Көпқабатты үйлердің кіреберісінде тұратын камера қалыпты жағдай. Ол даулы жағдайды шешуге және түрлі оқиғаға кінәлі адамдарды анықтауға көмектеседі.

Бірақ көршіңіздің камерасы сіздің пәтеріңіздің есігін түсіріп тұрса не істеу керек? Бұл мәселені заңгерлердің көмегімен қарастырайық.

Қандай жағдайда камера орнату заңды

Пәтердің маңына камера орнатуға болады. Ең басты талап — камера иесінің қауіпсіздігін қамтамасыз етіп, көршілердің жеке өміріне қол сұқпауға тиіс.

Әдетте камера пәтердің кіреберісіне және оның алдындағы жерге қарап тұрады. Ол көршілердің есігін және басқа пәтерлердің ішін түсірмеуі керек.

Камера көршілердің құқығын қандай жағдайда бұзады

Мынадай жағдайларда мәселе туындайды:

  • көрші пәтердің есігін түсірсе;
  • көршілерге кімнің келіп-кететінін тіркесе;
  • есік ашылған кезде көрші пәтердің ішіндегі жағдайды көруге мүмкіндік берсе.

Әр адамның жеке өмірі заңмен қорғалады. Ешкім сіздің келісіміңізсіз үйде қашан болатыныңызды немесе кімді қонаққа шақыратыныңызды бақылап, ақпарат жинамауға тиіс.

— Пәтер маңына камера орнатуға болады. Бірақ ол көршілерді және олардың есігін түсірсе, бұл жеке өмірге қол сұғу болады. Мұндай жағдайда камера иесі оны бұруы немесе басқа жерге ауыстыруы керек, — деп түсіндірді заңгер Бақыт Қасымбеков.

Біреу ереже бұзса не істеу керек

Алдымен көршіңізбен мәселені өзара шешіп көріңіз. Егер ештеңе шықпаса, сотқа дейінгі талап арыз жолдап, камераның орнын өзгертуді талап етіңіз. Келесі қадам — сотқа жүгіну.

Бірақ ескеретін жайт бар

Көбінесе мұндай дауды шешу оңайға соқпайды.

Заңгер Аркадий Рубцовтың камера орнатылғаны туралы фактінің өзі жеткіліксіз дейді. Құрылғы шынымен сіздің құқығыңызды бұзып тұрғанын дәлелдеу қажет.

— Көрші камера жұмыс істемейді, жай ғана тұр немесе жазбаны сақтамайды деуі мүмкін. Қазір камера тек көпқабатты үйде емес, жеке секторларда да бар. Сондықтан адамдар камера объективіне жиі түсіп қалып жатады, — дейді заңгер.

  • Сол себепті мұндай жанжалдардың басым бөлігі сотта емес, көршілердің өзара келісімі арқылы шешіледі.
  • Бейнебақылаудың артықшылықтары кемшіліктерге қарағанда әлдеқайда көп.
  • Даудың алдын алу үшін камераны орнатпас бұрын көршілерден сұрап, олардың келісімін алдын ала алған дұрыс.

Пайдалы материалдар:
1%-дық ипотека: астарында не жатыр
Зейнетақы жинағын енді шешіп ала алмайсыз: Отбасы банкіндегі ақшамен не істесе болады