Енді тұрғын үйді жалға берумен немесе қосалқы жалгерлікпен айналысатындар өзін-өзі жұмыспен қамтамасыз етушілердің қатарына кіре алады. 2026 жылдан бастап жалға берушілер жеке кәсіпкер (ЖК) ретінде тіркелмей-ақ, табысының 4 %-ын әлеуметтік төлемге жұмсайды. 

Неліктен бұл маңызды 

2026 жылдың 1 қаңтарынан бастап жаңа Салық кодексі күшіне енеді. Бұрынғы салық режимі (патент, қосымша арқылы салық және басқалары) жойылады.

Тұрғын үй жалға беру үшін өзін-өзі жұмыспен қамтамасыз етушілерге арналған режимді қолдануға болады. Жеке кәсіпкер болудың қажеті жоқ, тек зейнетақы, медициналық және әлеуметтік сақтандыру төлемдерін жасайсыз.

Жаңа салық режимі маңызды мәселені шешеді. Қазір тұрғын үйді ресми түрде жалға беру үшін ЖК болу керек немесе табыстың 10 %-ын беру қажет.
2020–2023 жылдары жалға берушілер БЖТ (бірыңғай жиынтық төлем) режимін қолданды. Төлем сомасы аз және кәсіпкер ретінде тіркелуді қажет етпейтін, бірақ былтыр билік одан бас тартты.

Өзін-өзі жұмыспен қамтамасыз етушілерге арналған жаңа режим БЖТ-ның орнын басады.

2025 жылғы режимдер

2026 жылғы режимдер

Патент – табыстан 1 % (ЖК үшін)

Күшін жойды

E-Salyq – табыстан 1 % (ЖК үшін)

Күшін жойды

_

Өзін-өзі жұмыспен қамтамасыз етушілерге арналған режим – табыстан 4 % (ЖК болудың қажеті жоқ)


Өзін-өзі жұмыспен қамтамасыз етушілерге арналған шарттар

  • Айлық табыс 300 АЕК-тен аспауға тиіс (шамамен 1.2 млн теңге).
  • Тек жеке тұлғамен жұмыс істеу керек.
  • Қызметкер алуға болмайды.

Мысал 

Айына 300 000 теңгеге пәтер жалға бересіз делік. Бұл жылына 3.6 млн теңгені құрайды.
Төлем — 4 %, яғни 144 000 теңге жылына (немесе 12 000 теңге айына). Есеп-қисап аз, ЖК болудың қажеті жоқ.

Қалай жұмыс істейді

4 % төлем арнайы мобильді қосымша арқылы автоматты түрде жүргізіледі, бірақ әзірге жарияланған жоқ.
Жеке кәсіпкер 2025 жылдың аяғына дейін салық органына № 029 құжаты бойынша өтінім тапсыруға тиіс. Жаңа жалға берушілер алғашқы төлемді жүйеде жасаса жеткілікті.