Krisha.kz-те суреттері бар хабарландырулар суретсіздерге қарағанда орта есеппен 3–5 есе көп қаралады.

Жылжымайтын мүлікті суретке дұрыс түсіру және сату процесін ұзаққа созатын қателіктерді жасамау туралы жазамыз.

1. Түсірілім алдында үйді тазалап шығыңыз.
Киімдерді, шашылған ойыншықтарды, ұсақ тұрмыстық техниканы шкафтарға салып, көзге көрінетін жерлердегі шаңды сүртіңіз. Тозған кілемдер мен сынған жиһаз сияқты заттарды алып тастаңыз немесе жасырыңыз. Бөлмеде адамдар мен үй жануарлары болмасын. Кең көріну үшін есіктерді ашып қойыңыз.

2. Жарыққа назар аударыңыз.
Табиғи жарық жеткіліксіз болса, шамдарды, торшерлерді немесе споттарды қосыңыз.

Түсірілім кезінде түстердің табиғи көрінуіне мән беріңіз, бөлме шам жарығынан сары болып кетпеуі немесе күн сәулесінен шамадан тыс ақ көрінбеуі керек.

Камералар мен смартфондарда жарық сезімталдығын (ISO) өзгертуге болады. Баптауларды зерттеп, осы функцияны пайдаланыңыз.

Жұмсақ жарық таңертең ерте түседі. Күндіз суретке түсірсеңіз, тюльді жауып қойыңыз, әйтпесе сырттан түсетін қарсы жарық бөлмені қараңғы көрсетеді.

3. Бөлмені кемінде екі бұрыштан түсіріңіз.
Жалпы көріністі түсіріңіз. Үшінші суретте кіріккен шкафты немесе кондиционерді көрсетіңіз.

Телефонмен түсіргенде камераны көз деңгейінде көлденең ұстаңыз. Алға немесе артқа еңкеймеңіз.

4. Пәтердің айқын кемшіліктерін өңдеп жасыруға немесе жоспарды бұрмалауға болмайды.
Сатып алушылар келіп көрген кезде оны бірден байқайды. Сондықтан, жылжымайтын мүліктің шынайы көрінісін ұсыныңыз.

5. Подъезді, үйдің қасбетін, терезеден көріністі, аула мен балалар алаңын суретке түсіруді ұмытпаңыз.
Сатылатын мүліктің құндылығын арттыратын суреттерді ғана салыңыз.