Қазақстанда ислам ипотекасын іске қосу жұмыстары жүріп жатыр. Жаңа өнімді Отбасы банк ұсынады және пайыз қоспайды.

Банкке ислам қаржыландыру қағидаты бойынша жұмыс істеуге мүмкіндік беретін заң күшіне енгенде бағдарлама іске қосылады.

— Ислам ипотекасы бойынша қазір заңға өзгеріс енді. Заң әлі шыққан жоқ, бірақ мәжіліс пен сенат қол қойды. Енді Президент қол қоюы керек. Кейін заң «Әділет» ақпараттық-құқықтық жүйесіне шығады, — деді тікелей эфир барысында Отбасы банктің басқарма төрайымы Ләззат Ибрагимова.

Кейін Отбасы банк барлық қажет рұқсатты алып, құжаттарды заң талаптарына сай рәсімдей алатын болады.

Ислам ипотекасы деген не

Мұндай ипотеканың басты ерекшелігі — пайыздың болмауы.

Ислам ипотекасының былай жұмыс істейді:

  • банк пәтерді сатып алады;
  • кейін оны клиентке бөліп төлеу мүмкіндігімен сатады;
  • пайыздың орнына алдын ала белгілі болатын бекітілген баға қолданылады.

Исламдық қаржыландыруда пайыз қосуға болмайды.

Жоспар бойынша ипотека биыл күзде іске қосылады.

Бұған дейін Қазақстанда ислам ипотекасын Al Hilal Bank рәсімдейтін. 2022 жылдың көктемінде банк ипотекалық несие беруді тоқтатты.

Krisha.kz материалынан дәйексөз келтіру үшін редакциядан рұқсат алу қажет. Krisha.kz материалын пайдаланғанда бірінші абзацта міндетті түрде сілтеме болуы керек!