Krisha.kz пәтерді тәулігіне жалға алуға арналған жаңа онлайн-брондау сервисін іске қосты. Енді қонақтар қосымша арқылы кіретін және шығатын күнін және ыңғайлы пәтерді таңдап, брондай алады.

Пәтерді онлайн-брондау сервисіне қалай қосуға болады және ол қалай жұмыс істейді? Жиі қойылатын сұрақтарға жауап бердік. 

Сұрақ—жауап

Онлайн-брондау деген не және ол неге ыңғайлы?
Онлайн-брондау қай қалаларда бар?
Қосылу құны қанша тұрады?
Онлайн-брондауды қалай қосуға болады? Бұл қанша уақыт алады?
Видеошолу не үшін қажет? Қонақтар оны көре ме?
Брондау ақысын қашан аламын?
Қай картаны тіркеу керек?
Депозит алуға бола ма?
Қонақ пәтерді брондағанын қалай білемін?
Қонақ іссапар құжатын рәсімдеу үшін құжат сұрайды. Онлайн-брондау кезінде бұл қалай жұмыс істейді?
Пәтер өзге сервис арқылы басқа күндерге брондалған болса не істеу керек?
Комиссиядан салық төлемеу үшін не істеу керек?
Қонақ брондауды жойса не болады?
Брондаудан бас тарта аламын ба?

Онлайн-брондау деген не және ол неге ыңғайлы?
— Сервис пәтерді жалға беруді жеңілдетеді және уақыт үнемдейді. Өтінім автоматты түрде келеді, хабарландыру тізімде жоғары шығады, ал «Пәтер тексерілді» және «Онлайн-брондау» белгісі сенімділік сыйлайды және әсіресе бәрін онлайн істегенге үйренген қонақтарды тартуға көмектеседі.

Қазақ және орыс тіліндегі келісімшарт офертысын мына жерден көре аласыз

Онлайн-брондау дегеніміз:

  1. Ыңғайлы онлайн-күнтізбе. Ол брондалған пәтерді басқаруға көмектеседі, бос емес күндерді автоматты түрде белгілейді, қонақтарға пәтердің қашан бос екенін көрсетеді, қабаттасудан қорғайды және есеп жүргізуді жеңілдетеді.
  2. Қауіпсіз төлем. Ақша автоматты түрде картаға түседі. Бәрі онлайн тіркеледі және бақылау немесе еске салуды қажет етпейді.
  3. Автоматты ұзарту. Хабарландыру әрдайым активті болып қалады және пайдаланушылар оны үнемі көре алады. Хабарландыру беру мерзімін бақылап, қолмен ұзартудың қажеті жоқ.
  4. Тізімнің басында тұрады. Қонақтар хабарландыруды тез байқап, жиі таңдайды.
  5. «Пәтер тексерілді» және «Онлайн-брондау» белгісі арқылы қонақтар назар аударып, сенімді болады.
  6. Салық төлеу кезінде үнемдеу. Сіз біздің комиссиядан салық төлемейсіз. Тек қонақтан алынған нақты кіріс есепке алынады. Шетелдік сервистерде ондай емес.

 Онлайн-брондау қай қалаларда бар?
— Сервис Қазақстандағы барлық қонаққа қолжетімді, қазір Алматы, Астана және Қарағандыда пәтерді тәулігіне жалға алуға болады.

Қосылу құны қанша тұрады?
— Сервиске қосылу тегін. Төлем тек пәтер сәтті брондалғанда алынады. Табыс тапқанда ғана комиссия төлейсіз. Комиссия жалдау сомасының 15 %-ына тең.

Онлайн-брондауды қалай қосуға болады? Бұл қанша уақыт алады?
— Сервиске қосылуға шамамен 20 минут кетеді және 4 қадамнан тұрады:

  • Жеке басты растау.
  • Пәтерді видеотексерістен өткізу. Жеке басыңызды растап, пәтерді видеотексерістен өткізген болсаңыз, оны қайта жасаудың қажеті жоқ.
  • Күнтізбені баптау.
  • Төлем қабылдау картасын қосу.

Мына жерден бейне нұсқаулықты көре аласыз

Видеошолу не үшін қажет? Қонақтар оны көре ме?
— Жоқ, қонақтар видеоны көрмейді. Ол тек ішкі тексеріс үшін қажет. Біз пәтердің суреттерге сай келетінін және көрсетілген мекенжайда орналасқанын тексергіміз келеді.

