«Алатау жастары» бағдарламасына қатысуға өтінім қабылдау басталды. Бұл Алматы облысында тұратын және жұмыс істейтін жастарға арналған жеңілдікті ипотека.

Бағдарлама шарттары:
— Мөлшерлеме — 6 % (ЖТСМ — 6.2-6.8 %).
— Бастапқы жарна — 10 %-дан бастап.
— Қарызға берілетін ең көп сома — 18 млн теңге. Пәтер немесе үйдің құны жоғары болса, жетпейтін соманы жеке жинақтан қосуға болады.
— Несие мерзімі — 19 жыл.

Бағдарлама арқылы бірінші (тұрғын үй кешені пайдалануға берілген болуы керек) және екінші нарықтан пәтер немесе жер үй сатып алуға болады.

Бағдарламаға қатысу үшін мына мекенжай бойынша жүгіну қажет: Қонаев қаласы, 1 шағын аудан, № 41, «Бәйтерек» БО. Қабылдау уақыты: 10:00-ден 18:00-ге дейін.

Өтінім 1 қазаннан 15 қазанға дейін қабылданады.

Қатысушыға қойылатын негізгі талаптар:

  • Жасы 35-ке дейін.
  • Соңғы 12 айда Алматы облысында тұрақты тіркелген және еңбек өтілі болуы керек.
  • Қатысушы мен оның отбасы мүшелерінде соңғы 5 жылда тұрғын үйі болмауға тиіс.
  • Отбасы банкте депозиттің болуы.

Қатысушылар ұпай жүйесі бойынша іріктеледі. Ұпай отбасы мен балаларының болуына, ресми еңбек өтіліне, депозит мерзімі мен сомасына және т.б. байланысты беріледі.