Қазақстан билігі ипотекалық несие пайызы бойынша салықтан шегерімді қайта енгізуді жоспарлап отыр. Ол 2029 жылы күшіне енеді. Ұлттық экономика бірінші вице-министрі Азамат Әмрин бұл туралы мәлімдеді.

Ол салықтан шегерімді алып тастағаннан кейін халықтың ипотека төлеуге кететін шығыны артты, несие алу қиындады деді.
Сондықтан үкімет 2026–2029 жылдарға арналған халық табысын арттыру жөніндегі кешенді жоспар аясында бұл жеңілдікті қайта енгізу және басқа қолдау шараларын қарастырып жатыр.

Үш жылдық бюджет жоспарлауға байланысты шешім кейінге қалды. Билік мәселені 2028 жылы, 2029–2031 жылдарға арналған бюджетті әзірлегенде қарайды.
Бұған дейін Қазақстанда ипотека салығынан шегерім болған. Бірақ үкімет жаңа Салық кодексін қабылдағанда бұл норма 2026 жылғы 1 қаңтардан бастап күшін жойды.

Салықтан шегерім деген не

Ипотекасы барларға арналған салықтан шегерім — жалақыдан ұсталатын жеке табыс салығын (10%) азайту мүмкіндігі.

Бұл жағдайда адам бүкіл жалақыға емес, банкке ипотека бойынша төлеген пайызды шегергеннен кейінгі сомаға салық төлейді.

Мысалы, төлем — 400 000 тг:

  • 250 000 тг — негізгі қарыз;
  • 150 000 тг — пайыз.

150 000 теңгеден шегерім жасалады.

2026 жылы 51 мың теңге (150 мың теңгенің 10%-ы) үнемдеуге болатын. Бұл соманы ипотека төлеуші жалақы арқылы қайтарып алатын. Ипотеканың толық мерзімі ішінде үнем айтарлықтай еді.

Пайдалы материалдар:
2026 жылы зейнетақы жинағының жаңа жеткіліктік шегі қандай
Тұрғын үй кезегі: жалға берілетін баспананы қалай бірінші болып алуға болады
Ауладағы қоқыс қаншалықты жиі жиналуы керек