Кредиті әлі төленіп болмаған пәтерді сатуға мүмкіндік бар ма?

Ипотекаға алған пәтерді сатуға бола ма

Пәтерді ипотекаға алса да, оның иесі — қарыз алушы. Сондықтан жылжымайтын мүлікті қалауынша пайдалана алады, яғни, сата ма, жалға бере ме, сыйға бере ме, өз еркі. Алайда пәтер кепілде тұрғандықтан, банктен рұқсат алуға міндетті.

Кепілде тұрған пәтерді сату үшін банктің рұқсаты керек.

Кепілдегі пәтерді қалай сатады

1. Қарыз сомасын біліңіз

Саудаламас бұрын нақты қанша қарызыңыз бар екенін анықтап алған жөн және ерте төлесе комиссия ала ма, соны біліңіз.

2. Банктен рұқсат алыңыз.

Кепілде тұрған жылжымайтын мүлікті кредиторсыз сата алмайсыз, өйткені түпнұсқа құжаттар банкте сақталады, ал ауыртпалық барын нотариус бірден көріп, мәміле жасаудан бас тартады.
Рұқсат алу үшін банктің несие бөліміне жазбаша түрде (еркін формада) өтініш жолдайсыз. Бүкіл мәліметті, несие шартының нөмірін, сатуға не себеп болғанын жазыңыз.

Банк жауабын қанша күту керек

Әдетте қаржы ұйымдары мүлікті сатуға қарсы болмайды.
Жауап мөр басқан ресми бланкіде беріледі. Онда банк кепіл ұстаушы ретінде мүлікті сатуға қарсы емес деп жазылады.

Банк өтінішті 14 жұмыс күні ішінде қарайды.

Ипотекаға алған пәтерді қалай сату керек

Кепілде тұрған мүлікті қолма-қол ақшаға сатуға да, ипотека арқылы өткізуге де мүмкіндік бар.

Мұндай пәтерді сату үшін хабарландыру берер кезде кепілде тұрғанын атап өтуді ұмытпаңыз.

Бірінші жағдайда мәміле қарызды мерзімінен бұрын өтеу арқылы жасалады.

Схема мынадай:
1. Сатып алушы сатушыға ипотеканы толық жабуға жететін ақша береді. Келісімшарт жасалып, онда мыналар жазылады:

  • сома;
  • сатушының сол ақшамен қарызды толық жабуға міндетті екені;
  • ауыртпалықтан арылған соң мүлікті сатуы қажет екені.

2. Сатушы ипотеканы толық жауып, пәтердің құжаттарын алады да, ауыртпалықтың күшін жояды.
3. Сатып алу-сату шарты жасалады.
4. Сатып алушы пәтердің қалған ақшасын береді.

Бүкіл процесс кем дегенде екі апта уақыт алады.

Пәтерді ипотека арқылы қалай сатады

Ипотекаға сату
Сатып алушы кепілдегі пәтерін ипотека арқылы сатқысы келсе, мәміле қарызды қайта табыстау жолымен рәсімделеді. Яғни, сатып алушы сатушының қарызын өз мойнына алады.

Бұл жағдайда сатушы (ипотека алған адам) банкке ипотека қарызына қатысты міндеттерін кепілдегі мүлікке құқықпен бірге сатып алушыға беру туралы өтініш жолдайды.

Егер банк сатып алушының төлем қабілетіне көз жеткізсе, рұқсат береді.

Осы рұқсат негізінде нотариус арқылы сатып алу-сату шарты жасалады, содан соң сатып алушы банкпен ипотека келісімшартын рәсімдейді.