Қазақстанда тұрғын үй құрылысы үшін тегін 10 сотық жер алу кезегінде 3.9 миллионнан астам адам тұр. Үш көшбасшы аймаққа Алматы облысы, Түркістан облысы және Шымкент кіреді. Бұл туралы Krisha.kz редакциясына «Азаматтарға арналған үкімет» Мемлекеттік корпорациясы" хабарлады.

Әр қазақстандық өмірінде бір рет 10 сотық жер телімін тегін алуға құқылы (Жер кодексінің 50-бабы). 

Кезекте қанша адам тұр және қанша жер беріледі

Биыл 24 116 жер беру жоспарланып отыр.

Облыс

Кезек, адам*

2024 ж. жоспар**

Алматы
облысы

1 223 631

0

Түркістан
облысы

454 386

1 000

Шымкент

280 302

0

Ақмола
облысы

273 970

203

Астана

250 648

0

Жамбыл
облысы

227 263

2 900

Ақтөбе
облысы

191 851

2 090

Атырау
облысы

183 027

1 260

Маңғыстау
облысы 

170 991

5 357

Қызылорда
облысы

161 923

6 700

Жетісу
облысы

122 050

1 642

БҚО

98 548

1 456

Қостанай
облысы

66 650

397

Павлодар
облысы

61 653

250

Қарағанды
облысы

58 589

434

ШҚО

41 781

119

СҚО

26 837

0

Абай
облысы

25 710

53

Ұлытау
облысы

19 250

255

Алматы

0, бос жер телімі жоқ

0

*«Азаматтарға арналған үкімет» Мемлекеттік корпорациясы" КЕ АҚ ақпараты.
**Жер ресурстарын басқару комитетінің мәліметі

Былтыр 8 805 адам жер алды. Ең көбі Жамбыл облысында — 2 243, ең азы Ақтөбе облысында — 22 жер берілді.
Астана мен Шымкентте жер мүлдем берілмеді.

10 сотық жерді кім, қашан және қалай береді

  • Жер телімі тек су және электр желілері бар жерлерде беріледі.
  • Жер беру туралы шешімді жергілікті әкімдік қабылдайды. Олар алаңды дайындау жұмыстары және кезектегілердің тізімі туралы ақпаратты сайттарда, БАҚ-тарда қазақ және орыс тілдерінде тоқсан сайын жариялауға міндетті.
  • Жерді үй салғаннан кейін ғана алуға болады.
  • Құрылыс кезінде жер жалға беріледі.
  • Жеке меншік құқығын беру туралы шешім салынған үйдің пайдалануға қабылдау актісінің негізінде қабылданады.
  • Қазір жер телімін беру процесі толықтай онлайн режимге көшті. Жылжымайтын мүліктің бірыңғай мемлекеттік кадастры және «Жеке тұлғалар» базасы бірікті.
  • Тегін 10 сотық жер кезек келген аймақта тек бір рет беріледі. Қалған өтінімдер жойылады.
  • Бұрын мемлекеттен тегін жер алған немесе Алматы сияқты ЖТҚ үшін бос жер жоқ болған жағдайда кезекке тұруға болмайды.

10 сотық жерге кезекке қалай тұруға болады

Жер телімін алуға кезекке тұру үшін:
1. Электрондық цифрлық қолтаңба (ЭЦҚ) арқылы электрондық үкімет порталына кіру қажет.
2. «Жылжымайтын мүлік» бөлімінде, «Жер қатынастары» бөлігінде «Жеке тұрғын үй құрылысына жер учаскесін (10 сотық жер) алуға кезекті қарау немесе кезекке тұру» қызметін таңдау қажет.
3. «Онлайн сұрау» түймесін басу керек.

Өтініш берген кезде өтініштің «Кезекке қою» түрін таңдау қажет, содан кейін аймақты таңдап, өтінішке ЭЦҚ арқылы қол қою керек.

Кім өтініш бере алады

10 сотық жерге өтінішті меншігінде басқа жер учаскесі, пәтері немесе үйі бар-жоғына қарамастан жасы 18-ге толған әрбір қазақстандық бере алады.

Кезекті қалай тексеруге болады

Кезекті электрондық үкімет порталында «Жеке тұрғын үй құрылысына жер учаскесін (10 сотық жер) алуға кезекті қарау немесе кезекке тұру» қызметін таңдау арқылы тексеруге болады. Ол үшін ЭЦҚ қажет.

Кезекті Жылжымайтын мүліктің бірыңғай мемлекеттік кадастрының Жария кадастрлық картасынан тексеруге болады, қарау үшін аты-жөніңізді енгізу қажет.

Кезекті тексеру үшін ЭЦҚ немесе аты-жөніңізді көрсету қажет.
Тек ЖСН арқылы кезекті тексеру мүмкін емес.