Су тасқыны: өтемақы қашан төленеді?
Үкімет су тасқынынан зардап шеккендерге өтемақы қашан төленетінін, оны қандай мөлшерде және қайдан алуға болатынын түсіндірді.
10 сәуірде табиғи сипаттағы төтенше жағдайлар кезінде келген зақымды өтеу ережелері туралы қаулы жарияланды.
Қайда жүгіну керек?
Залалды өтеу туралы өтініш төтенше жағдай болған күннен бастап 30 күнтізбелік күн ішінде жергілікті әкімдікке берілуі тиіс.
Меншік иесі мұны өзі жасай алмаса, оның орнына туыстары немесе сенімхат бойынша әрекет ететін үшінші тұлға жасай алады.
Өтінішпен бірге мыналар қоса берілуі керек:
- Жеке куәліктің көшірмесі.
- Жоғалған және/немесе бүлінген мүліктің тізімі.
Маңызды: әкімдік өтінішті материалдық шығынды өтеу туралы арнайы журналға тіркеп, құжаттардың қабылданғаны туралы қолхат алуы керек.
Өтінішті қарастыру қанша уақыт алады?
Қарастыру мерзімі өтініш тіркелген күннен бастап 15 жұмыс күнін құрайды. Одан кейін 10 жұмыс күні ішінде келген шығынды бағалау жүргізіледі.
Бағалаушы белгіленген күні келеді. Үйге кіре алатындай болу керек. Сарапшы қорытынды дайындайды.
Бағалаушы бағалау есептемесімен таныстыруға міндетті.
3 жұмыс күні ішінде әкімдік бағалау қорытындысы бойынша өтемақы төлеу туралы шешім қабылданады.
Зардап шеккендер өтемақыны қашан алады
Төлем әкімдік шешім қабылдағаннан кейін 30 күнтізбелік күн ішінде жасалады.
Мүлікті толық әрі сапалы бағалау үшін мамандардың жұмысы су тасқыны тұрақталып, үй мен аулада су толығымен тарағаннан кейін басталады.
Осыған байланысты билік кейбір өңірлердегі әкімдіктерге өтініш қабылдау мерзімін ұзартуды тапсырды.
Зардап шеккендер 100 АЕК — 369 200 теңге көлемінде біржолғы материалдық көмек алуға құқылы.
Оны алу туралы өтінішті де әкімдік қабылдайды.
Үйлері қирағандарға жаңа үй салынады. Үлгілік жоба әзірленіп, мемлекеттік сараптамадан өтуде.