14 қыркүйектен бастап Алматы мен Алматы облысындағы кейбір тұрғын үй кешенінде электр энергиясы шектелуі немесе толық өшуі мүмкін.

Тізімге қандай үйлер кірді*

  1. Medeu city ТҮК — 102.18 млн теңге.
  2. «Мирас» ТҮК — 48.51 млн.
  3. Etasa Резиденс ТҮК — 40.77 млн.
  4. Meridian Apartments ТҮК — 39.48 млн.
  5. Four Seasons ТҮК — 28.76 млн.
  6. «Өжет» ТҮК — 28.40 млн.
  7. «София» ТҮК — 24.83 млн.
  8. Titul town ТҮК — 19.49 млн.
  9. Melody ТҮК — 18.20 млн.
  10. «Есентай Сити» ТҮК — 18.09 млн.
  11. «Хан-Тенгри» ТҮК — 11.42 млн.
  12. Lancashire ТҮК — 10.71 млн.
  13. Alatau Golf Residents ТҮК — 9.90 млн.
  14. Biography ТҮК — 9.13 млн.
  15. Sahon Yard ТҮК — 7.89 млн.
  16. «Таим Сити» ТҮК — 7.25 млн.
  17. Qadam ТҮК — 5.54 млн.
  18. «Ожет Плюс» ТҮК — 5.16 млн.
  19. «Мейрам парк» ТҮК — 3.82 млн.
  20. «Жардин» ТҮК — 2.86 млн.
  21. «Бағанашыл» ТҮК — 2.54 млн.
  22. Serenity park ТҮК — 2.45 млн.
  23. Bromelia ТҮК — 2.42 млн.
  24. «Тау Самал на Навои» ТҮК — 649 мың.

Тізімде мына кешендер де бар:

  1. Ерменсай шағынауданы — 20.06 млн.
  2. BeyAzh Trans ЖШС тұрғын алабы — 14.95 млн.
  3. Тұрғын үйлер, Қаталбаев С. Н. — 6.75 млн.
  4. «Асу» ТК — 6.13 млн.
  5. «Кайнар» ТК бау-бақша серіктестігі — 5.24 млн.
  6. Джомиев Х. Н. саяжай алабы — 3.63 млн.
  7. Наурзбеков Б. Н. саяжайы — 3.42 млн.
  8. Бейсеев А. Е. тұрғын алабы — 2.77 млн.
  9. «Дружба — Спорт» ТК бау-бақша серіктестігі — 2.18 млн.
  10. «Алма» ТК бау-бақша серіктестігі — 1.75 млн.
  11. Алсиеуов К. Е. тұрғын алабы — 1.69 млн.
  12. Абетаев Н. А. су жинайтын мұнарасы — 297 мың
  13. «Таутаган 64» ТС — 297 мың
  14. «Форум Айнабулак» ТК — 44 мың тенге.

*Тізім 14.09.2026 жылғы жағдай бойынша өзекті.

Қарыз қайдан пайда болды

«Алатау Жарық Компаниясы» АҚ филиалының «Энергосбыт» бөлімі бұған бірнеше себеп бар деді:

  • Үйдегі және пәтердегі есептегіштің көрсеткіші сәйкес келмейді. Сондықтан айырмашылықты кім төлейді деген дау туындайды.
  • Жеке келісімшарт жоқ. Кейбір үйде тұрғындар жеке келісімшарт жасамаған. Сондықтан қарыз жалпы келісімшарт бойынша есептеледі.
  • Электр желі кімге тиесілі екені белгісіз. Кей жағдайда үй ішіндегі электр желісі кімге тиесілі екені және оларды кім күтіп ұстайтыны түсініксіз.

Кім жарықсыз қалуы мүмкін

Үй қарыз болса барлық пәтерде жарық міндетті түрде өшеді дегенді білдірмейді. Барлығы электр қуатымен жабдықтау туралы келісімшарттың кіммен жасалғанына байланысты.

Келісімшарт басқарушы компанияның атына рәсімделсе, қарыз сол компанияға тиесілі. Бұл үйдің ортақ қажеттіліктеріне жұмсалатын электр энергиясы болуы мүмкін. Мұндай жағдайда жарық кіреберіс, аула және т. б. ортақ аумақта өшуі мүмкін.

Пәтер иесі «Энергосбытпен» жеке келісімшарт жасасқан болса, қарыз сол пәтер иесінің атына тіркеледі. Техникалық мүмкіндік болса, тек сол пәтердің жарығы өшуі мүмкін.

Пәтер мен үйдің ортақ электр желісін бір-бірінен бөлу мүмкін болмаса, жарықты өшіру тәртібі үйдің электрмен жабдықтау схемасы мен келісімшарт талаптарына байланысты болады.

Қарызға байланысты жарық өшсе, оны тек қарызды толық өтегеннен кейін қайта қосуға болады.

Уақытылы төлеп жүргендерге не болады

Электр энергиясының ақысын уақытылы төлеп жүрсеңіз, басқарушы компанияның қарызы автоматты түрде сіздің қарызыңызға айналмайды.

Үйдегі электр желісі жеке желіге бөлінбесе, жарық өшуі ықтимал. Сондықтан кімнің атында қарыз барын және ол нақты не үшін екенін анықтау маңызды.

Биыл тамыздан бастап қарызы бар үйлердің түбіртегінде электр энергиясы бойынша берешек сомасы жазылған жеке жолақ пайда болды.

Мұндай жолақ сіздің түбіртегіңізде де болса, басқарушы ұйымнан мынаны сұраңыз:

  • қай кезең үшін қарыз жиналған;
  • қарыз қандай төлемдерден құралған;
  • оны өтеуге кім жауапты;
  • қарыз қашан жабылады.

Пайдалы материалдар:
Қазақстанда тұрғын үй нарығы бәсеңдеді
Алматыда көмір мен отын жағуға тыйым салына ма: әкімдік жауап берді
Қазақстанда тұрғын үй мәмілесін жергілікті нотариус рәсімдейді