Krisha.kz тәулігіне жалға берілетін пәтерді тексеру функциясын іске қосты. Әрбір жалға беруші жеке басын растап, жылжымайтын мүлік құжатының суретін немесе скриншотын ұсынса, «Пәтер тексерілді» деген белгі ала алады.

Назар аударыңыз! Krisha.kz жеке ақпаратты жинамайды, сақтамайды, үшінші тарапқа бермейді және жарияламайды! Құжат тексеруден өткеннен кейін бірден жойылады.

Жалға беруші пәтер өзіне тиесілі екенін немесе заңды түрде қосалқы жалға беріліп жатқанын растаса «Пәтер тексерілді» деген белгі алады.

Бұл нені білдіреді:
– Хабарландыру айқындалып тұрады.
– Тексеруден өткен хабарландыру сенім мен қызығушылықты арттырады.

Не қажет болады

Үй иесіне:

  • Жеке куәлік;
  • «Kaspi.kz-тегі мемлекеттік қызметтер бөлімінен» немесе Egov-тан жылжымайтын мүліктің болуы туралы анықтама.

Қосалқы жалға берушіге:

  • Жеке куәлік;
  • Үй иесімен жасалған қосалқы жалгерлік келісімшарты;
  • Үй иесінің атында жылжымайтын мүліктің болуы туралы анықтама.

Тексеруден қалай өтеміз

  1. Жеке кабинетке кіріп, хабарландыруды тексеру үшін баннерді басыңыз.
  2. Жеке куәлікпен түскен фото жүктеңіз (құжатты қолда ұстаңыз). Суретте бетіңіз бен жеке куәліктегі ақпарат анық көрінуі керек.
  3. Kaspi.kz немесе eGov.kz-тен алған иесінде жылжымайтын мүлік бар екені туралы анықтаманың фотосын немесе скриншотын жүктеңіз (қызметке сілтеме). Фотодағы құжат анық көрініп тұрғанына және мәтін жақсы оқылатынына көз жеткізіңіз. Үй иесі болмасаңыз, қосалқы жалгерлік келісімшартының суретін және үй иесінен мүліктің меншік құқығын растайтын құжатты жүктеңіз.
  4. Құжат жүктелген соң тексеруге жіберіледі. Тексеру жұмыс уақытында 15 минуттан 2 сағатқа дейін уақыт алады.
  5. Тексеруден кейін хабарландыру «Пәтер тексерілді» белгісін алады. Статусты жеке кабинетіңізден көре аласыз.

Тексеруден қазір өтіп, «Пәтер тексерілді» белгісін алыңыз.