Келер жылы ел тұрғындары ипотеканың жаңа түрін рәсімдей алады. Бұл туралы брифингте сөз сөйлеген Отбасы банк басшысы айтты.

Бағдарлама жас отбасыларға арналған. Оған қатысу үшін кезекке тұрудың қажеті жоқ.

— Соңғы кезде бір баламыз бар, бірақ баспанамыз жоқ, мемлекеттік қызметкер болмағандықтан, кезекке тұра алмаймыз деп жүгінген тұрғындар көп болды. Солар үшін бағдарлама әзірлегіміз келеді, — деді Ләззат Ибрагимова.

Жаңа бағдарлама бойынша мөлшерлеме 9 % болады.

Басқа шарттары «7-20-25-ке» ұқсас:

  • Бастапқы жарна — 20 %.
  • Ипотека мерзімі — 25 жыл.

Отбасы банк облигация шығарады деген болжам бар, өйткені кредит рейтингі бәрінен жоғары (трипл би).

— Барлық шарты, мүмкіндіктері мен механизмдері 2024 жылы белгілі болады.