Krisha.kz арқылы пәтерді брондап, жалға алу ақысын тікелей сол жерде төлеуге болады. Сервис тәулігіне жалға алу үшін Астана, Алматы және Қарағанды қалаларында жұмыс істейді.

Онлайн-брондау қалай жұмыс істейтінін түсіндіріп, жиі қойылатын сұрақтарға жауап береміз.

Мазмұны:
Онлайн-брондау деген не және ол жалға алушыларға не береді?
Онлайн-брондау қай қалаларда жұмыс істейді?
Пәтерді қалай брондауға болады?
Пәтер иесімен қалай хабарласуға болады?
Пәтер сипаттамаға сай келмесе не істеу керек?
Брондауды қалай жоюға болады?
Брондауды жойғаннан кейін ақша қашан қайтады?
«Пәтер тексерілді» белгісі деген не?

Жауаптар:

Онлайн-брондау деген не және ол жалға алушыларға не береді?

Онлайн-брондау — бұл нақты күндерге пәтерді алдын ала таңдап, Krisha.kz қосымшасы арқылы брондап, төлемді бірден жасауға мүмкіндік беретін сервис. Телефон соғудың немесе жеке кездесудің қажеті жоқ.

Қазақ және орыс тіліндегі келісімшарт офертысын мына жерден көре аласыз

Жалға алушыларға беретін артықшылықтар:
— Қауіпсіздік: алаяқтардың алдап кету қаупі азаяды, пәтерлер мен иелері тексерістен өткен.
— Ыңғайлылық: бірнеше рет басып, артық сұрақ пен қоңырауларсыз брондауға болады.
— Кепілдік: күндер бекітіледі, пәтер дәл сол уақытта бос болады.
— Қарапайым төлем жасау және қайтару жүйесі. Жалға алушылар үшін комиссия жоқ. Қажет болса, төлем толық немесе ішінара қайтады.
— Ашықтық: пәтердің статусы, шарттары және пікірлері көрінеді.

Онлайн-брондау қай қалаларда жұмыс істейді?

Сервис тәулігіне жалға алу үшін Астана, Алматы және Қарағанды қалаларында жұмыс істейді.

Пәтерді қалай брондауға болады?

  • Қосымшаны ашып, «Жалға алу — Пәтер — Тәулік бойы» бөлімін таңдаңыз.
  • Іздеу бөлімінде қала, кіру және шығу күнін, қонақ пен бөлме санын таңдаңыз. «Нәтижелерді көрсету» батырмасын басыңыз.
  • Өзіңізге ұнаған пәтерді таңдаңыз. Жүйе тек бос пәтерлерді көрсетеді. Хабарландыруды ашып, «Брондау» батырмасын басу арқылы иесіне өтінім жіберіңіз.
  • Картаңызды қосыңыз. Пәтер иесі брондауды растағаннан кейін ғана сізден ақша алады, ал ол төлемді сіз кеткеннен кейін алады.

Артықшылық: пәтер иесіне алдын ала ақша аударудың немесе бөлек келісудің қажеті жоқ, жүйе мәміленің қауіпсіз болуын қамтамасыз етеді. Жалға алушы үшін комиссия жоқ.

Пәтер иесімен қалай хабарласуға болады?

Krisha.kz-те оған жеке хабарлама жазу керек. Тек қосымша арқылы сөйлесуге болады.

Пәтер сипаттамаға сай келмесе не істеу керек?

Пәтер хабарландырудағы сипаттамаға сай келмесе, фото немесе видеоға түсіріп Krisha.kz-ке дәлел ретінде жіберіңіз. Мамандар тексерген соң, төлем қайтады.

Брондауды қалай жоюға болады?

Брондауды жою үшін:
— өтінімді ашып, беттің ең астына түсіңіз. Астыда «Брондауды жою» батырмасы болады;
— батырманы басып, себебін таңдаңыз, брондау жойылады.

Қонақ кірмей тұрып 24 сағат бұрын брондауды жойса, біз ақшасын толық қайтарамыз 24 сағаттан аз уақыт қалса, 70 %-ы ғана қайтады.

Брондауды жойғаннан кейін ақша қашан қайтады?

Брондау жойылғаннан кейін ақша төлем жасалған картаға автоматты түрде қайтады.

Одан кейін банк төлем өңдеумен айналысады. Әдетте ақша 5 жұмыс күні ішінде қайтады.

«Пәтер тексерілді» белгісі деген не?

Krisha.kz-тегі «Пәтер тексерілді» белгісі пәтер иесі немесе қосалқы жалгер жеке тұлғасы мен тұрғын үйге қатысты құжаттарын растаған дегенді білдіреді. 

Тексеріс ең көп дегенде 2 сағатқа созылады және ол жеке кабинет арқылы жасалады. Тексеріс аяқталған соң, хабарландырудың қасында арнайы белгі пайда болады. 

Онлайн-брондау кезінде «Пәтер тексерілді» деген белгі көрсеңіз, бұл иесі құжаттарын растағанын және жалға алу процесі барынша қауіпсіз болатынын білдіреді.

Пайдалы материалдар:
Онлайн-брондау: Krisha.kz қауіпсіз жалға алу сервисін іске қосты
Пәтерді бөліп жалға алуға бола ма
Онлайн-брондау: пәтерді тәулігіне қалай жалға беруге болады