Алматы әкімдігі «Алматы жастары» бағдарламасы бойынша жеңілдетілген несие алуға өтініш қабылдау мерзімін хабарлады.
Бағдарлама шарттары:
— Несие мерзімі — 18 млн тг.
— Мөлшерлемесі — 5%.
— Бастапқы жарна — 10 %.
Қатысушылар бірінші немесе екінші нарықтағы тұрғын үйді сатып ала алады.

Өтініш пен құжат қабылдау 29 шілдеде басталып, 7 тамызда аяқталады.

Өтінішті тек онлайн almaty-zhastary2024.kz сайты арқылы беруге болады. Қатысушыда жарамды электронды цифрлық қолтаңба (ЭЦҚ) болуы қажет. Жарамдылық мерзімі өтсе, жаңартып алған жөн.

1200 қатысушы несие ала алады.

Биыл «Алматы жастары» бағдарламасы бойынша «Жұмыс істейтін жастар» (2019 ж. қатысушылары) бағдарламасының қатысушылары да несие рәсімдей алады.

«Алматы жастары» бағдарламасының негізгі талаптары:
1. ҚР азаматтығы.
2. Өтініш беру кезінде өтініш беруші мен оның жұбайы Алматыда тұрақты тіркелген.
3. Жасы 35-ке дейін (өтініш берген сәтте).
4. Бағдарлама қатысушысының және оның отбасы мүшелерінің жеке меншік құқығында тұрғын үйдің болмауы.
5. Соңғы 6 ай ішінде Алматыда ресми еңбек өтілінің болуы (зейнетақы қорына ақша аударылуы керек).

Жұмыс саласы да маңызды. Төмендегі салалар келеді:

  • денсаулық сақтау;
  • білім беру;
  • мәдениет;
  • спорт;
  • жоғары оқу орындары және ғылыми-зерттеу институттары;
  • журналистика;
  • әлеуметтік сала;
  • құқық қорғау органдары;
  • қалалық коммуналдық қызметтер.