Алаяқтар хабарландыру сервистерінің атынан пайдаланушыларға жиі жаза бастады. Жаңа схемалардың бірі — хабарлама Krisha.kz қолдау қызметінен келгендей болады, онда өтемақы жасаймыз делінеді. Бұл қалай жұмыс істейтінін және алданып қалмаудың жолдарын түсіндіреміз.

Схема қалай жұмыс істейді

1. Алаяқтар мессенджерде (WhatsApp, Telegram және т.б.) компанияның атынан жазады.

Олар күмәнді пайдаланушымен хат алмасу болды, клиентке зиян келуі мүмкін деп алаңдайтынын жеткізеді. Зиянның орнын толтыру үшін ақша төлейміз дейді.

Кейде шынымен зиян келген болуы мүмкін. Көбіне алаяқтар бір-бірімен келісіп әрекет етеді: біреуі алдын ала алдайды (бронь үшін ақша алып, жоқ болып кетеді). Кейін екіншісі шығып, «өтемақы төлейміз» дейді.

Зиян келгенін растау үшін алаяқ чаттың скриншотын және түбіртек сұрайды.

 

Маңызды! Алаяқ Telegram-да хат алмасуды сұрайды, мысалы @kryshakzhelp чатында. Бірақ бұл аккаунт Krisha.kz-ке тиесілі емес.

2. Сіз скриншоттарды жібергеннен кейін, «басшылық шешімін күтіңіз» дейді.

Көмектескеніңіз үшін рақмет, қауіпсіздік жүйесіндегі қате үшін кешіріңіз, басшылықтан өтемақы туралы сұраймыз деп жазады.

Басшылар өтемақыны мақұлдады дейді. Бірақ ақшаны алу үшін арнайы сілтеме арқылы өтуіңізді сұрайды. Онда белгілі банктің атауы мен логотипі болады, бірақ сілтеме фишинг сайтқа жібереді, яғни жалған сайт. 

3. Алаяқ байланыста болып, сұрақтарға жауап береді.

Өтемақы алу үшін карта нөмірін жазу керек деп асықтырады.

4. Кейін өтемақы алу үшін алдымен балансты толтыру керек болады, кемінде 20 000 теңге. Себебі «жаңа пайдаланушының шоты күмәнді көрінеді, ақша салсаңыз, ашылады» деп түсіндіреді.

5. Әрине, ешқандай өтемақы болмайды. Адам ақшаны жібереді, ал алаяқ сол ақшамен жоқ болады.

Нені білу маңызды

  • Krisha.kz сілтеме жібермейді. 
    Мұндай хабарлама — алаяқтың белгісі.
     
  • Сайттағы қызметтің ақшасы ғана қайтады және тек ресми өтінім жіберу керек. 
    Чатта жылдам төлем жасалмайды.

Қалай қорғануға болады

1. Кім жазып жатқанын тексеріңіз.
Krisha.kz жеке нөмірден немесе кездейсоқ аккаунттан жазбайды. Қызметкерлер тек ресми аккаунттардан жазады немесе ресми каналдағы посттарға жауап береді.

2. Хабарламадағы сілтеме арқылы өтпеңіз.
Банктің сілтемесіне ұқсаса да, баспаңыз.

3. Бейтаныс сайттарда карта деректерін жазбаңыз.
Әсіресе мессенджерден келген сілтемеге кірмеңіз.

4. Сайттың адресін мұқият тексеріңіз.
Артық әріп, сан немесе сөз болса, жалған сайт деген сөз.

5. Күмәндансаңыз Krisha.kz қолдау қызметіне қосымша арқылы жазыңыз.
Бұл ақпаратты тексерудің ең қауіпсіз әдісі.

Пайдалы материал:
«Хабарландыруыңыз бұғатталды»: ақшадан айырылып қалмау жолдары