Брондау ақысын қашан аламын?
— Сервиске қосылған кезде төлем алғыңыз келетін банк картасын тіркеу қажет. Ақша сол картаға түседі.
Брондауды растай салысымен, қонақтың картасынан барлық сома шешіледі. Бұл ақша біздің серіктесіміздің төлем жүйесіндегі әмиянда сақталады. Қонақ пәтерді босатқаннан кейін бір сағат ішінде қаражат автоматты түрде сіздің картаңызға түседі (түн немесе демалыс күні болса да).

Қай картаны тіркеу керек?
— Жеке тұлға ретінде жұмыс істесеңіз, кез келген банк картасын (Visa немесе MasterCard) тіркей аласыз. ЖШС немесе ЖК ретінде тіркелген болсаңыз, арнайы есепшоттың физикалық немесе виртуалды картасын пайдалануды ұсынамыз. Бұл төлемдердің бухгалтерияда дұрыс өтуіне және салық есебін санау кезінде жеңілдетеді. Мұндай карталар барлық банкте бар, рәсімдеу уақыты 5 минуттан аспайды.

Депозит алуға бола ма?
— Бұрынғыдай депозит ала аласыз. Тек бұл мәселені қонақпен алдын ала келісіңіз. Ең бастысы — оны хабарландыруда алдын ала жазыңыз. Мысалы, «кірген кезде депозит алынады» деп жазыңыз.

Қонақ пәтерді брондағанын қалай білемін?
— Қонақ пәтерді брондаған кезде жеке кабинетке хабарлама келеді. Бронды растаңыз, сол күн автоматты түрде күнтізбеде жабылады, оны басқа адамдар таңдай алмайды.

Қонақ іссапар құжатын рәсімдеу үшін құжат сұрайды. Онлайн-брондау кезінде бұл қалай жұмыс істейді?
— Мұнда ештеңе өзгермейді. Сұраныс бойынша сіз толық брондау сомасына сай қажет құжаттарды ұсына аласыз.

Пәтер өзге сервис арқылы басқа күндерге брондалған болса не істеу керек?
— Пәтер белгілі бір күндері бос болмаса, оларды күнтізбеде жабу керек, бұл екі рет брондауды болдырмайды. Бірақ міндетті түрде қолмен жасаудың керегі жоқ.
Басқа сервистегі (мысалы, Booking, Airbnb) хабарландырудың сілтемесін қоса аласыз және біздің күнтізбе автоматты түрде сол жердегі бос емес күндерді жүктейді. Бұл бірнеше платформаны пайдаланған кезде ыңғайлы.
Егер пәтер кей күндері жалға берілмесе (мысалы, өзіңіз тұрасыз, жөндеу жүріп жатады немесе тұрақты қонақтар келеді), бұл күндерді күнтізбеде қолмен белгілеуге болады, оны ешкім брондай алмайды.

Жақында кері синхрондау мүмкіндігі де қосылады, яғни біздің күнтізбе сілтемесін басқа сервистерге қосуға болады, ақпарат екі жақта жаңарып отырады.

Комиссиядан салық төлемеу үшін не істеу керек?
— Қонақ жалға алу құнын толық төлейді, бірақ сол соманың 15 %-ы — біздің комиссия. Осы 15 % үшін табыс салығын төлемеу үшін бізден ай сайын орындалған жұмыс актісін ала аласыз. Біз комиссия сомасы үшін акт рәсімдейміз, бұл салық және бухгалтерлік есеп тұрғысынан дұрыс болады.
Қазір бұл процесс қолмен жасалады: сервиске қосылғанда біз сізден акт қажет пе деп сұраймыз. Кейін ойыңыз өзгерсе ештеңе етпейді. Қолдау қызметіне (сілтеме) жазыңыз, біз сізге акт шығара бастаймыз. Болашақта мұның бәрі жеке кабинетте пайда болады.

Қонақ брондауды жойса не болады?
— Қонақ кірмей тұрып 24 сағат бұрын брондауды жойса, біз ақшасын толық қайтарамыз, ал күнтізбе қайтадан басқа қонақтарға ашылады. Қонақ кіруіне 24 сағаттан аз уақыт қалғанда брондауды жойса, брондау сомасының 70 %-ы қайтады, ал қалған бөлігі (Krisha.kz комиссиясын алғаннан кейінгі сома) өтемақы ретінде сіздің картаңызға түседі. Осыдан кейін күнтізбе қайта бос болып, сол күнге басқа қонақты таба аласыз.

Брондаудан бас тарта аламын ба?
— Егер сіз алдымен брондау өтінімін қабылдап, кейін одан өзіңіз бас тартсаңыз, біз брондау сомасының 30 %-ын ұстап қаламыз.