Отбасы банк «Наурыз» бағдарламасы бойынша қаржыландыру және несие беру қайта басталғанын хабарлады.

Бұған дейін өтінім берген әр клиентке банк қызметкері хабарласып, несие рәсімдеу үшін бөлімшеге шақырады.

Барлық мақұлданған өтінім мен брондалған пәтер сақталады. Өзекті ақпарат Отбасы банктің ресми интернет-платформаларында жарияланып отырады.

Маусымда банк несие беруді уақытша шектеген еді.
Сол кезде барлық құжатқа, соның ішінде кепіл шарты мен төлем кестесіне қол қойғандар ғана несие алды. Қалғандарына күтуге тура келді.

Бағдарламаның тоқтатуына қаржыландыру себеп болды. Банк «Наурыз» ипотекасына қаражатты KASE биржасында облигация сату арқылы тартады. Биыл екі рет 85 млрд теңге жинағанымен, үш айда 105.8 млрд теңге несие берді, сұраныс күткеннен жоғары болды.