, Шымкент — 30 млн тг.
— Қарағанды — 25 млн тг.
— Басқа өңірлер — 20 млн тг.

Ұлттық банк биыл 9 қазанда «7-20-25» бағдарламасы бойынша несие лимитін ұлғайтты.

Екінші нарықтағы ипотекаларға толық шолу: Екінші нарыққа арналған ипотека: барлық банктің жаңа шарттары

Krisha.kz материалын пайдаланғанда бірінші абзацта міндетті түрде сілтеме болуы керек!