Отдельный дом • 4 комнаты • 139.6 м² • 20 сот., Ақойауылы,С.Сейфуллинкөшесі 51

Үй Қарағанды облысы, Шет ауданы, шырайлы Ақой ауылында. Ауылдың көрікті екі бас үйлерінің бірі. Жазда салқын, қыста жылы. Сыртында суы сарқырап тұр. Ішіне де су жүйесі толық тартылған. Ауылымызға биыл су кіреді. Ас үйі кең, залы да екі үйдің залын қосқан, ат шаптырарлық жер демесек те, құда күтерлік кең бөлме. Аулада ауыл халық апта сайын асыға күтетін моншасы бар. Моншасының кіреберісінде көңіл көтеруге арналған бильярды бар. Дайын бизнес. Ауласында жайқала өскен ағаш. Күн ыстықта таптырмас көлеңке. Сол талдың саясында самаурынмен баптап шай ішуге арналған тапшаны бар. Шашлык жасайтын ауласы бар. Қонақтарға қазан көтеремін десеңіз, есіктің алдында бір ғана шимен гүр етіп жана кететін пеші мен ошағы бар. Көлігіңіз қыстың қақаған аязында қатпай отала қалатын жылы гаражы бар. Төрт түлікке арналған қорасын айтсаңызшы… Жылқыға бөлек қоңыржай қорасы бар, сиырға арналған қыста жылыжай қорасы мен жазда самалдап тұратын жаздық қорасы бар. Қойдың түнде түнейтін жылы, күндіз жайлы салқын екі қорасы бар. Тауық қорасы өз алдына бөлек. Жылқы байлап, семіртемін, торпақ байлап, бордақылаймын десеңіз оған да қора дайын. Бір емес, кең-кең екі шөпараны бар. 100 га шабындық жері мен кешке малдың желіні сыздап келетін шөбі шүйгін жайылымдық жері бар. Мал шаруалышығымен айналысамын деушілерге нағыз қолайлы ауыл. Қазтуғанның: Жабағылы жас тайлақ Жардай атан болған жер, Жатып қалып бір тоқты Жайылып мың қой болған жер, – дейтініндей-ақ ауыл. Айналасы орман, нағыз курорттық жер. Бақшасының топырағына не ексең соны орасың. Қораның арты тұнған алма бағы. Үйдің артында да алма ағашы. Алса піс, аузыма түс десеңіз жеткілікті. Шет ауданынан мұндай шұрайлы жерді таппассыз. 11 жылдық мектебі бар, жаңа салынып жатқан ауруханасы бар. Тоғыз жолдың торабы. Ұшақтан басқа 7/24 сағат барлық көліктің түрі қатынайды. Үй жиһазымен сатылады. Кіресіз де, тұра бересіз. Әрі қарай айта берсем, үйді сатуға қимай қалам ба деймін. Осы жерден тоқтайын. Қалғанын телефоннан айтармын.