Биыл 11-15 желтоқсан аралығында Алматы билігі «Жұмыс істейтін жастарға сатып алу құқығынсыз тұрғын үй жалға беру» бағдарламасы бойынша құжат қабылдайды. Қатысушыларға Наурызбай ауданынан пәтер беріледі.

Өтінімді Kezekte.kz сайты арқылы беруге болады, бірақ ол үшін ЭЦҚ қажет.

Үміткерге қойылатын талаптар

  • жасы 35-тен аспаған, жұмыс істейтін;
  • орта, орта техникалық және жоғары білімі бар;
  • Алматыда тұрақты тіркелгеніне кемі үш жыл болған азаматтар;
  • үміткердің отбасы мүшелері мен 14-тен асқан балалары қалада тұрақты тіркелуі керек, бірақ мерзімі маңызды емес;
  • өтінім беруші мен отбасы мүшелерінің атында баспана болмау керек. Бұл ереженің апатты үйде тұратындарға қатысы жоқ;
  • табыс көлемі 40 АЕК, яғни 138 мың теңгеден кем болмауға тиіс;
  • банктен депозит ашу қажет.

Қатысушылар балл жүйесі арқылы іріктеледі.
Ол мыналар үшін беріледі:
— мамандық үшін — 10 балл;
— мемлекеттік мекемеде қызмет еткен әр жыл үшін — 5 балл (бір жылға — 1 балл);
— отбасының болуы — 5 балл;
— бір балаға — 1 балл, одан кейінгі әр балаға — 2 балл;
— жұмыс істеп тұрғанына бір жылдан асқан ЖК үшін — 5 балл (бір жылға — 1 балл);
— депозитке ақша жинаған әр жыл үшін — 2 балл.

Өтінім беріп, құжат өткізген соң қатысушылар нәтижесін Kezekte.kz сайтындағы жеке кабинет арқылы қадағалап отыруы керек.

Маңызды: Пәтер сатып алу құқығынсыз 3 жылға жалға беріледі.

Сұрақ болса, мына нөмірлерге хабарласуға болады.: +7 (727) 225 14 52, 225 14 37.