Енді Krisha.kz-те пәтерді жылдам, қауіпсіз және қоңырау шалмай тәулік бойы онлайн жалға алуға немесе жалға беруге болады. Сервис қазір Астана, Алматы және Қарағандыда жұмыс істеп тұр. 

12 қарашада Krisha.kz Астана мен Қарағандыда тәулігіне жалға берумен айналысатын кәсіпқойларға арналған іс-шарада онлайн-брондау сервсиін таныстырды. Компания аналитиканы ұсынып, сервистің жұмысын көрсетті және жалға берушілермен бірге нарықты қалай ашық, ыңғайлы етіп, көбірек қонақ тартуға болатынын талқылады. 

Krisha.kz мәліметінше былтыр сервисті 920 мыңнан астам қонақ пайдаланған, ал пәтерлер базасы бір жылда 40 % өскен.

Тәулігіне жалға беру қызметіне сұраныс артып келе жатқандықтан, пәтер иелері бизнесін автоматтандыруға және жалға беру процесін қашықтан басқаруға ұмтылып жатыр. Жаңа сервис осындай сұраныстың орнын толтырады. 

Онлайн-брондау процесті екі тарап үшін жеңілдетеді.
Жалға алушылар күндерді таңдайды, пәтер иесі оны растайды және тікелей қосымшада төлем жасай алады.
Пәтер иесі өтінімді қабылдап, жеке кабинет арқылы брондау күнтізбесін басқарады, басқа платформалармен байланыстыра алады, төлем қабылдап, барлық өтінімді бір жерде көреді.

Осының арқасында мәміле жасасу жылдам, ашық әрі қауіпсіз бола түседі. 

— Krisha.kz-тегі онлайн-брондау — тәулігіне жалға берілетін пәтер нарығын ашық әрі қауіпсіз етуге бағытталған қадам. Біз қауіпсіз төлем, пәтер тексеру және екі тараптың (жалға алушы мен жалға беруші) мүддесін қорғау сияқты мүмкіндіктерді біріктірдік. Бұл әр мәміледе сенім, жайлылық және сенімділік береді, — деді Krisha.kz директоры Севиль Дарган. 

Пәтер иелері онлайн-брондаудың арқасында артық қоңырау мен хабарлама келмейді деді. Бұрын әртүрлі хабарламаға және орынсыз сұрақтарға жауап беруге, делдалдардың қоңырауына уақыт кететін. 

Енді барлыңы жеңіл: қонақтан тікелей өтінім түседі, жалға беруші бірден барлық мәліметті көріп, бронды жылдам растай алады. 

Krisha.kz сервисті әрі қарай жақсартып, жалға беру процесін бұдан ыңғайлы әрі қауіпсіз ететін жаңа функциялар қосуды жоспарлап отыр.